انتقامي

3

افنان : اهلين
فردوس : خيره صوتك ! مش عاجبني
افنان : اممم
فردوس : شكلك تبكي
افنان : لا لا
فردوس : قولي مش اني زي اختك كبيرة
افنان : اني مش حكيتلك ان امي مشت وخلتنا ! وبوي متزوج مرا وتعرفي حالها المرا هادي مسمومة وبوي همه فالفلوس وبس....
خش ايمن ع افنان
ايمن : فنو من تكلني
افنان : تي اسكت صاحبتي
ايمن : باهي نوضي حدديلي حوايجي
افنان : اوكي شوية ونجي
فردوس : تي كملي
طبعا افنان هي نفسها اخت اياد 💜 وحكت لفردوس القصة كلها وهي تبكي
فردوس : ياسر بكككي ، اني معاك وخوتك معاااك شوفيني اني ها زي مقطوعة من شجرة
افنان : امممم
فردوس : اني معاك متخافيش
افنان : ي ريتك تتزوجي خوي زفت
فردوس : 😂😂 حقا امتى بتجي جامعة ؟! خاطري نعرفه خوك يلي يقرا معاي
افنان : تو نقنعه يخليني
فردوس : خلاص تمام توا اني بنرقد ي حلو
افنان : تصبحححي
______________
ثاني يوم صبح 💜
لبست فردوس سروال واسع ابيض ف اسود وسورية قصيرة لونها احمر وبخت صنة ودارت شعرها مفتوح ونزلت لقت العيلة يفطرو احمد طلع جامعة غير يلي تقرا فيها فردوس وعلي ف النمسا مشي امس 💜 مدير اعمال هو كيف كمل قرايته وقاعد يبي ياسس شركة وجمعة وخالد طلعو خدمة
فتون : استغفر الله
مبروكة : صباح الخير فدروستنا
فردوس: اها شن في اليوم😂
مبروكة : م في شي غير نصبح ع بنيتي
محمد : بلوزتك قصيرة
فردوس : ويعني ! تي شن هالمخلوق ي ناااس يتلصق
محمد : ي بنتتت
فردوس : تي اي تشوف فيا ولد!
نزلت مروة
مروة : فردوس تعرفي طريق جامعة ولا !
فردوس : اي اي مخدمة الموقع عندي متخافيش منريحش 😂
مروة : تمام طالعة حلوة هي بري افطري
فردوس : مخاطريش نفطرر مع خلايق بنطلععععععع تاخرت نفطر ف طريق
طلعت فردوس وخطمت ع قهوة ف طريق وخشت وشباب كلهم يشبحولها
؟؟؟ : ي لطيفففف قمر وخش ، تقرا معاي هادي ف نفس قاعة بس اليوم طالعة احلى من امس غر شوف سيارة يلي راكبتها اسمها فردوس
؟؟؟؟ 2 : تهبل تعرف
؟؟؟ : لاكن واعرة را
فردوس : لو سمحت نبي كوسا وفروبي
الولد : عفوا شن هو الكوسا هادي ؟ مش محل خضرة
فردوس : لا حول الله نسيت شن تقولوله تصبر خنتفكر
الولد : شن تبي انتي
فردوس : هاداكا يلي يحطو فيه شكلاطه تي اهوا يلي ف رسمة
الولد : اي اي بريوووش
؟؟؟ : اهلين فردوس
فردوس شبحتله
فردوس : اهلين
؟؟؟ : اني مصعب نقرا معاك
فردوس : اي والمطلوب
مصعب : ااا لا شي نحسابك تبي حاجة او ناقصك حاجة ، ي خوي الطلبية بتاع البنت ع حسابي
فردوس : شكرا منراجيش ف جميلة من حد
الولد : تفضلي
خدت فردوس حاجاتها ودفعت💜 وطلعت
خشت فردوس للجامعة ولقت حلا وحضرو محاضرة وطلعو
فردوس : ااه جو مليح
حلا : حقا شنصار كلمتي اياد؟ بو عيون زرق
فردوس : اي فكرتيني بالخرا خنمشي نكلمه
حلا : بتعتذري ؟
فردوس : هعع يحلمم ، وينه هو
حلا : هاداكا يلي لابس سورية صفرا شوفيه
فردوس : اي اي نشوف فيه😂 هناك واحد يلبس اصفر
مشتله فردوس وشبحتها فتون ولحقتها 💜
اياد : وينها هي عطلت
جهاد : شوف هالشوفة كانها جاية علينا اذكر القط يجيك ينط
اياد : تي اسكت دير روحك مش شابحها
فردوس : اسمع انت
اياد قعد يتلفت ايمين وايسار
فردوس : تي اي انتتت
جهاد : اني؟
فردوس : شن حولة اني ماه نشبحله هو
اياد : اني؟
فردوس : اي انت
اياد : نعم شن في
فردوس : تعال شوية لو سمحت نبيك ف موضوع
اياد : نعم
اياد شدت فردوس وخداته ع مكان هكي
ف نفس الوقت
هناء : تي هيا صوريهم هكي
فتون : اهيا صورتها وشادة يده تكر فيه😂 اصبري خنمشي وراهم نصورهم
هناء : هي تعالي
فردوس: اسمع
اياد : نعم
فردوس : صراحة يلي صار امس
اياد : خيره
فردوس : سوء تفاهم مكنتش نحساب هكي بيصير
اياد : اممم
فردوس معرفتش كيف تعتذر متحبش تنزل كرامتها
فردوس : عموما اني مكنتش فاهمة الموضوع ونحسابك تعاكس ف البنت باش هكي تكنطيت
اياد : اي مش كانه ناقصة كلمة مفروض تقوليها؟ 😂
فردوس : اي كلمة شنو
اياد : كلمة يقولوها وقت شخص يغلط
فردوس: ويت ويت ويت " انتظر" تحسابنني انني بجلالة قدري بنقولك اسفة ! 😂 شتت بجديات ي مانن راني مش فتون وهي باي
ومشت فردوس خلت اياد واقف وسرحان
جي جهاد 💜
جهاد : شن ي مان خيرك واقف 😂 وين شن قتلك مسرع زح خليتها تكبد عليكك
اياد : اما تكبيد ونبي
جهاد : شن قتلك
اياد : ع موضوع امس قتلي سوء تفاهم
جهاد : لمهم اعتذرت 😂
اياد : هي بجلالة قدرها تعتذر
جهاد : خيرهم عيونك قلوب قلوب
اياد : تي اما قلوب
جت فتون
فتون : مسرع ي اياد شكلك م صدقت سيبنا وطول لصقت ف فردوس وهي مصدقت عاد ولد يجري وراها
اياد : تحسابي كل الناس زيكك
هناء : وريه الصور متاعه😂
اياد : صور شنو
هناء : صورك انت وست الحسن فردوس 😂
فتون : ها شوف ، واووو شوفها كيف شادة يدك
اياد : تي شن تخرطي انتي
فتون : امالا وربي لما نوريها للعيلة كلها ونندمكم ع ساعة يلي جيتو فيهااا
ومشت فتون
جي ابراهيم يجري 💜
ابراهيم : شن في شفتك مع هديكا ال^@&@
اياد : تي صورتني وني كنت مع فردوس وقالت بتوريها للعيلة م عيلة
ابراهيم : هديكا يلي جت من بريطانيا !!
جهاد : اي اي هي
اياد : زح بنت حتمشي فيها من غير سبب
ابراهيم : هي صح لبسها مش مستور بس البنت مشفتش منها اي تصرف غلط زي يلي يديرو فيه باقي البنات
جهاد : اصبر خنكلم حلا هديكا مقعمزة بروحها،
مشو جماعة لحلا
جهاد : حلا حلااااا
حلا : نعم شن في
جهاد : اسمعي صايرة مشكلة
حلا : مشكلة شن
اياد حكالها القصة
حلا : ي نهاااار اسوود كيف يصير باه
جهاد : وين فردوس توا
حلا : منعرفش اخر مرة كانت تكلم ف اياد
قعدو يفكرو شوية
ابراهيم : اسمعو اني عندي صورها كلهم
اياد : مش لدرجة ننشروها عاد
ابراهيم : مش نشر نهددوها بيهم وبسس ع اقل فردوس ميصيرلها شي
اياد : باهي تمام
حلا : اههي فردوس غادي تتكلم بنقال خنمشولها
__________
عند علي 💜
علي : الو
سجى : استاحشتككككك هلبااا عليوتي
علي : واني اكتر واستاحشت نسمع صوتك 💜
سجى : حتى اني شن جايبلي هدايا😂 مدخليش را وقت تفتح شركتك اني بنحضر الافتتتاح وتي هلبا حاجات حلوة
علي : هو في حاجات حلوة اكتر منك؟
سجى : 😂 نحبك
علي : هي قوليلي تبي اي شي من اهني نبعتهولك؟
سجى : امممممم نبي حديدة
علي : بسس
سجى : ااي وكعب احمر عرس بنت عمتي توا😂
علي : حاضر من عيوني
سجى : نحبك هلبااا
علي : واني نموت فيك
سجى : عليوتي بوي جي بعدين نكلمك باي
سكر علي وفتح البوم صور وقعد يتفرج ع صور سجى كان يحبها هلبااااا لدرجة الهوووس وهو صمم يبني شركة باش يتزوجها وخدم ع روحه ززين كان يشبح ف سجى كل حياته 💜
_____________
جمعة : بو فردوس اليوم بعتلي فلوس لبنته مشعارفة من وين يجيب فيهم الفلوس
مبروكة : هاتهم خندسوهم
جمعة : اي حقا بنمشي نشري الارض يلي عجباتك هديكا حصلنا فلوس خلاص 😍💜
مبروكة : اي اي خنشروها اقل شي تقعد لعلي واحمد
____________
فردوس : روبن انني افتقدتكم كثيررا
روبن : ونحن ايضا افتقدناك مايكل يرغب بالحديث معك
فردوس : اعطيه الهاتف
مايكل : فوفا متى ستعودين الوقت من غيرك لا يطاق 😭💔
فردوس : لا اعلم ي عزيزي لاكنني ساتتتتي
حلا : فردددوس
فردوس : بسم الله شن في لحظة بس خنسكر ، مايكل الى اللقاء عزيزي 💜 ساتحدث معك ف وقت لاحق
مايكل : حسنا
فردوس: شن في خيركم
حلا : مصيييبة صارت
فردوس : شنو
اياد : فتون
فردوس : خيرها
جهاد : صوراتك انتي واياد وقت كنتو مع بعض وحتوريها للعيلة بعدين
فردوس : ويعني 🌚💜؟!
حلا : تتي نقولك حتوريها للعيلة
فردوس : اني مدرت شي غلط وخلتوريها ع اساس في حد معدل عليا اني لا اب لا ام لا اخ
ومشت فردوس
اياد : خيرها شن تقصد اماليها ميتين ؟!
حلا : ي ريته هكي
ابراهيم : غير توا خلونا نمشو لفتون
قعدو يدورو ع فتون لن لقوها
فتون : شن ناوين تعتذرولي 😂! ناقصة فردوس
ابراهيم : ترا خنشوفو من حيعتذر ، تنسيش صورك يلي باعتيهملي عار اكتر من يلي عندك
فتون : شنو
جهاد : وريها ونبي 😂
ابراهيم : وني نعرف خوك وين يخدم😂 يعني بمجرد م حتوري صور فردوس للعيلة صدقيني صورك حتعرفي وين تلقيهم
فتون : شنووو ، اياد خيرك ساكت ادوي ولا حتى انت معاهم !!
اياد : اي شي يصير لفردوس حنعتبره صارلي
فتون : شنوو
جهاد : حي حي 😂
ومشي اياد
جهاد : حلا تعالي شوية نبيك ف موضوع
حلا : تمام
مشو جهاد وحلا 💜
جهاد : شنجوك امس كلمتك ع فيس رديتيش
حلا : اي نت ضعيف
جهاد : خيرها فردوس ؟
حلا : خيرها
جهاد : اماليها ؟ والكلام يلي قالاته
حلا : اها ، الحق اماليها جابوها ليبيا بالسيف عليها ع خاطر عمامها يبو هكي ومن جت ليبيا معاش في حد دورها لا امها لا بوها هي تحس فيهم زي معاش يبوها باش هكي شخصيتها تحسها عصبية عنايدية شوية وعمامها ميعاملوش فيها كويس بكككل وحيدة
جهاد : امممم ،
حلا : هي اني توا بنروح الباص جي
جهاد : اوكي تو نروح نكلمك
حلا : تمام
مشي جهاد وحكي لاياد كل شي
اياد : زح انت تقول ام ذكي 😂 مسرع متجيب الخبر
جهاد : لان شبحت البنت تهمك ي كلب 😂
اياد : شن تهمني ونبي
جهاد : اااي ويلي يصير ع فردوس يصير عليا شنو😂!
اياد : امممممم
جهاد : الووووو
اياد : تي خيرك
جهاد : وين سرحان
اياد : اني وفردوس طلعنا مشتركين ف نفس شي هي امها وبوها شبه تبرو منها وني امي تبرت مني وبوي كانه مش موجود
جهاد : اممممم
اياد : وفردوس توا بروحها مفيش حد معاها
جهاد : اي حلا قتلي
اياد : امممم نبي نحاول نتقرب منها نحسسها ان صديقها زي خوها اخخي شعور وقت تكون وحيد وهي توا وحيدة ي جهاد
جهاد : فوتها ي راجل
اياد : شن نفوتها اني معاي خوتي هي مش معاها حد
جهاد: دير جوك راهي البنت واعرة شوف امبكري عيونها شرارة طالعة منهم ، ونقولولها صورك بتنشرهم ي جبل م يهزك ريحك😂 متحركتش تو كان وحده تانية ووه عليا بنموت صوري شن ندير
اياد : وراس امي الا تافه انت تجيب تقليد بالزبط 😂 هي بنمشي بنروح ب افنان من مدرسة ي برو
جهاد : اوك تمام ي مكبدددد
اياد : تي اما تكبيد ونبي بنت ليا يومين بس نعرفها
جهاد : اعجاب مهم
اياد : شنفيها معجب بشخصيتها اي عادي لو نعد انت كم تنعجب ببنت ف يوم راه جبت حاسبة معاي
جهاد : برا روح ونبي 😂
ايام : سلام ي طير
مشي جهاد 💜
________
بعد اسبوع ♥️✨
فردوس تاقلمت شوية بس قاعدة تبي اماليها واياد كل مرة يزيد ينعجب بشخصية فردوس ♥️ وفردوس تقربت من افنان هلبا
وصلت فردوستنا الحوش كيف مروحة من جامعة وطول دوشت بدلت حوايجها وقعدت تفكر ف اماليها وهل هما نسوها ! وعلاش معاش يبو يكلموها
ف خدت نقال واتصلت بامها 💜
تن ترررن تن
ام فردوس : الو
قردوس : اممم
ام فردوس : الوووو
فردوس : امم امي
ام فردوس : بنيتتتتي فردوس
بو فردوس كان بحداها ووقت سمع امها تتكلم مع فردوس خدي نقال طول وسكره
بو فردوس : شن قتلكككك مش قتلك منبيش حد يتواصل معاها بنتنا حاليا ف مرحلة صعبة هلبا احني ديما ندلعو فيها بس زي مقال عمها ضروري نخلوها تعتمد ع روحها
ام فردوس : حرام عليك والله قلبي تقطع ع بنتتتي
بو فردوس : تي شن تحسابيها مش مهمة ليا اقسم بالله كل خمسة دقايق نتصل نطمن عليها وبعتلها كلشي مصاريف وسيارة ، منبيهاش تتدلع
ام فردوس : وشن عرفك هي واكلة ولا شاربة ولا شن صاير فيها
بو فردوس : متخافيش هي مع اعماها بامان
ام فردوس : اني مش حنتكلمممم بنسكت ونشوفو اخرتها وين
وخشت ام فردوس الحمام وكانت متكنطية
__________
فردوس بعد امها سكرت ف وجهها تحطمت ع اخر وقعدت تبكي وخلاااص 💔 حست روحها وحيدة ومفيش حد معاها
خشت مروة
مروة : فوفتي نوضي نمشو سووق 😻
فردوس : اني مخاطريش بري انتي
مروة : لا بنزعل منك را نوضي نغيرو جونا امبكري خالد اعطاني فلوس وقالي اطلعي انتي ودوسا
فردوس : اممم
مروة : تي هي بنشرو قفاطين عندنا عرس مدة جاية هيا وراس فردوس 😻
فردوس : والله م خاطري
مروة : تي نوضي 😻💜 خالد قالي فردوس تحب اغاني زمزامات، رغم انك عايشة برا لاكن تحبيهم كيف معرفتش 😂
فردوس : اي نحبهم هلبااا
مروة : اي هي نوضي نخدموهم ف سيارة ونولعو صوت ونكحلو ف طروف ، راه حتى احني عندنا طروف مش انتم بس
فردوس : اووكي هي نبدل ونجيك 😂💜
لبست فردوس سروال جينز ممزق ومعاه سورية عسكرية وسبيدور لونه اسود ولمت شعرها ذيل حصان اما مروة فلبست عباية زيتية ووشاح بيج
وهما جاين بيطلعو ..
__________
رقية : يا ام شبر ونص نوضي طيبي معاي الغدي
افنان : غدي شنو ساعة اربعة !
رقية : والله بوك جاي وقالي ببيتغدا شن ندير
افنان : حاضر نكمل كتيبة ونجي نحطله غدي
رقية جت لافنان ومزقتلها كراستها طرف طرف
افنان : لااا شن درتي حرااام عليكككك كراستتتي 💔
رقية شدت افنان من شعرها
رقية : لما نقولك كلمة تسمعيها فاهمه ! انتي اهني خدامة مش اكتر ! اصلا شن نتوقع من بنت امها هربت ع خاطر الفلوس اكيد بتطلع زي امها 😹
ايمن نزل يجري وضرب رقية كف
ايمن : احترمتك مرة اتنين تلاتة اربعة ونقول اكبر مني مفروض نحترمها بس ياسر ! يلي درتية لتوا ياااسر
رقية : شنوو وتمد يدك عليا
ايمن : اي نمدها ومش خايف من بوي تبي تكلميه بري كلميه
اياد كان ف المحل شوية هكي خش ويسمع ف صوت عياط وافنان تبكي جي شد افنان ف حضنه 💜

اياد : تي شن فيي
ايمن : اههي الحمارة يلي متفهمش عديمة الرحمة ! سكتلها هلبا ع خاطرك ي اياد وكل مرة تشد فيا بس ياسر يلي صار مرة فاتت كذبت وقالت ان انت مديت يدك عليها بس مرة هادي اني ضربتها كف باش الكذب يولي حقيقة
اياد : ايمنننن اسكت ياسررر
ايمن : تي شن اسكت زحححح
اياد : يااسر قلتتت
ايمن : تي باهي زح
وطلع ايمن متكنطي
افنان : اياد بالله عليك الحقه
اياد : اسكتي حبيبتي خلاص مش حيصير شي
خدي اياد افنان وركبها دارها 💜
ورقية قعدت تسحن بروحها
اياد : ياسر تبكي فنو 💜 كل شي حيكون كويس وكراستك اني تو نمشي الادارة ونقوللهم في صغار مزقوها باهي
افنان : اياد كراستي عندي اختبار غدوا💔
اياد : تي غدوا متمشيش مدرسة وروحي بكراسة وحدة من بنات ونصوروهالك هي نوضي توا البسي عندي ليك مفاجاءة 💜
افنان : وايمن
اياد : تو نكلمه ايمن متخافيش
افنان : حاضر نبدل ونجي
___________
احمد : شن عبدو غدوا بتمشي تلاقي الحب ؟!
عبدو: اي اي بنمشي وانت معاي اكيد
احمد : اكيد
عبدو : صحباتها طروف را 😹
احمد :😹اني حبيت مرتين وياسر توبة
عبدو : اعرف من توازي ، انت اجري بيهم مش هما يجرو بيك
احمد : الله غالب اني طيب 😹
عبدو : جدي الطيب😂💔
احمد حب مرتين والمرتين خانوه
___________
جو فردوس ومروة طالعين ولقو مبروكة وفتون مقعمزين
مبروكة: ووين
مروة : بنطلع اني ودوسا السوق
مبروكة : كان كلمتونا راه مشينا
فردوس وهي تفنص فيهم : واضحة مكلمناكمش يعني منبوكمش تمشو
فتون : ليك شرف نمشو معاك
فردوس : شيت ، غر بشوية علينا يا احلام 🌚💔 هو شكلك زي احلام بس صوتك خلوني ساكتة خير
مروة : 😹 ، ياسر ، والله خالد قالي امشي سوق انتي وفردوس باذن الله مرة جاية نمشو كلنا
فردوس : هي مروة
وجو طالعين
ومبروكة قالت " تمشي هالعقيمة مرض "
وسمعتها فردوس ومروة
مروة وقفت ومعرفتش شن ترد ودموعها نزلو ع خدها
فردوس جت راجعة طول
فردوس : عقيمة ! عقيمة صار ! اقل شي هادي حكمة من ربي مش زي ناس عندها صغار وكل واحد احرف من تانني
فتون : هو انتي تعرفي ربي وين
فردوس : انتي اخر من يتكلم ي متاع الصووور
فتون سكتت
فردوس : شوفي ي عزوز النحس مبروكة ننصحك نصيحة متحاوليش تجرحيني او تجرحي الناس يلي نحبهم لان قسمبله نوريك نجوم الظهر الله ونخليك تتمني الموت الكلام هادا خزنيه ف راسك الفاضي يلي معبي تفاهات زيككك
محمد فتح باب شارع وسمع عياط فردوس جاها يجري وشدها من يدها بالقوية
محمد : يا وقحة كيف تتعيطي هكي مع امي تي لما نربيكككك يا حقيرةةة
فردوس دفاته