انتقامي

32

فردوس : قعمز ! خسرت اماليا وخسرت اياد ! بسببهم فاهم
ايمن : شنووو عاودي !! ايادد !!!!!!!
فردوس بدت تبكي وحكتله ان علي هو يلي قتل اياد
فردوس : فاهم ليش نبي نتزوجههههه
واهني ايمن هبلللل وناض يعيط
فردوس : ايمننن اسمعنني شن بتدير بتمشي تضربه !! اوكي برا اضربه اهي طريق قدامك !!! ساهله حتى اني كنت نقدر نضربه ونمشي نرفع عليه قضية ! بس للاسف حيطلع منها! لان اولاد الحرام كاترين !! بس اني خطوبتي منه بالذات باش نوريه الويل ونندمه ع كل دقيقههه عاشها !! وكل دقيقه اياد تعذب فيههها فاهمم
ايمن سكت
افنان كانت تبكي
ايمن : وانتي مستقبلك
فرذوس : اني مستقبلي من بعد عرفت من قتل اياد وعيلتي !! بدي باش ننتقم وبسسس
ابتسام : بنيتي
فردوس : اني قتلكم خطوبتي غدوا وانتم عيلتي ♥️ نبيكم توقفو جنبي وتساندوني
ابتسام حطت يدها ع كتف فردوس : اني معاك ف كل لحظهه ومش حنخليك وجيبي حاجات باش تقعمزي معانا هادا حوشكك
ايمن جي باس راس فردوس وطلع برا الحوش
قعمزو ابتسام فردوس وافنان يهدرزو
ابتسام : شريتي قفطان خطوبة؟
فردوس : بنلبس نفس قفطان خطوبتي من اياد م نبيش حاجة كبيره كله بسيط وحنزيد نكلم علي
افنان : اني بنخش نقرا شوية
ابتسام : خشي اني بنوض نصلي
خشت افنان غرفتها وفتحت نقال لقت رساله من احمد فتحتها قرت فيها ان اشرف مات بدت تعيط وتبكي خشتلها فردوس حضنتها
فردوس : شن في شن في افنانن اسس
افنان : اشرف اشرفف ماتتتت ، حيعليا فردوس مات كيف يعني مات اكيد احمد ولد عمك يتسهوكككك
فردوس : مماتش اهديي امسحي دموعكك
افنان : باهي شن كلامهم
فردوس : افنان الكذب ميدومش باهي ! لهذا ضروري تعرفي الواقع وتتقبليه مهما كان !! لان الكذب ميدومش اشرف مماتش بس سيبك
افنان : شنووو
فردوس : اني نحكيلك تعرفي ان امالي اشرف ف مصر ولا !
افنان : اي
فردوس : معندهمش غير اشرف ! اتصلت امه بيه تبكي بوه حالته خطيرة وامه حتدير عملية ومعندهمش فلوس اشرف سافرلهم حيتعب حيخدم مش حيلهى بيك ! قال يبي يخلي باقي حياته لاماليه وبسس ! وقال ان انتي حتكوني حمل عليه وخلاص ! حيقعد يهتم بيك ومشغول عليك ! هو كلم احمد يرد باله منك لان يعرف ان احمد يحبك !
افنان : تي مصحح وجهه شن لعبههه هي
فردوس : اهدي ! هو كلم شباب يقولولك انه مات ! بس محبيتش نكذب عليك هادا يلي صار ضروري تتقبلي الواقع ومفي حد حيقعد لحد قدامك اني اهو♥️
افنان : كيف كيف اشرف هكي يدير
فردوس : اهدي عنده حق امه وبوه !! شنو لمني بيخليهم!
افنان ناضت
فردوس : افنان
افنان : اني كويسه كويسه ي فردوس
.............
بعد مرور شهرين ♥️♥️
يلي صار فيهم ان علي خطب فردوس وناضت عداوة بين علي ومحمد هلباااا ! فردوس كان كل همها تنتقمم وخلاص تبي تطيح بيناتهم ! كانت مقيمة ف حوش اياد معتبراته حوشهم ، اما احمد كل يوم يكلم ف افنان وشبه نساها اشرف وقاعد يحبها وهي مشاعرها تحركو اتجاهه بس ما اعترفتلاش ♥️
،،
مبروكة جت خشت غرفة علي لقاته يساوي ف روحه ف مرايا : مش مصدقة غدوا عرسك عليوتي ♥️ بنفرح بيك واخيراا
علي : وعقبال نعبيلك الحوش كلهه صغار
مبروكة : باهي يلي قعدت معاي ف حوش
علي : عارفتيني مكنتش نبي نقعد اهني غير فردوس اصرت
خشت فتون
فتون : خوي مع اني مش هاضمة عروستك..
علي : فتون تعودي اهضميها امالا
مبروكة : تي وين خليتي ناس هيا انزلللي
فتون : هههي
مبروكة : علي انت وين ماشي
علي : والله شباب مدايرنلي حفلة بسيطة
مبروكة : تمام
،،
عند فردوس كانو يحنو فيها ويغنو ♥️ ناس بسيطة فردوس محبتش تعزم هلبا حلا وعيلتها وايلاف واسراء وشوية من الجيران وبس ♥️♥️ كان جو تدربيك واغاني
سجى : ودورو بيها دورو بيها وانشاء الله السعد يواتيها😂♥️
ايلاف : الليلة ليلة حنتها وغدوا نسيت الباقي 😂♥️
حلا : ايلاف انتي بالذات متغنيش خير😂😂♥️
ايلاف : وعلي شد فرينو ودوسا لبست فيلو
حلا : عليوة ي حبيبها خميس وجمعة جيبها
اسراء : وعليوة ي حياتها خميس وجمعة هاتها
نقال اسراء شرين
اسراء : سجو ركبيلي سماعة ف ودني اني الحنة
سجى ركبتلها سماعة ف ودنها
وطلعت اسراء جري ع جنان قعدت تهدرز مع بنت صاحبتها♥️
ف نفس ايمن خش جنان ،ايمن كان خاش يجري ويتكلم مع افنان من الباب واسراء كانت عاطيه ايمن بظهر
ايمن : تمام تمام جبتهم من مغسلة اني
وكيف اسراء سمعت صوت لادت وايمن شبح لاسراء انخبطو ف بعض ،
اسراء شبحت ايديها الحنة كلها ف سورية ايمن
ايمن : نهار لاحررررف الهم الاغبر تي وين عيونك
اسراء : اسفهه م انتبهتلكش
ايمن : زفت حنة وبلي اغبرررر ونبي معاش تعاوديها الحنة اهيا وراسك منبيهاش متفكريش تديريها ، يامات سود
جي ايمن طالع من جنان متعفلق وبيطلع جي خاطم جنب كوجينة
ابتسام : وين
ايمن : جهنم
ابتسام : تي غير تعال
ايمن : ونبي نحولي هالسورية
افنان ضحكت ع ايمن : كلها حنة
ايمن : خاش داري
افنان : متخشش بنات غادي تعال جاي
ايمن : باهي تفضلي طيري جيبيلي سورية هي
ايمن نحى سوريته ف كوجينة جت اسراء خاشه
اسراء : عمتي ابتسام
ولمحت ايمن من غير سورية طول طبست راسها
ابتسام ضحكت : تعالي جاي ي متحشمة وين هاربة
ايمن : خلوني بهالحالة بسببها
ابتسام : حي حنتك
اسراء : اي عمتي نبي نغسلها اندارت كلها
ابتسام : شن جابها لسورية ايمن
ايمن وهو متعفلق : هي حمارههه
ابتسام : اسكتت
اسراء : كنت بنقولك باب حمام مباش ينفتحلي
ابتسام : اي قوي شوية تو ايمن يمشي يفتحهولك
ايمن : شنوو وبالك بنطلع هكي
ابتسام : ع اساس م شبحناش يعني تي ونبي برا اهوا الحمام قريب
ايمن : استغفر الله ووينها افنان ماتت
طلع ايمن ووراه اسراء
ايمن دف باب فتحه : تفضلي ي هانم
كيف بتخش اسراء تعتر جت ف ايمن بالضبط ، حاولت تنحي منه بس شعرها علق ف قلادة يلي لابسها ايمن
ايمن : لا لا اصبري معاش تشحي زي الثوررر هادي الذكرى الوحيدة من اياد اصبرررري الزفت حنة وقلادة كثرتي ع ماوصوك را
اسراء : اي اي شعررري بشوية
نحى ايمن قلادة من شعر اسراء وهي طول خشت حمام وهو رجع كوجينه لبس وطلع♥️
اسراء خشت حمام تتفكر ف ايمن كانت هايمة فيه وف كل تفاصيله♥️
......
ف الليل ♥️
فردوس كانت شادة صور اياد وتتفكر فيهم خش ايمن ♥️
ايمن : دوستي
فردوس : عيونها
ايمن : خلاص غدوا
فردوس : اي باذن الله
ايمن : مش مصدق بتمشي وتخلينا
فردوس : متخافش عارفني ليش ماشية اني قاعدهه
ايمن جاب سنسل لبسها لفردوس : هادي شيء بسيط مني
فردوس : محلاه شكلها♥️
ايمن باس فردوس ع راسها ودموع ف عيونه : ربي يحرمنيش منك
خشو حلا وايلاف وافنان ومروة يدربكو : والليلة باي باي تشاو للعزوبية😂😂😂😂😂
افنان : والليلة باي باي تشاو للعزوبية
ايلاف : والليلة باي باي تشاو للعزوبية
ايمن : عصام الطويل ينبح بهالاغنية قريب ثلاثه دقايق ملقيتوش كان هادا المقطع تسمعو فيه علينا
ايلاف : اطلع اطلع 😂 انت شكلك م عارف شي مش موضوعك
ايمن : مش موضوع صار شوفو شوفو اسمعو هي 😂
ايمن بدي يدربك ع الباب : اوها اوها والليلة بنقيموها اوها اوها والليلة بنقيموها ، اوها اوها والعيلة هادا جوها ، ويلي م تصفق بايديها عشرة سنين مع والديها
جهاد كان واقف جنب ابتسام ويتفرجو بعدين جي مع ايمن يغني 😂😂🤷🏻‍♀️
جهاد : هبي هبي ي ريح وايمن جوهه مليح ،
افنان : هبي هبي ي رويحهه مدام اني متريحه
جهاد : وايمن ي سمحح ورش عليه الملح
ايلاف : وواحد اثنين تمانيه فردوس حاجة تانيه
جهاد : ويلي م يعرف جونا خلي ياخذ سونا ولا شن هي 😂😂😂
ايلاف : منورين فاطمة الحمصة منورين فردوس غدوا ليش بتجيبي زمزامه اهو جهودة وايمونه موجودين
فردوس : حتني قلت يكفو ويوفو
جهاد : اسمعو اليوم اخر يوم لدوسا معانا بنتعبوها خلي نلعبو كارته اليوم للفجر
ايلاف : اي اي
فردوس : اني تاعبهه بنرقد
ايمن : مفيش نومم اليوم ، اي مافي نوم بعد اليوم مافي نومم الا جنبك حبيبي
جهاد : انا بدي جن ما رح كن بدي جن😂
ايلاف : هي فتنا الحمصة بدينا نجوى كرم
ابتسام : اطلعو اطلعو انت وياه خلو البنات مع بعض
ايمن : يما قلنالهم بنلعبو كارته ، اني بنمشي نفرش وسط حوش نقيموها اليوم
مروة اتصل بيها خالد
خالد : وينك
مروة : قاعدة
خالد : ليا ساعه نتصل
مروة : كنا نغنو كيف سمعته
خالد : بهه اني توا لوطا نبي فردوس
مروة : اركب تو نكلمها تخش مربوعه
خالد : اوك
مروة : دوسا بري مربوعه شوية عمك يبيك
مروة وخالد ميعرفوش ان فردوس تبي تتزوج باش تنتقم وبس ! كانو يحسابوها تبي علي ♥️
مشت فردوس مربوعه لن جي عمها♥️
خالد : مش حنكتر دوة تعرفي انك بنتي ولا ؟ وروحي وحياتي ومنبيش غير مصلحتك ! اني علي م عندي فيه م نقول راجل ! تريسسس ! انتي شنو ! مرتاحه تبيه ولا لا !
فردوس ودموع ف عيونها هزت براسها اي
خالد : فردوس محد جابرك را
فردوس : عارفه عمي بس اني نبي علي
جي ايمن خاش
ايمن : عم خالد
خالد : وين ايمن مختفي
ايمن : والله اهو نجريي وراء عرس اختي ، خش خش بنحطو العشاء
خالد : لا لا الشباب يستنو فيا مدايرين عزومة لعلي بنمشي
فردوس : تمام عمي
طلع خالد وايمن شد يد فردوس
ايمن : تخافيش اني جنبك ♥️
......
ثاني يوم ♥️ كان احلى يوم عند علي الفرحة مش واسعاته ! محمد مختفي مش موجود بككل !
فردوس من صبح ف مزين مع بنات لن جي ايمن وجهاد وخالد بسيارات رفعوهم صالة كانت طالعة زي الملاك فردوس كل شيء فيها كان حلو ، دخلها ايمن♥️
مبروكة : تو هادا باي حق مدخلها
فتون : ونبي امي خلي يمر اليوم ع خير اسكتي ، فكينا علي ميبيش من يوصل فيها
مبروكة : تي غير توصل عندي بسسس
،،
اسراء : حي ايمن مدخلها
سجى : شن مقالكش
اسراء : تي اني يالله يكون عندي رقمه باش نهدرزو
سجى : شنوو
اسراء : اي كنت نكذب عليك وقت قتلك نهدرزو ! م عمري كلمته
سجى : ي باردة تو كيف بتخشي فيه هك طول شوفيه كيف طالع جنتل
وصلت فردوس ع كوشة هي وايمن جت افنان خدت معاهم سيلفي حلو هلبا ♥️♥️
فردوس : امي اني قلقت نبي نروح
ابتسام : اهدي علي توا بيدخلك
فردوس : اوووف كيف حنقدر توا نشوفله
ابتسام : اهدي
دخل علي فردوس مرة تانيه وصوروهم كم صورة بعدين روح بيها الحوش دخلها غرفتها♥️
جي علي قرب من وجه فردوس
علي : اليوم انت ليا حلالي ي فردوس قداش م نحبك
فردوس وخرت منه ودموع ف عيونها : علي خليك بعيد صح وافقت عليك بس انت عارف قلبي قاعد عند مني
علي سكت ! لان عارف رد هالفعل من فردوس لان من قبل م اعطتاش وجهه ! وكان يعرف ان قلبها عند اياد ! كان يحساب روحه حيقدر ينسيها اياد
ناض علي خش حمام ♥️
،،،،،
سجى : شدي سجلي هالرقم
اسراء : رقم من
سجى : ايمن
اسراء : منين جبتيه
سجى : نقال جهاد🌝😂 كلميهههه
اسراء : موعرك ي فرخهه
،،،،
افنان : واخيرا يوم دوسا تزوجت
احمد : اي ربي يهنيها عليوة يحبها هلبا
افنان سكتت
احمد : العقبة ليك ♥️
افنان : احمد بنقولك شي جري وبنسكر
احمد : اي قولي شنفي
افنان : نحبك
احمد : بسرعه شنفي قولي
افنان : نحبككك
احمد : حتني نموت فيك
سكت احمد شوية
احمد : شن قلتتتتي تحبيننننننننننييييي وعليا طلاق ماك مسكرةة ! صار بتسكري تي وراس تفيدة الغالية ماهي صايرة شن تحبيني هادي كيف
افنان ضحكت : احمد انت مهبول ، ايمن برا بنسكرررر
احمد : مش وقته ايمن بكككل
افنان سكرت
احمد كان جنب افنان ديما مخلاهاش تحتاج حاجه♥️
،،،،،
بعد مرور شهرين ♥️
جت فردوس نازلة
فردوس : شني مبروكة كل شي واتتتي الفطور عارفتيني نحبش نتعب روححححي
مبروكة : اي اي كل شيء واتي
فردوس : تعرفي الزيت يغلي شن رايك نحطلك يدك فيها غير جربي هيا😂
فردوس قامت يد مبروك وبدت تجبر فيها
جي علي هاش
علي : شنفي
فردوس : شي كنت نقول لامك تحول اني تو نطيب هي مبتش تبي هي تدير فطور بنطلع فوق نشوف عمي خالد
مبروكة : كذابة
فردوس ضغطت ع يد مبروكة وابتسمتلها
مبروكة : م في شي عليوة اركبي فردوس ارتاحي
مبروكة كانت تخاف من فردوس هلبا !
مشت فردوس فوق لقت غرفة فتون مفتوحة خشتلها وبدت تقرب منها♥️
فرذدوس : فتونننن
فتون : شن تبي
فردوس : احترمي نفسك🌝😂 اني مرة خوك ي ردي باسلوب ي ...
فتون : شن بتديري بالك تحسابيني نخاف منك زي ماما !
فردوس : الباين حتخافي
فردوس فتحت نقالها ورت فتون صورها مع شباب عار
فردوس : همممم فتون ! مدة فاتت في واحد داعشي مكلهم يسبو فيه متقدملك ورفضتيه تعرفي توا نمشي نوري هالصور لمحمد ونقنعه يزوجك وانتي عارفة ان كلمتي عند محمد تبداش اتنين
فترن : فردوس بالله عليك سامحيني علاش تديري فيا هكي فهميني علاش تي احني شن درنالك والله م درتلك شيء اني
فردوس ابتسمت : ياما بكيت بس اسفك خلاص معاش ينفع