انتقامي

30

فردوس ارتاحت هلبا ! حست روحها قوية ! حتنتقم منهم كلهم ع يلي داروه فيها !
فردوس ابتسمت : خلاص عمتي متزعليشش نوعدكك مش حيتهنو
خشو افنان وحلا وايلاف يغنو ويدربكو♥️
حلا : وابيسس وابيس وايمن ولا عريسس
افنان : من ههي من هييي اسراء السمونيهه😂♥️
ايلاف : حرام عليك البنت زي التل
افنان : دوستنا تي نوضي غنيلنا شوية😂😂😂
فردوس ناضت : وواحد اثنين تمانيههه ايمن حاجهه تانيههه ، وواحد اثنين حداش وايمن ولا بلاشش
افنان : عندي خوت تقول حكومهه لباسين الغالي سومهه
فردوس جتها مكالمه : الو اي اي شوية هكي نبيكم تكونو غادي المكان بعتهولكم
سكرت فردوس واتصلت بالمصورة : الو اي زي م قتلك شوية تانيه تعالي غادي
سكرت فردوس وقعدت تخمم
افنان : دوسا شن هادا كلهم شوية نبيكم غادي😂😂💔
فردوس : لا لا شيء
حلا : امالا هادا شن
فردوس : تي كلمت جماعة نوبة والمصورة باش يجو غادي لو اياد كان عايش اكيد حيفرح ويدير زي هكي واكثر ونبيش نحسس ايمن ان في شيء ناقصه مدام اني حيه ♥️
ابتسام باست راس فردوس : ومعمرها حيحسو بهالشيء طالما انتي موجودة
افنان : حي حي صوت تبييبب هادا ايموني
ابتسام : هيا ي بنات البسو عباياتكم
فردوس : مروة بري انتي وخالد مع بعض اني بنسوق ومعاي ايلاف وحلا عمتي ابتسام وفنو اركبو مع ايمن♥️
افنان : اوكي نزلو ركبو سيارات وقعدو واقفين نزل ايمن وقف ع فردوس
ايمن : ممكيجة وبتسوقي هلبا
فردوس ابتسمت وريشت شعره : مغطيه وجهي ها وحاضر رواشن مش حنفتحهم
ايمن : لا بالك بتفتحيهم ونبي افتحيهم دوسا😂مش مات اياد خلاص اني قاعد را موجوددد
ايلاف : ايمن برا كول خرا احسن وخلينا نطلعو
ايمن : ايلاف اسكتي احسن م تجيك عنفقة
حلا ضربت ايلاف من تالي : ها ضربتهالك😂 عيب خليه ف حاله عريس
فردوس : ي ايمن ي خرا برا اركب سيارتك
ايمن : بوي معانا نخلي فيه هو وامي يتفاهمو
فردوس : تمام
ركب ايمن سيارته ومشو وصلو حوش اسراء هديكا اغاني وزغاريت وكيف نساوين خشو جت نوبة قعدت تضرب ايمن مستغرب يحسابه جهاد وجهاد مستغرب يحسابه ايمن كانو ع اساس يبوها هدوء ووو😂🤦🏻‍♀️ خشو رجالة المربوعه
ايمن : جهاد والله م كان في داعي ليه الجو هادا كله
جهاد : تي انت كبرت الموضوع جبت نوبة وشي
ايمن : م كبرت شي ومش اني جايبها نوبة
جهاد : شن جت بروحها😂♥️
شبحو لخالد ، وهو ابتسم : م جبت شيء اني بس عرفت من يلي جابها
ايمن وجهاد ف نفس الوقت : فردوسسس
خالد : ومن غيرها
..
اسراء كانت لابسة قفطان وردي منفوخ وطلقة شعرها طالعة حلوة ♥️ جت سلمت ع فردوس وترعش
فردوس : تخافيش اني نسيت كل يلي صار قبل ومن يوم انتي اختي صغيرة ي اسراء
اسراء حضنت فردوس : شكرا♥️
مهم مر وقت بعدين خش ايمن لبسها دبلة وقصو تورتة فردوس تفكرت هي واياد ع طول مشت طلعت من غرفة خشت حمام قعدت تخمم لن شرين نقالها كان اشرف
فردوس : اشرف كويس كلمتني كيف كنت بنتصل بيك
اشرف : انشاء الله خير شن في
فردوس : موضوع مهم مينحكاش ع نقال ، انت شن تبي
اشرف : حتني موضوع ينحكاش ع نقال
فردوس : انت ف مقر شوية ونجيك ،
اشرف : لا لا شن بتجيني ف المقر نتلاقو ف كافي )&(&
فردوس : خلاص اوكي خليها مع تسعه هك توا اني ف خطوبة ايمن
اشرف : كل شيء مشي تمام
فردوس : اي ♥️ هي سلامات اشرف بنسكر
طلعت فردوس من حمام لقت افنان ف وجها
افنان : سمعتك ققلتي اشرف
فردوس : ااي اي كنت نكلم فيه
افنان ربعت ايديها : اممممممم متغير معاي وكلمنيش وكلمك انتي
فردوس : لا لا شي يسال ع موضوع اياد وهك بس وشن جو خطوبة ايمن
افنان : باهي ربي يدوم محبة
اتصلت فردوس بالمصورة قتلها اني قدام حوش دخلتها وخشت عليهم♥️
ايمن : هادا شن
فردوس ابتسمت : ضروري تاخدو كم لقطهه هك
ايمن : مكانش في داعي لهادا كله
قرب ايمن من فردوس وهو يضحك وحاط ايديه ف جيوبه : حنقتلككككك
فردوس : قووول يلي تبيه 😂😂 مهم حتتصورو لو اياد اهني راه جابهالككك
ايمن : تعرفي توا نبي نشحلك شعرك نخربلك التسريحة بس مش حنقدر لان قدام ناس عيب خليها ف الحوش
المصورة : هيا ي خوي
فردوس : برا ي خوها😂♥️
مشي ايمن يتصور مع اسراء ومكانش طايقها ابدا
مرت الخطوبة ع خير وروحو حوشهم ♥️
اسراء : وووه عليا بنمشي نقرا بنمشي مدرسه
جهاد : تي اما مدرسه بري ارقدي
سجى : خليها تكمل قرايتها
جهاد ربع ايديه وشبح لسجى : وانتي وين راجلك مجاش بكل
سجى : اممم امممم والله م نندري
،،
ايمن : دوسه مكانش في داعي تتعبي روحك وتديري كل هادا
فردوس : عيب عليك اني زي اياد
ايمن : واللله م حسيت بغيابه ف وجودك
فردوس ابتسمت شبحت ساعة ف نقالها لقت روحها متاخرة وبتمشي لاشرف ♥️
فردوس : ايمن بعدين نبيك ف موضوع نتكلمو ماسنجر هي سلامات فنو وعمتي
باست فردوس ابتسام وافنان وطلعت وايمن وصلها للسيارة
فردوس : الموضوع غدوا عيد ميلاد فنو وبنمشيلها ف مدرسه امبكري مشيت اتفقت مع المديرة حتخلينا نخشولها
ايمن : اي نسيته بكل كويس فكرتيني بنجيبلها هدية
فردوس : خلاص غدوا مع العشرة دورني وكلم عمتي ابتسام اني وتيت كل شي
ايمن باس راس فردس : ربي يحرمناش منك
فردوس : يعنشكلك درتلنا العار ف شارع 😂
ايمن : هي المشكلة مش ف الشارع المشكلة ف وجهي يلي كله بدي ستوك
فردوس : خزي😂 هي طير بنروح
ايمن : ماشي هي سلام
ركب ايمن فوق وفردوس روحت لقت مبروكة وفتون ومحمد جت ابتسمت وشبحت لمحمد
فردوس : شنجو حميده
محمد : كويس وانتي دوسا
فردوس : ميه ميههه
نزل احمد ووراه علي
احمد : دوسا
علي : جيتي نراجي من امبكري
فردوس : اي جيت وعندي طلعه تانيه
علي : وين
فردوس ابتسمت : جهنم لعند اياد🌝😂 تتفضلو تمشو كلكم؟
ركبت فردوس دارها واتنحت الابتسامة يلي كانت ع وجها ورجع الحزن : مشعارفة كيف قدرت نشد روحححي مشعارفة كنت حنضربهم كلهمم اخخخ وخلااص
غسلت فردوس وجهها وبدلت حوايجها ووقفت ع مرايا " انتي قوية فردوس حتقدري ! حتقدري تهديهم كلهههم! اياد وامي وبوي وكلهم حنرجعلهم حقهمممممم ! اااه وخلاص "
قامت فردوس شنطتها ونقالها وطلعت مشت غرفة خالد ومروة
خالد : فردوس وين
مروة : دوسا شن في
فردوس طبست راسها
خالد : شن في
فردوس : بنمشي نتلاقا مع اشرف ي عمي يلي يكلم ف افنان قالي في موضوع مهم وهك
خالد : لا لا شن تتلاقي معاه بروحك اني جاي معاك
مروة شدت خالد
فردوس : عمي معاي حلا عادي
طلعت فردوس
مروة : خالد خليها هي تعرف صح من الغلط متخافش
خالد : تي واثق فيها بس تخيلي اشرف دار حاجة
مروة : لا لا اشرف راجل
......
مشت فردوس لقت اشرف مقعمز ♥️
فردوس : اسفه تاخرت عليك
اشرف : لا لا اني جيت بكري
فردوس : اي كيف الحال
اشرف : والله شن بنقول ! نقولو حمدلله وخلاص انتي شنحوك
فردوس : اني كويسه ي اشرف انت خيرك شن موضوع يلي تبيني فيه
اشرف : ادوي انتي قبل
فرذوس : لا لا موضوعي طويل احكي انت
اشرف تنهد :......
فردوس ......
اشرف ودموع ف عيونه : ....
فردوس حطت يدها ع يد اشرف وابتسمت : تخافش يلي بتديره صحح
اشرف تنهد : انتي شن فيك ي فردوسسس
.......
ايمن : اني طالع
ابتسام : ديما وانت طالععع
افنان : حاله طلعنا معاك ، بنمشو معاك
ايمن " زفت نبي نجيبلك هدية شن تمشي معاي هادي ": شن تمشو هادي
ابتسام : هي وراس ايمون خمسة دقايق نلبسو عباياتنا وعشينا برا
ايمن تنهد : خمسة دقايق متنزلوش بنمشي
......
فرذوس : اشرف اني عرفت من قتل اياد !
اشرف وقف : شنو مني تي هاتيهههه تي لما )£)&(
فردوس : اهدا قعمز مقتلش اياد وبس ! اماليا بروحهم مقتولين مش حادث
اشرف قعمز وحط ايديه ع وجهه : مش معقولة كيف صار كيف عرفتتي تي من دار هكي
فردوس حكتله كل شي
اشرف : ميه ميهه علي تو نبعت كتيبة تقيمه ! ورقم توا ابعتيهولي نمشو نعرفو من صاحبه ونجيبهولك
فردوس : لا لا اشرف ! علي خليه ليا منبي حد ينتقم اني بروحي ح نتقم منهم ! غير نبي نعرف من سبب موت اماليا !
اشرف تنهد : تمام هي تو اني نمشي مقر ونشوفلك
فردوس : اني جاية معاك
اشرف : لا لا مفيش مشي مقر اني بروحي نعرف ونحددو موقعه وتوا نبعتله كتيبة تقيمه تجيبهولي
فردوس : توا نبي نعرف تواااا
اشرف : تمام هي نوضي خنطلعو
طبعا طلبو نسكافيه وكيكة كلو😂♥️
فردوس : اشرف بالله عليك توا نبيه عندي الراجل
اشرف : حاضر مجرد م نعرف نتصل بيك
وكيف بيطلعو اشرف وفردوس يلقو ايمن وابتسام وافنان قدام وجههم
افنان : شنوو!!
ايمن : فردوووس ! وانتتت شن في
فردوس طبست راسها : ايمن موضوع طويل بعدين نحكيهولك
ايمن : موضوع شنو هادا لدرجة تمشي لامر كتيبة تقوليله عليه واني موجود !
اشرف : موضوع مش زي م انت فاهم
ايمن : باهي شنو !!!
فردوس : اشرف انت امشي اني تو نحكيلهم
اشرف قعد يشبح لفردوس وفردوس اشرتله يمشي ♥️
قعمزو ♥️
فردوس : اماليا ماتو قتل ي ايمن
ايمن : شنوو كيف كيف سمعتي
افنان : نهار احرف
فردوس : اليوم عمتي ابتسام قتلي ع سواق
فردوس حكتلهم ع سواق وعلاش هي تلاقت مع اشرف
ايمن : تي وعلاش متقوليليش
فردوس : اهدا تو نتاكد ونعرف من ومتخافش كل شيء حيكون كويس اني توا نراجي اتصال من اشرف
ايمن : امممبه
فردوس : هي تو بنروح سلام
مشت فردوس
افنان : يناري
،،،،،
؟؟ : افندي اشرف عرفنا موقعه بس بعيد ف بنغازي طلعلي اسم مدينة بس !
اشرف : تي شن تراجي وتي كتيبه طيرو بنغازي اخلقوهولي
؟؟ : لو مشينا بنغازي ممكن تقوا الاشاره ونقدرو نعرفو وينه هو ! طلعنا اسمه )&)&
اشرف : ميه ميه اسمع وتيلي كتيبة يمشو يجيبوه اني اليوم قاعد نبي الصبح يكون عندي
مشي اشرف ورجع : تعرف واحد اسمع احمد ال£)£  " ولد عم فردوس "
؟؟؟ : احمد ال&)&
جي ولد تاني كان يسمع فيهم
؟؟ : اي اي نزبطه صاحبي
اشرف : تمام اعطيني رقمه
الولد عطي الرقم لاشرف ! خش اشرف مكتبه وع طول اتصل بفردوس ،
فردوس : شن صار اشرف قول
اشرف : والله دوسا الولد ف بنغازي بعتت كتيبة تجيبه باذن الله صبح يكون اهني ! اول م يوصل نكلمك اني ! وشنصار امبكري ف ايمن
فردوس : كلمته قتله ع موضوع اماليا مقتلاش ع اياد خايفه يصير شيء لا قدر الله ويتهورر يدير غلط
اشرف : احسن م درتي ،
........
سكر اشرف وع طول اتصل باحمد
احمد : ايوا
اشرف : اني اشرف حبيب افنان
احمد : تفضل
اشرف : نبيك غدوا ف موضوع ي عشيري ،
احمد : باهي وين نجيك
كان اشرف يدوي ببرود واحمد يدوي ببرود احرف منه يحبوش بعض 🤷🏻‍♀️♥️
اشرف : غدوا مع خمسه ف كافي ال()£)&
احمد : باذن الله