عند علي وفردوس ♥️
علي مدلها هدية
علي : تفضلي وهادي ليكك
فردوس ابتسمت : علاش متعب روحك انت شخصيا نسبه ليا هدية ، وقفطان حلو هلبااااا وطلعني احلى
علي : القفطان حلو لان يلي لابساته حلوة♥️
علي شد خشم فردوس وابتسم
فردوس : تعرف توا تاعبههه بنمشي نرقد خلاص
علي : بري 😂♥️
كيف بتنوض فردوس لقت نقالات علي شدت واحد منهم
فردوس : حي محلاه الكفر
علي : عجبك خوديه
فردوس : لا لا شكله شبابي هكك😂♥️
علي : باذن الله غدوا نجيبلك واحد بناتي حلو زيك
فردوس ابتسمت طلعت وعلي تغيرو ملامح وجهه بان عليهم الحزن وشد نقاله 🤦🏻♀️♥️
.....
عند اياد♥️
ايمن خش داره وقعد يفكر ف الموضوع
اياد كان يتكلم بالنقال كمل مكالمته
اياد : واكككك
ابتسام : شن في
اياد : تي غدوا واحد صاحبي يبيني نمشي معاه تاجوراء
ابتسام : ليش
اياد : في سيارات نجيبوهم من غادي ونبيعوهم اهني ف المعرض
ابتسام : عادي حبيبي برا
اياد : ماه غدوا عندي امتحان معناها بنفيق بكري من ستة نطلعو ونمشو
ابتسام : ربي يحفظك لينا وميحرمناش منك بكل ، باش تبدا توتي لحوشك من توا
اياد : لا لا بنقعدو معاكم اهني
افنان : تي شن معانا
ابتسام : لا لا شن معانا ي وليدي
اياد : اصلا فروس هكي تبي ♥️ شوف شوف يبو يفتكو مني 😂
ابتسام : لا لا ايودي المرا راحتها ف حوشها♥️ شقة يلي فوقنا حيفضوها شوفها
اياد : الله مليح بكككككل امالا
نقال اياد شرين
اياد : هادا جهاد
جي ايمن طلع من دار
ايمن : اياد اني قبلت بشرطك ، وقبولي مش ع خاطرك انت بس ! والله اني نادم ع يلي درته وصور منشرتهمش انني اقسم بالله
اياد ابتسم وباس ايمن ع راسه وخش داره
اياد : ايوا جهاد
جهاد : اسمع
اياد : كويس يلي اتصلت نبيك ف موضوع مهم
جهاد : شنفي انشاء الله خير
اياد : خير خير ي برو غدوا موضوع مينحكاش ع نقال
جهاد : تمام
اياد : خيرك متصل انت
جهاد : اي فكرتني بنقولك غدوا امتحان ف شنو
اياد : نعمم توا بتقرا
جهاد : باذن الله كان حلا م اتصلتش
اياد : باذن الله غدوا بتسكرها😂😂😂 باذن الله مفيش داعي تقرا وحي تو ينزل عليك ، والله بجديات مفيش داعي تعب نفسك توا
جهاد : اس اس تو نسجله كله صوت ونركب سماعات نجاوب يلي عليا هي طير
اياد : صبح متستنانيش بنمشي تاجوراء بعدين جاي جامعه
جهاد : مووضع سيارات
اياد : اي
جهاد : اخطم عليا نمشو مع بعض
اياد : مفيش داعي ، بنطلعو بكري اصلا وعارف لو بنمشي معاك ي عروسة بتطلعلي سبعه صبح😂
جهاد : سبعههه ساعة كم ناوي تمشي حضرتك
اياد : ستة بنطلع
جهاد : خلاص اخطم عليا ي برو ع شانك ي اياد انا حبقى في دوريات🌝😂
اياد : الله اكبر
جهاد : هي طير خمسه تلقاني واتي
جهاد : اوكي
......
؟؟ : نراقبو ف اتصالاته غدوا ساعة ستة بيطلع من الحوش متخافش كل شي تمام
؟؟ : ميه ميه
......
فردوس : انتظار صارررر ف مني كنت تكلمممم
اياد : حبيبتي التانيهه
فردوس : باهي كويس باااي
اياد : استني استني قسمبله الا جهاد
فردوس : اصلا عارفة تقدرش تخوني لان وقتها بنقتلك🌝😂
اياد : في حد يبدل القمر بنجومه؟
فردوس سكتت
اياد : توا متحشمة برعاية انا البندورة الحمراء زي امبكري شبحتلك بديتي حمراء حقا تعالي جاي تقوليلي قفطاني حني وطلع ازرق
فردوس : اي والله كان حني فتون مزقتهولي مشي علي شرالي هادا
اياد : شنووووو ! باهي ربي يحفظه هالعلي مش مطمني
فردوس : كويس والله
اياد : صبح عندي مشية لتاجوراء بعدين بنمشي جامعة
فردوس : علاش
اياد : موضوع سيارات
فردوس : وغدوا جمعة جامعة شن
اياد : تي اني وجهاد في امتحان مدرناش دكتور قالي مفيهاش كيف الا غدوا نديروه ونروحو
فردوس : امممبه بالك ع روحك ف طريق
.......
عند افنان ♥️
اشرف : خلاص خطبها فردوس
افنان : اي
اشرف : حتى اني نفكر مدة جاية نجي لاياد نطلبك منه
افنان : شنووو لا لا رد بالككككك
اشرف : وعلااااااش
افنان : تي لا لا مستحيل يعطيني توا فوته تصير مشكلة وخلاص
اشرف : بنجي ورجلك فوق رقبتككك
افنان : اووف منك
اشرف : مسمعتششش
افنان : سلامتك !
اشرف : لقيتك ضايفة احمد !
افنان : من احمد
اشرف : ولد عم فردوس
افنان : اها اي ضفته لاني نقهرتً منك وقت كلمت هديكا البنت ! ولقيته باعتلي طلب وافقت
اشرف : تندري انه يحبك ف تمشي توا تلغي امها الصداقة احسن م نلغيك من الوجود
افنان : باهي وانت تعيط
افنان سمعت صوت مشي قعدت توشوش : اسمع بنسكر توا في صوت
اشرف : بههه
سكر اشرف
......
علي روح متاخر حوش لقي مبروكة تراجي فيه ♥️
مبروكة : واخيرا جيت نتصل بيك نلقاه مشغول شن في
علي : م في شي امي بري ارقدي
مبروكة : كيف تبيني نرقد وانت مهناش
علي : امي اني اهو جيت🌝😂
مبروكة : بهه شن قايم ف يدك
علي : لا لا شي
مبروكة : اعطيني نشوففف
علي : ي امي لفردوس
مبروكة ربعت ايديها : فردووس وليش وعندها خطيب يجيبلها
علي : في فرق بين خطيب وخو
وركب علي دروج
مبروكة : تي انت تحبها واضح اركب اركب م عندك كان تهرب
علي طق غرفة فردوس
علي : دوسا نخش
فردوس : خش خش
علي : تفضلي هادم ليك
فردوس : شن هادا
علي : قلتي تبي كفر جبتهولك
فردوس : وعلاش متعب روحك ي خرا😂 كنت نتسهوكك
علي : اي شيء تبيه اني حننفذه اني بوك وامك وخوك وكل شي
فردوس : رب ييحرمنيش منك
علي : هي بنمشي نرقد صبح وراي خدمه
مشي علي داره وفردوس شدت نقالها تتصفح شوية وتكلم ف اياد ع واتس
فردوس : نحبك هلبا وربي يحرمنيش منكك
اياد : نموت عليك
فردوس : وعد مستحيل تسيبني
اياد : ولا حتى ف احلامك بنقعد جنبككك لن تكرهيني
فردوس : مستحيل نكرهككك
......
ثاني يوم ♥️
خدي اياد نقاله وبعت رسالة لفردوس " صباح الورد كيف طالع اني نحبك هلبا وربي يحرمنيش منك ي ام فراس انتتتي انشاء الله صغارنا يطلعو زيك وخليها ف بالك اني معاك ديماااا وديرها ف بالك راني نحبك موتي وديرها ف بالك من دونك حبيبي نموت "
اياد كيف بيطلع
ابتسام : وليدي اصبر افطر
اياد : خاطريش امي بنطلع طول وقت
اياد باس امه ع راسها : ي تاج راسي انتي نروح تبي حاجة؟
ابتسام : سلامتك بالك ع روحك وليدي قلبي معاك ، مش مطمنه
اياد ابتسم : تي عادي ديما نمشو بنخطم ع جهاد
ابتسام تنهدت : تمام حبيبي
خش اياد ع افنان وباسها ع راسها وهي طول ابتسمت وناضت حضناته : اسمعع بعدين جيبلي كندر ساعة كم
اياد ابتسم : ارقدي ارقدي بكري مازال
طلع اياد وخش لايمن باس راسه وطلع برا حوش مشي لجهاد ♥️ دارله رنه جهاد فتح باب شارع وجي طايح
اياد قعد يضحك عليه
جهاد : تضحك كله منك طالع حفيان بسرعه ع خاطرك وفايق من خمسة تي تفو
اياد : تو بتذل امي بيها هالنوضة المباركة
جهاد : وينه التور يلي بيمشي معانا ولا كان اني يفيقوني بكري
اياد : بعتلي رسالة صارتله حالة وفاء مش حيمشي قالي برا انتي استلمهم
....
؟؟ : اهو طلع احني وراه
؟؟ : متخليشي يشك
.....
ركب جهاد السيارة
جهاد : اي حقا شنهو موضوع
اياد : بعدين نقولك عليه
جهاد : تي توا من امس مرقدتش
اياد : شن بنقولك ولا كيف بنبدالك ، اني نبي ايمن خوي يتقدم لاسراء اختك وجيتك من الباب ، يعني حتى يخطبها بس ولن تكمل قرايتها العرس
جهاد ضحك : بنبدو نساباتتتت ، خو زوج اختتي😂
اياد : ي راجل يوم واحد ف حياتك خليك جدييي وموضوع زواج قصدي خيرك ،
جهاد : تي انت قصدي شن بنرفضك اني !!! تي هي حتى لو متبيش غصب عنها تقبل
اياد : شوف عيلة ودورني اني هادا يلي نبيه بس ♥️
فجاءة في اربعة سيارات سكرو ع اياد
اياد : هادا شن
اياد جاي بينزل
جهاد : تي اصبر ي راجل وين ماشي
اياد : تي شن اصبر هادي
فتح اياد باب ونزل وجهاد فتح باب قعد واقف
نزلو اربعة من سيارة مسلحين وملتمين هجمو ع اياد قاومهم
جهاد : ي ولد كلب انت وهو وجاته ضرب بالسلاح ع رقبته فقداته الوعي
اياد ضربوه لن فقد الوعي
؟؟ : اما واحد فيهم
؟؟ : دقيقه صورته اهيا ، اهوا اهو يلي عيونه زرق
قامو اياد حطوه ف سيارة
؟؟ : شن نديرو فيه هادا !
؟؟ : خودوه لوحوه بعيد شوية وسيارة خودوها وقيمو نقالاته
؟؟ : تمام
.....
مع الظهر هكي فردوس فاقت لما مروة تفتح ف رواشن ضيء شمس جي ع عيونها♥️
فردوس : صبح
مروة : صبح شن ظهر توا شباب مشو جمعه نوضي الغداء
فردوس ناضت مخلوعه : شنو حي عدلت منبه بنفيق مع ايودي بيمشي تاجوراء زعما شن صار ف امتحانهه
شدت فردوس نقالها لقت رسالته قرتها وابتسمت ، اتصلت بيه اعطاها خارج التغطيه
فردوس حطت نقالها وخشت حمام 🤷🏻♀️♥️
،،،،
ابتسام : اووووف
ايمن : امي طالع جمعة اني
افنان : ماما خيرك قلقانه
ابتسام : تي اياد لتوا مكلمنيش ! معقولة! قالي نوصل نكلمك وتوا ظهر ! نتصل خارج تغطيه
افنان : ماما اكيد نقاله طفي شحن او خارج تغطيه
ابتسام : اووف
افنان: جهاد معاه ولا
ابتسام : اي خطم عليه صبح
ايمن : امالا دقيقه نكلمك جهاد باش تطمني ي نبع الحنان♥️
اتصل ايمن وفتح مايك لقاه مقفل
ايمن وجهه تغير
ابتسام توترت وعيونها تعبو دموع : خوك شوف خوك ايمنننن
ايمن : اممي اهدي والله مش حيكون صاير شي شوفي اني بنمشي جمعة بعدين نمشي جامعة تمام
ابتسام : ايمن بسرعه بسرعه بسسس
افنان : ماما اهدي
طلع ايمن وباله ف خوه !
...
جهاد مع الظهر فاق من قوة الخبطة ! قعد يتفكر شن صار ! تفكر انه طايح ف ارض ويرمش وان جماعة هديكا خدو اياد ركبوه السيارة وبعدها معاش يتفكر ف شيء !! كان راسه يوجع فيه وهلبااا فاق لقي روحه ف خلاء م في شيء جنبه دور نقاله ملقاشي ! قعد يمشي بالسيفف مش قادر ! ع امل انه يلقى نقال او يلقى سيارة ! لن جت سيارة وقفها
جهاد : خوي خوي نبي نقال اي شي قولي اني وين معاش فهمت شييي
؟؟ : غير اهدا خوي انت ف )&)&
جهاد : شنو شن جابني اهني تي اني ف طرابلس ماشي تاجوراء نلقى روحي اهني
؟؟ : شنصاير معاك ي بردر
جهاد : اني م فاهم يلي نتفكر فيه وقفونا عصابه خدو صاحبي اياد ااااخخ
جهاد قعد يخبط ف راسه
؟؟ : اهدا اركب اني ماشي طرابلس نحطك
جهاد : بارك الله فيك
ركب جهاد مع راجل وحطه جنب المقر شكره ومشي ع حاله
جهاد : سالم سالم سالممممم
سالم : جهاد شن في شن هالدم تي خيرك ي مان
جهاد : ي سالم اياد اياد قاموههه ككنت معاه لقيت روحي ملوح ف )&)& وهو قاموه ف سيارة
سالم : شنوو وين وين قاموه
جهاد : تي كان نعرف را متشبحنيش واقف اهني
سالم : وين كنتم ماشين
جهاد : كنا ماشين تاجوراء
سالم : برا مستشفى توا ! اني بنوتي كم كتيبة هكي وبنطلع بيهم ، عندك سيارة!
جهاد : تي اما مستشفى يهديك ربي ،ًنبي نمشي حوش عيلة اياد بسسسس كيف بنقوللهم تي هادا شنو يلي طاح فوق راسنا
جهاد حط ايديه فوق راسه ودموع معبيات عيونه شد سالم : سالم صاحبي وخوي مشعارف انطح جنح طير القاههه اني بنمشي حوش عيلة اياد وجايكمم
سالم : تو نكلم حد من شباب يوصلك
،،،
عند ايمن مشي جامعة قالوله مجوش بكل اهني وين الشك ركبه شد نقاله قعد يتصل بصاحبهم يلي بيمشي معاهم م ردش عليه ! معرفش شن يدير روح حوش وهو مبتسم
ايمن : اي اي قالو جو دارو امتحانهم وطلعو
ابتسام : حمدلله ي ربي كنت خايفه
افنان : ها شفتي خفتي ع فاضي
ابتسام : هادي فردوس تتصل اكيد بتسال ع ايودي
ضحكت ابتسام وردت : كان بتسالي ع ايوديك راه دار امتحانه وطلع من جامعه
فردوس : باهي طمنتيني
طق باب شارع
ايمن : مننني
ابتسام : اكيد ايودي
ناضو معاه ابتسام وافنان
فتح ايمن باب لقاه جهاد ومعبي دم
ابتسام : جهاد جهاد دم شن في
ايمن : جهاددد اياد وين وين
جهاد دموع ينزلو هز براسه لا
افنان : شن هو يلي لا شن هو شن صار
جهاد : اياد قاموه
ابتسام : شن قاموه هادي
جهاد : مش مش عارف جماعة خطفوه حذفوني اني م فاهم شي
فردوس نقال طاح من يدها وبدت تبكي وتعيط
مروة : شن في
فردوس : اياد اياد خطفوهههه
مروة : شن من قالك
فرذوس : حيعليا اننني عمي توا بنمشي حوش ااياد جهاد غاددي هو كان معاهه
خالد : غير اهدي توا نرفعك بطلي بكي شن خطفوه هادي
فردوس لبست عبايتها ومشت حوش اياد وهي تبكي فتحلها ايمن ع طول حضناته🤦🏻♀️♥️
فردوس : ايمننن وين اياد نبيهههه
جت ابتسام حضنت فردوس
جهاد وقف ، جاته فردوس
جهاد ع طول طاح اغمى عليه
ايمن : جهاد جهاد مصااب بنرفعه مستشفى
خالد : سيارتي والعه هي قيمه
قامو جهاد
ايمن : امي امي متخافيش اياد حيرجع اني نحط جهاد ف مستشفى وطالع مش حنخلي حد ف طرابلس ميتحركش يدور عليهه
مشي ايمن وفردوس وافنان وابتسام يبكو ومروة تحاول تسكت وتهدي وتبكي معاهم
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
