رواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جمعة : اسم الله الكريم خيركك محمد دف بوه وجمعة يجي طايح من فوق دروج ودم عبى الدنيا كلها مبروكة بدت تعيط وجي علي طالع من دار جاته صدمة علي : بوي بووووي ، شن شن في شن صارررر فردوس جت تجري : ححححي محممد شن درتتتتت !!! علي علي بسرعههه ارفعه مستشفى محمد كان مقعمز ف الارض ف حالة صدمة ومبروكة تعيط علي قام بوه ركبه سيارة وطار بيه المستشفى ، طبعا خالد ومروة كانو ف غريان بسبب شوية ظروف صارت مع عيلة مروة♥️ فردوس خشت غرفتها واتصلت بالولد يلي اشرف اعطاها رقمه فردوس : سلام عليكم مع اسامة اسامة : تفضلي فردوس : اني يلي بعتني ليك اشرف فردوس اسامة : اهلا اهلا تفضلي ي انسه شن في فردوس : اكيد اشرف حكالك القصة متاعي اسامة : اي فردوس : اي وفي شخص جرب يقتل بوه توا ف حوشنا نبيك تجي تقيمه ! توا قبل م يهرب اسامة : هي هي بنوتي سيارتين وجاي وين حوشكم فردوس : ف )£)& تاني زنقة رابع حوش ع يسار اسامة : تم ! فردوس : اي حقا الولد اسمه محمد ال()&@: سكر اساامة اسامة : هههي وتولي سيارتين ف اقل من دقيقتين اطلعو قدامممي ....... علي : شني ي دكتور الدكتور : البقاء والدوام لله ، الضربة جت قوية ع راس صار نزيف داخلي مقدرناش نوقفوه ! علي قعمز ف ارض وايديه فوق راسه ودموع ف عيونه 🤦🏻♀️♥️ ....... ايمن كان يتكلم ف نقالهً مع بنت صديقته اسمها سارة ايمن : يعنشكلك ضحكتيني بكككل 😂🌝 سارة : بكل ايموني انت شدير ايمن : خلاص غدوا نتلاقو سارة : باذن الله ايمن : غدوا مع ساعه خمسةً ف كافي (&)& سمعاته اسراء وجت قامت نقال ولوحاته وهو ع طول وقفلها وقعد يفنص فيها ايمن : تي خيررر عمكككك اسراء وهي تبكي : تحملتك ستههه شهور وعادي ساكتهههه ناكل ف هزايب يوميا ديما ديما معمرك تعاملت معاي بحنيه ! ومسكرة فممممممممي ! قلت اهو يتغير اهو بس شيء شيء !! خيره قلبك اسود هكي الغلطة يلي درتها مع افنان قبل سنين كلهم سامحوني الا انت قعدت حاقد عليا ي حقود رغم كل يلي درتهولي واني تحملتككك وشي ! جت اسراء دايخه ع ايمن♥️ قامها رقدها ف سرير وغطاها قعد يحاول يفيقها وحاضنها لن فاقت اسراء وهي ف حضن ايمن جت عينه ف عينها بعدين هو فاق ع روحه طلع برا حوش ، شدت اسراء نقالها واتصلت بامها اسراء : ماما ام اسراء : بنيتي اسراء : استاحشتك ام اسراء : خيره صوتك اسراء : لا لا شيء تاعبه شوية ام اسراء : شن فيك اسراء : دوخه وترجيع وبطني ام اسراء سكتت بعدين : ي بنتتت راك تكونني حامل اسراء : شنووو ام اسراء : اسمعي قولي لايمن يجيبلك تيست حمل اسراء : لا لا شن نقول لايمن ام اسراء : باهي باه سكري اني نجيبهولك وجايه ...... روح علي حوش يبكي علي كان مطبس راسه مبروكة : عليوه خيرك نتصلو بيك تسكر ف وجهناا شن في شن صار بوك وين شنجوه علي هز براسه لا : اعطاك عمره وجت مبروكه دايخههه ف نفس وقت باب شارع تقربيع علي : مننننني مننني فتح علي باب يلقى ناس بالاسلحهه اسامة : محمد ال£)£ وينههه متهمينه بجريمه ! نبوهه مبروكة : ووووووه علياااا علي : وين وين ي اخ انت وهو خاش الحوش فيه نساوينن ! تو ناديهولكم خش علي حوش علي : محمد يبوك برا محمد : شنو يبونننني مبروكة : وووووهعلياا ي علي متخليهمش ياخدوو محممد ي عللي علي : امي خلي يمشي معاهم احسن لامتى حيهرب ! بعدين المووضع صار مش بالعمد ! شوف محمد ي حتطلع ي حيخشو ! ف خليك تريس واطلعععع محمد طلع طبوه ف سيارة ومبروكة قلبت حوش عياطات وبكي ! اما علي طلع يحجز حاجات ! فردوس قعدت تستقبل ف ناس وف نفس وقت واجعها عمها !! رغم يلي داره ....... ام اسراء : وووه فرحتي تنعطااش لحدي بنزغرطط طلطعتي حامممل اسراء : امي امي م تقولي لحد ! مرات تيسيت يخرط خلي لن ندير تحليل ويطلع ام اسراء : تي بنخبر ليبيا كلها اسراء : ماما لااا ونبي جي ايمن خاش ايمن : اهلين عمتي كيف الحال ام اسراء : ايموني كيف حالك وليدي ♥️ ايمن : والله كويس ، اسراء البسي نرفعك لفردوس جمعة توفى وهي بروحها اسراء : شنووو توفى كيففففف ايمن : غير بدلي وتو نقولك بعدين ام اسراء : نهاررر ابيضض حتني جاية معاكم ........ احمد ف بريطانيا اتصل بيه علي قاله وحكاله يلي صار ! ومن وقت سمع وهو ف الغرفة مسكر ع روحه الباب ! افنان كانت تكلم ف فردوس افنان : دوسا مفيهاش كيف نجو ليبيا فردوس : الطيران موقف مدة هادي عندكم افنان : اووف احمد من عرف يبكي وف دار اول مرة نشوفه منكسر هكي فردوس : اعطيهولي افنان : مباش يفتح باب فردوس : غير بري قدام باب وافتحي مايك افنان : تمام ،، فردوس : احممممد احمممد نكلم فيك اسمعني كلمتين بسسس مش اني اختك وكل شيء اني محتاجة نقولك كلام توا احمد فتح باب وخدي نقال من افنان احمد : الو فردوس ودموع ف عيونها : عظم الله اجركم ي احمد ! نعرفه قداش صعب فقد الاب ! وتحسابني اني يلي قتلته ! اقسم بالله مش اني مشعارفة الموضوع كيف صار ي احمد مش متوقعه هكي يصير ! ف لو كنت تحسابني اني....... احمد : اسس متكمليشي نعرف مليكش علاقه وممكن يلي صارلهم توا ربي يعاقب فيهم ع يلي داروه فيك ! اني مش زعلان ي فردوس بس فالنهاية بوي فردوس : عارفه ........ بعد مرور اسبوعين ♥️ علي كان ديما ف غرفة سرحان يتفكر ف بوه ! ويتفكر ف يلي داره ف عيله فردوس ! يزعل ويرجع طبيعي ! مكانش في حد جنبه ابداااا ! وفتون حتى عزي بوها مجتش ! فردوس : ايوا ؟؟ : اهلين فردوس : قولي شنجو خدمه علي ؟؟ : لا لا ميه ميه ف الناقص واسبوع جاي زي م قتلك كل شيء حيبدا باسمك انتتي فردوس : باذن الله وشكرا لوقفتك جنبي ؟؟ : ولو دوستي ♥️♥️ فرذدوس سكرت وخشت دارها لقت علي سرحان ف ارض شبحتله من بعيد وابتسمت " متخافش حنطيحككككك !! حنهددك مازال انت بس " خشت مبروكة الغرفة مبروكة : علي علي غدوا محكمة خوك دير حل ي علي ! منبيش خوك ينضر علي : امممي ف نهاية هو قتله مش عمد يعني اكيد حيطلع منها مبروكة : منبيش حتى نشوفه ف السجننن ااتصل خالد بنقال فردوس خالد : شنصاير فيك فردوس : كل شيء تمام عمي غدوا المحكمة ! متخافش محمد مش حيطلع منها الا وهو ميتتتت وكان يطيرو كلهم خالد : كنت متمني مدة هادي نكون جنبك ! بس انتي عارفه ظروف عيلة مروة ' فردوس : عمي اتصالاتك تكفي وتوفي سكرت فردوس من عمها وع طول كلمت اسامة♥️ اسامة : .... فردوس : ... اسامة : ... فردوس : خلاص غدوا مع عشرة تكون غادي اسامة : تم ......... اسراء كانت راقدة وشادة بطنها تفكر ف رد فعل ايمن بعد يعرف ! تحسابه حيزعل ويهددها ف سكتت وقال لامها ان نتيجة حمل طلعت وهي مش حامل ! خش ايمن الدار وهو يتكلم بالنقال ♥️ ايمن : الو سروشتنا الغاليه والله استاحشتك وهلبا ليك وحشههه جت اسراء هاجمه فيه وبدت تخبط : انت شن بهيم متفهمش تبيها تزوجها متقعدش تكلمها قدامي خيرك متفهمش خلوني اوكي انت انسان قلبكك اسود من رشاددد دراه كبدددد خشت اسراء حمام ولبست عبايتها وطلعت وايمن كان ف غرفة م يندريش عليها ، مشت اسراء حوش فردوس فردوس : مننننني وفتحت لقت اسراء اسراء طول حضنت فردوس ♥️ فردوس : سرو خشي خشي خشت اسراء غرفة جلوس وقعمزت مشت فردوس دارت نسكافيه وجت♥️ فردوس : خيرك شن في اسراء : شنو فردوس : جيتك هادي وتعابير وجهك وكيف ترعشي ! اكيد في شيء قولي يلي ف قلبك اني اختك ومعاك اسراء تنهدت : ايمن ي فردوس ايمنن فردوس : خيره اسراء : معمره حبي ولا كلمني باسلوب ديما تكشيخً وهزايب من وقت خطوبة وني نصبر ف روحي نقول تو يتغير وشيء شيء ! وتوا يكلم ف بنات قدامي معقول ي فردوس تعبت اني راه هو قاعد حاقد عليا من موضوع افنان فردوس : معقولة اسراء : وتوا عرفت اني حامل وم حد غيري يعرف ومنبيش حد يعرف اان هو لو عرف متاكدة مش حيتقبله ! لان يلي صار سهوة بس لما فاق لقي روحه جنبي طلع طول ᘓɹ̇ᓄ حوش يومها فردوس : حامممممممل وكم ليك اسراء : خلاص قريب نسكر شهر ي فردوس فردوس : نهار ابيض وهو قاعد ميعرفش ! صدقيني لو عرف حيتغير اني توا ناديه ونقعمزو ونهدرزو♥️ اسراء حست بشوية دوخه♥️ فردوس : خيرك جي علي نازل سلم ع اسراء علي : فردوس اني طالع عندي كم موضوع فردوس هزت براسها به فردوس : اسمعي اركبي توا غرفتي تغطي وارقد اني بنتصل بايمن يجيني ونهدرزو اسراء خافت فردوس : متخافيش صدقيني كلشيء حيكون تمام♥️ ركبت اسراء غرفة فردوس ورقدت ارتاحت هلبا اما فردوس اتصلت بايمن يجي♥️ ايمن : شنفي دوسا فردوس : ايمن انت عارف ليش اايد جبرك تخطب اسراء ايمن : اي باش نصلح غلطتي معاها فردوس : بصدق هل صلحت غلططتك ! ايمن : اي تزوجتها فردوس : في فرق بين زواج ! وبين مشاعرر الانسان ! مشاعر اسراء شنو ! ايمن سكت فردوس : انت عارف لو اياد حي توا وعرف انت شن درت ف اسراء مش حيسامحك صدقني البنت كويسه وصفت نيتها تجاهك غلطت بس من احني باش نعاقبوها كل حد عنده فرصة تانيه حرام عليك صفي نيتك واعطيها فرصتها ي ايمن حرام عليك راهي مرتك ربي حيعاقبك عليها ايمن : امممم فردوس : وتوا حتبدا اب ! ايمن انصدم : شنوو فردوس : اااي اسراء حامل ليها قريب شهر ي فالح ومبتش تقولك خاييفه من رد فعلك ايمن : كيف كيف كيف حامممل يعني .! فردوس : هي توا معاي فوق راقده ترتاح شوية♥️ جت اسراء نازلة تدور ف فردوس اسراء : دوسا وينكك فردوس : اهني تعالي خشت اسراء لقت ايمن قدام وجها وانصدمت ، وقف ايمن باس راس اسراء ايمن : علاش خبيتي عليا اسراء سكتت ايمن ابتسم : نراجي فيك ف سيارة طلع ايمن واسراء حضنت فردوس♥️ ....... ف سيارة ايمن كان شاد يد اسراء ♥️ وقفو ف سيمافرو شويه هو طللع نقاله وفتح محادثة مدها لاسراء ايمن : صح محبيتكش بس مختتكش اقري شات بيني وبين بنت يلي نكلم فيها وحدة معاي ف خدمه بسسس كله مواضيع شغل وف جديد نوعدك معاش نكلمها ولو اتصلت انتي ردي شد ايمن يد اسراء باسها ♥️ ....... ثاني يوم♥️ كانو كلهم ف محكممة علي ومبروكة وايمن واسراء وفردوس ♥️ القاضي : نطلطب من الشاهد الاول الركوب ايمن ضغط ع يد فردوس وقفت فردوس حكت يلي صار بالتفصيل ورجعت مكانها القاضي : الجريمة يلي صارت بدون عمد صاحبها ! العقوب حتكون.... فردوس وقفت فردوس : هادي بدون عمد ! بس جريمة القتل يلي دارها قبل شنو !!! محامي محمد : ي اختتت مكانكك القاضي : اسس كملي ي انسه فردوس ودموع ف عيونها : اااي هالشخص هو قاتل عيلتي كلهاا !!! اتفق مع السواق باش يلعب بالفرامل متاع سيارتهممم محامي محمد : كذب وافتراء باش تطيح وكيلي القاضي : عندك دليل خش اسامة ومعاه السواق اسامة : اهواا الدليل اسامة قعمز سواق ف الارض وحط سلاح فوق راسه اسامة : احكي بكل يلي درته السواق حكي كل يلي صار ومبروكة ف صدمه تانيه♥️ بعد مناقشة القاضي : حكمت المحكمة ع المدعي محمد ال£)&)£ بالشنق حتى الموت وتنفيذ الحكم حيكون يوم الاربعاء " بعد غدوا " مبروكة بدت تضحك باعلى صوت وتدير ف حركات مهابيل تخبط وتعيط طلبولها سيارة اسعاف متاع مستشفى مجانين نقلوها خشت ف حاله تانيه علي ركب سيارته ومش مصدق يلي صار خسر كل شي ف لمح البصر فردوس وهي طالعه مرت جنب محمد وابتسمت : انه يمهل ولا يهمل ! الدنيا دوارهه ي محمد درت فيا يلي ميندارش واهو دنيا لعبت بيك ! ربي خدالي حقي منكم واحد وراء تاني جي اسامة : فردوس ونبي ادفلي ع وجهه الخامر اهوا خير م ندفل اني فردوس ابتسمت : هي نعطوه وحدة جماعية دفلو ع محمد وطلعو سلمت فردوس ع اسامة اسامة : تبي اي شي تدللي فردوس : منور والله شبحت فردوس لقت علي ف سيارة فردوس : خلاص ي ايمن علي غدوا حندمره متخافش ايمن : بالك ع روحك ........ ثاني يوم♥️ فاق علي يلي كان متوتر هلبا عنده اجتماع ! كان يفكر فامه مشي زارها مبوش يدخلوه مشي شبح خوه بعدين شركته وقع ع اوراقي وخش غرفة اجتماعات ! فردوس جت شركة علي ولقت ادم ! اي ادم كان يخدم مع علي وخلى علي يوثق بيه ع خاطر فردوس وطول مدة فاتت كان يحاولو يطيحو بشركة علي فردوس : وقع الاوراقي ؟ ادم : اااي فردوس : تمام توا دخل الامن يطلعو علي🙂♥️ خش الامن غرفة اجتماعات وشد علي علي : تي شن فييييي وخشت فردوس وهي مبتسمة : باي حق مقعمز اهني علي مستغرب فردوس : شركة هادي انضمت لشركاتي اني توا علي : شنن فردوس : ااي انت وقعت ع اوراقي ، ادم وريهولههه علي قعد مصدمة فردوس : قيموه برا الشركه♥️ ........... خشت فردوس الحوش ركبت غرفتها وهي تضحك كلمت ايمن ، علي كان مهناش ♥️ فردوس : ايموننننني خديت كلً شيء شركتههه كلها لا معاش عنده شييي توا اياد يقدر يكون مرتاححح ومازال بناخذله حقهه تي تو نوريه ع موت اياد اني ايمن : قداش ليا معاش سمعتك تضحكي هكي😂♥️ فردوس : كل يلي ضروني ربي خدالي حقي منهم ! محمد وبوه قتلو اماليا علي يلي خطف اياد وقتله وفجاءة شخص يجي وراء فردوس ويلفها ليه لن نقالها طاح من يدها علي : اني انني قتلت اياد !!! تي كيف كيف تفكري هكي اصلاااا صح منبك وصح انخطبتيله بس مستحيل نقتله باش ناخدك ! تي مستحيلللل فردوس : شنو مستححيل ادوي ادوي ! تي ريت بعيوني كل شيء ف نقالك تاني رسائل بين يلي خاطفين اياد علي خبط راسه وجاب عباية لفردوس علي : البسي امههها توااااااااااااااا فردوس : منبيششش علي شد وجه فردوس : بتلبسي امها غصب عنكك اني تو نرفعك للشخص يلي قتل اياد ولو طلعت اننني نوعدك نسلم روحي للشرطههه لبست فردوس وعلي شدها من يدها ركبها سيارة مشو مكان يلي محبوس فيه محمد وخشوله لقوه مقعمز بروحه وكئيب ، محمد اول م شبح فردوس فعمز ف الارض محمد : اسف ع كل يلي درته علي : اسمعني اسفك م يدير شيء احكيلها كل يلي درته ف عيلتها وف اياد محمد : مشعارف كنت نحساب روحي طلعت منهم م حد حيقدر يشدني ! اي نعترفلك اني قتلت اماليك بسبب الفلوس واني خطفت اياد باش نحصل عليك تي كنت نحبك وميت فيك فردوس جتها صدمة وشبحت لعلي الشرطي : خلاص لو سمحتو علي شد يد فردوس وركبها سيارة وهي تبكي وهو متكلمش ابدااا ، وصل قدام حوش ودرس فردوس : علي علي : انزلللللي فردوس : اسمعني علي فتح الباب ودفها ومشي وصلت فردوس حوش وهي تبكي اتصلت بايمن وحكتله يلي صار شوية هكي اتصل بيها خالد فردوس : عمممي خالد : تي عمك شن يلي درتيه ف علي ولا تحسابيه قتل اياد تي خيركك انتتي علي من خمسه سنين يعرف من قتل اياد ومخلاش محامي مكلماش تي تعب هلبا وهو يدور ! باش ياخذلكك حقك وانتي زي غبيههههه فردوس : عمي نوعدك نوعدك نصلح غلطتي سكر خالد وفردوس شدت صورة اياد " اني ظلمت علي هلبا وهو تحملني ! محد حبني زي حبه حبيتك ي اياد بس توا اني مرة علي ! علي يلي مخلانيش نحتاج حاجه " قعدت فردوس تراجي لن جت سااعة واحد خش علي لقي فردوس قدامه حذف ف وجها وراقي علي : اهما اوراق طلاقنا وقعي امهم وخلاص تتهني ف حياتك علي اعطى فردوس بظهره وهي حضناته فردوس : تخلينيش بالله عليك اني نادمة خليك جنبي علي اني غبية ......... بعد مرور شهرين ♥️ فردوس وعلي شادين ف ايدين بعض كيف وصلو بريطانيا لقو سيارة علي واتيه ركبوها ومشو الكافي علي باس يد فردوس فردوس : ويننن علي : ننزلو الكافي اهوا فردوس : خنمشو لحميدة وفنو قبل علي : انزلي فردوس : تعرف معقولة ايمن وجهاد وعمي ولا حد جي مطار ودعنا ولا اتصلو علي : عندهم ظروف اكيد شد علي يد فردوس ونزلها من سيارة خشو كافي لقوه كله ورددد انصدمت فردوس شبحت عيلة كلها كانو يغنولها كل عام وانتي بالف خير♥️ نقزت فردوس حضنت ابتسام وافنان ومحمد وفرح كانت فرحانهه هلبا، بعد قصو تورتة قعمزو ف طاولة ياكلو ! فردوس : عمي خالد مروة ايمن وجهاد وايلاف كلكم اهني كيف صار امس كنا غادي اني معاش فهمت شي ايمن ابتسم : ي غبية احني جينا ف طيارة صبح حبينا نديرولك مفاجاءة ع خاطر عيد ميلادك محمد : فكرة عليوة طبعا احمد : خوي رومنسي باش تعرفو مربيه ع ايديا جي النادل ياخد صواني♥️ جهاد قعد يدربك ف طاولة : وواحد اتنين تمانيه القرسون حاجة تانيه حلا : زعميتك رقعها قرسون♥️😂 ايمن : تي لا لا اسمع هادي ! وواحد اتنين حداش القرسون ولا بلاش اسراء : درت العار اهفتت😂😂😂🌝 علي : لا لا هادي متاعي قوية ، ونحبك قولهالي وبصوتك سمعهالي نبي تعاودهالي ودوبني ي غالي مش خسارة فيا كان تعاودها ليا مرة اثنين وميه هلبا كترهالي قعدو كلهم يغنو فيها ويصفقو♥️ محمد : ومن قلبك نبيها وتدلعني بيها فردوس : لا محمد غننننى ححي فرح شن درتي لمحممممد هبلتيه فرح : هو بروحه مهبول اني نعقل فيه اكثر احمد : وحي حي هبلاته في قرقارش رقداتهه جهاد : صايم رمضان فطراته حلا : ومعانا ومعاكم فرقة نسمة الجنوب تشرفنا بيكم احمد : تي توا م وقت اغاني ركزو ع علي كيف يشوف لفردوس وهي تشوفله ومتحشمة وتطبس راسه جو افلام هندية ، ع اساس من لوطا لوطا تي مافي شيء يخفا عليا افنان نخصاته احمد سكت♥️ علي ضحك : احمد شكله من جماعة نغسل ماعين ونطيب ست بيت شاطره جهاد : شفته ولا نخصة سكت ع طول حاكماته مرته حلا فنصت ف جهاد جهاد : اني بنوض بنوض ! الحمام احمد : تعال ي قرانديزر وين ماشي ابو بدر تعالل ابتسام شدت يد فردوس وضحكتلها فردوس 👩🏻🦱 " وهادي حكايتي ♥️ بعد مدة جيت ولد سميته اياد افنان جابت بنوته سمتها فردوس واسراء جابت بنيه سمتها غزلان♥️ حبيت علي هلبا مكنتش متوقعة ان الفرح حيخش حياتي من جديد بس نحمد ربي ! صح ربي خدي مني كل شي بس عوضني بعلي عندي بالدنيا ومافيها ميرضاش زعلي ابدا ، الدنيا دوراه ! مفيش حد يدير عملته ويفلت كل شيء ليه عقابه حتى بعد مليون سنه ربي حيجزيك ع يلي درته ! يلي داروه عيلة عمي ف عيلتي ربي ردهولهم بالضعف عمي توفى ويلي قتله ولده محمد شنقوه مبروكة بدت مجنونه ! مهما صارلك خليك صبور وربي حيكون معاك وحيردلك حقك ثالث ومثلث ديما تفكرو ان الله يمهل ولا يهممل" هادي روايتي ♥️ صح هي حزينه شوية بس مش كل شي فرح عاد ! نتعلمو منها الصبر من يلي صار لفردوس ! ومن قصة ايمن يلي رضي بالواقع وتزوج بنت يكرها بس ف نهاية حبها يعني عادي الزواج يجي بعد الحب ! ابتسام عانت بس فالنهاية نالت ! شفت هلبا نقد لروايتي ، وعرفت من متابعين ان الناس تهرب من واقعها وتقرا روايات وتعيش معاهم اني حاولت نخلي روواية هادي اشبه بالواقع بس باذن الله باقي روايات حيكون فرح معاش حندخل حزن لان الاغلب يهرب من الواقع متاعه ويقرا روايات واني وحدة من هالناس وباذن الله مدة جايه في رواية جديدة وحتعجبكم تفاعلو وصلوها ٨٠٠ كومنت نبي رايكم ف الرواية + شكرا لكل يلي قري رواية ودعمني حتى ولو بكلمة
