فردوس : افنان نوضي ببري معاي حوش وياسر بكككككي
افنان : مشقادرة ي فردوس بنموت شن هالنهار الاغبر خيره خوي شن داررر
فردوس : حلا اني بنمشي بناخد افنان معاي الحوش ، كان جو اياد وجهاد كلميهم قوليلهم مع فردوس
حلا : تم تم اصلا اني مازال مش حنروح توا
فردوس : تمام باي
روحت فردوس ومعاها افنان تبكي
_________
اياد : لو سمحت حضرت شرطي نبي نشوف خوي اهني
الشرطي : شن اسمه خوك
اياد : اسمه ايمن ال/@&@
الشرطي : اسف متقدرش تشوفه
اياد خبط ع طاولة
اياد : شنووو امالا ع حساب بوكم منقدرش نشوفهههه خووي
جهاد : اسفيين اسفين،
خدي جهاد اياد ع جنب واياد كان منفعل عيونه حمر ومتعصب هلبا
جهاد : اياد خيرك زفت اهدا اسمع عندي صاحبي يخدم اهني اصبر ندور رقمه ونكلمه ويدخلنا
بعد مرور ساعة من الانتظار♥️
سالم : اووو بروو اسف ع تاخير زحمة طريق
جهاد : شنخبارك ي مان ووينك مغيب
سالم : خيرك اهني انشاء الله خير
جهاد : والله عندي ولد خوو صاحبي وزي خوي موجود اهني نبي نشوفوه قالو لا
سالم : شن اسمه
جهاد : ايمن ال&@/#^
سالم : لحظة ونجي
مشي سالم شوية وجي 💜
سالم : هي هي تعالو تفضلو
دخلهم سالم ومكان كان يخوف صوت ناس تعيط عذاب
اياد : قصدكم هكي مدايرين لاايمن !! تي شن سبب اساسا
سالم : خش كلمه تو تفهم منه
خش اياد وجهاد لامين ونقز فيهم
ايمن كان مطبس راسه : مكنتش حاب انك تشوفني ف موقف زي هادا
ايمن كان متحشم هلبا
اياد : غر قعمز شن سببب
جهاد : ايمن قول
خنرجعو شوية بالاحداث قبل كم ساعة 💜
ايمن
طلعت صبح بكري نجيب ف خبزة وشوية حاجات بوي كان مهناش وانت وافنان طلعتو بعد روحت لقيت حوش نصه متكسر ورقية هديكا تبكي وتعيط وتقول في واحد ضاربهااا
ايمن : شن في من خشش اهني
رقية : ابعدددد منننني
شوية هكي خشو شرطة مفهمتش شن صار لبسوني كلابشات وقاموني
خنرجعو للواقع هي 💜
ايمن : قالو شنو الاخت رقية رافعة فيا قضية تحرش واعتداء واني اقسم بالله م مسيتها ولا جيت جنبها
اياد : خوي ونعرفك مستحيل تدير هكي ومتخافش باذن الله حنطلعك ونوعدك انت وافنان مجرد م تطلعو من اهني معاش حتقعمزو ف هداكا حوش كان نقعدو ف شارع
سالم : هي جهاد تم وقت باش متسببليش مشاكل
جهاد : تمام
اياد : هي رد بالك ع روحك ي برو ومتخافش حندير مستحيل باش تطلع
طلع اياد وكان من صب هموم دنيا ع راسه 💜
جهاد :اي سالم شن موضوعه ايمن
سالم: والله المرا رافعة قضية ومنظرها ومنظر حوش يدل ع الشي يلي داره ايمن وبيني وبينك عندها واسطات اهني يعني خوك موقفه صعب شوية! لاكن اسمع اهني برا للشاد المكتب تاع فلوس بكفالة يطلعه
اياد : انشاء الله نبيع يلي فوقي وتحتي لمهم يطلع
مشو اياد وجهاد للراجل بس المبلغ يلي طلبه منهم خياللللي
اياد : يا ربيي ي جهاااد من وين نجيب هادا كله! كان نخدم نبيع ف حشيش سنه مش حنحصله
جهاد : حححي افنانن
اياد : تتي اي وينها توا زفتتتت نسيتها بكل
___________
جو افنان وفردوس خاشات 💜
فتون جت تجري لانها كان تعرف افنان
فتون : افناننن !
افنان وعيونها دموع : لو سمحتي من وين نعرفك اني
فتون : فردوس بكل وقاحححه تديري هكي !
محمد : خير شن ففي
مبروكة : اهلين بفردوس بنيتي ، جيعانة بنتي نديرلك شي 😍
فردوس : شهالمحبة يلي نزلها ربي 😂
مروة : دوسا امتى روحتي
فردوس : توااا ، اني بنركب داري هيا فنووو
ركبت فردوس دارها وفتون كان تغللللي
___________
فردوس : ياسر بكككي خلااص والله مش حيصير شي وتو يجي اياد يحكيلنا شن صار باهي ياسر بكي
قعدت فردوس وافنان طبعا مروة جت هدرزت معاهم شوية وخالد روح من خدمته
خش احمد هجوم
احمد : دوساااا مستاحشكك
وشبح هكي لقي افنان قعد سارح
احمد : اااه اسف اسف والله م نحساب معاك حد
فردوس : ترا قولي كنت تخدم ف شرطة قبل هكي 😂؟! نحساب روحي نبيع ف مخدرات ع حدود خاش عليا هكي
احمد : تو نرجع بعدين
فردوس : لا لا تعال مفي حد غريب، هادي افنان صديقتي المقربة زي م تقولو اهني 😂 ، ويا افنان هادا ولد عمي
احمد : تشرفنا
افنان : اهلين 💜
قعمزو شوية يهدرزو مع احمد وافنان ضحكت شوية
احمد : تعرفو جيعان لن مصارين بطني يرقصو
فردوس : نوض كول 😂
خشت مبروكة
فردوس : نعممم تفضلللي
مبروكة : تعالل احمد شن قعمزك اهنني
احمد : شوية يما
مبروكة : نووووض هيا
خش محمدد
محمد : احممد اقلب وجهكك امشي
طلع احمد متكنطي
فردوس : كوويس زعلته ي زعيم برافو ونبي اعطوه طرف شكلاطه خلوه يسكر فمه
محمد جي شد فردوس من فمها
محمد : فمك هوا لو متسكريش امه اقسم بالله نقصهه
افنان : تي حوول منها
محمد : مدخلكككش
فردوس: حول ي تافهه اطلععع انشاء الله سلواح وقباض ارواح ويعطيك ويجيك ويصب عليك م يخليك
خش خالد سمع صوت عياط
خالد : محمد شن في للمرة مليون نقولك احترم نفسك احسن م تتعداش حدودك مع بنت عمك !
مبروكة طلعت محمد بالسيف وهو عيونه شرار لخالد
_____________
جهاد اتصل بحلا وكان فاتح المايك 💜
جهاد : الووو حلا
حلا : اهلين جودي
جهاد : افنان معاك؟
حلا : افنان روحت بيها فردوس
جهاد : باهي تعرفي وين حوشهم
حلا : لا لا تو نعطيك رقمها وكلمها
اياد : وبالك متبيش لا لا فوتي ونقال افنان مغلق
حلا: لا لا عادي اياد كلمها متقول شي
حلا : 092/#&#^&
جهاد : منورة هلبا
سكر جهاد الخط واتصل بفردوس من نقال اياد لان رقمه كتبوه غادي💜
طوووووط
فردوس : ايوا
اياد : اممم
فردوس : الوو
اياد : فردوس اني اياد
فردوس : اا اياد
اياد : افنان معاك ولا !
فردوس : اي
اياد : اوصفيلي حوشكم بنجي نروح بيها
فردوس : نعرفاش كويس
افنان : انني نعرفه هاتيه تو نوريه ، ايوودي حبيبي زبطت ^@*#^ تلقاه بحداه بالزبطط واضح ع شارع الحوش الوحيد
اياد : اهو جاي هي
بعد مرور ساعة
جي اياد وطلعوله فردوس وافنان
افنان حضنت خوها
افنان : شن صار ايودي وين ايمننن
جهاد: امممم
افنان : جهاد اياد شن في قولو
فردوس : قولو شن في
فردوس شدت يد اياد حست بيه مهموم هلبا
فردوس : اياد اول مرة نشوف حالتك هكي قول شن في
جهاد : والله ...
اياد : جههاد هيااا نروحو ، مفي شي مفي شي
افنان : كيف م في شي وين ايمن
اياد : وااك متنفخيهمش نقولك ف حوش
ركبت افنان سيارة ومشو
خشت فردوس الحوش وكيف بتركب دارها
مبروكة : انزلي ساعدي فتون العشييي
فردوس : واتتت انني نساعد بنتك😂؟! شنحالك ي حاجة تحسابي السم بتاعك بتطلعيه عليا ؟!لا لا دوريلك حيط زي ولدك طلعيه عليه
مبروكة بصوت واطي: لا حول الله ، اصبري بسس لما نخليك خدامة للحوش
وقت العععشي 💜
مبروكة : اني وجمعة حابين نقوللكم كلام
خالد: تفضلو انشاء الله خير
مروة : شن في
جمعة : والله بنخطبو لمحمد
فردوس : العانس بيتزوج واخيرا
مروة : هههه😂😂 فردوس اسكتتي راه يسمعوناا
فردوس : اي مبروك ولد عمي 🌚😂 ومن تعيسة الحظ قصدي سعيدة الحظ
مبرومة : محمد يبي يخطبك انتي
فردوس : ومدابيك تستعجل
سكتت شوية
فردوس : شنوووو انننني ، 😂😂😂😂😂😂😂 ووووه عليااا
احمد : 😂
مبروكة : شن في يضحك
فردوس : حلوة نكتة مرة عمو بس قديمة😂
مبروكة : نحكي جد وعمك حيكلم بوك
فردوس : غر احلمي ناقصني كان ناخد هدا بعدين مسرع منكم ليكم قررتو اني مش موافقة
جمعة : غصب عنك حتقبلي البنت لولد عمها نعطوش للبرانية
ناضت فردوس من العشي
خالد : شن مووضوع بسيف هو؟! مفيش هي متبيش محمد وخلاص
فردوس مشت دارها وهي تضحك مش مصدقة الكلام
______
مروة : كيف هكي تقررو ؟
مبروكة : محمد يبيها وتو يربيها ويعلمها عاداتنا وتقاليدنا يجيبها للطريق
فتون : بصراحة مش موافقههه
وركبت فتون دارها
محمد : وخيرني اني شن ناقصني
احمد : قصدي خوي ريلاكس ! هي متبيكش الموضوع مش بالسيف
محمد : انت سكر امممهه فمكك
احمد طلع برا الحوش متعفلق
خالد : مفيش شي اسمه فردوس لمحمد وكان تنطحو سمي! ي عيلة
محمد : فردوس ليا تبي ولا م تبيش ي عم
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
