"မမ ... ဇန်ကမမကိုတွေ့ခွင့်တောင်းနေတယ် ... ကျွန်တော်ကတော့မတွေ့စေချင်ပေမဲ့ မမရဲ့သဘောကဘယ်လိုမှန်းမသိတော့လေ ..."
လမင်းဖြူ ခဏငြိမ်ပြီးစဉ်းစားနေသည်။ ဇန့်အပေါ်မှာမုန်းသည့်စိတ်ထက် သနားသည့်စိတ်ကပိုများနေသည်။
"ဇန်ကသနားစရာကောင်းတဲ့ကလေးလေးတစ်ယောက်ပါ ... ငယ်စဉ်ကတည်းကဖခင်ရဲ့အရိပ်ကသူ့ကိုလွှမ်းမိုးလာခဲ့တာ ... အဖေရဲ့လောဘတွေကြောင့်ဇန်ကအခုလိုဖြစ်ရတာ"
"ဘာတွေဘယ်လိုပဲဖြစ်နေ မမကိုလည်းအခုလိုဖြစ်အောင်လုပ်ခဲ့တယ် ... ကိုကို့ကိုလည်းထောင်ကျအောင်လုပ်ခဲ့တာ သားကတော့သူတို့ကိုခွင့်မလွှတ်နိုင်ဘူး"
"အမုန်းတရားတွေပွားမနေပါနဲ့တော့သက်တန့်ရယ် ... မမသူ့ကိုတွေ့မယ် ... အဲ့နေ့ကဘာလို့အဲ့လိုလုပ်ခဲ့လဲဆိုတာမေးရမယ်"
"ဒါဆို ကျွန်တော်လူတွေ့ခွင့်တောင်းလိုက်တော့မယ်နော်"
"အင်း"
အပြင်ဘက်မှာကြယ်တွေကတလက်လက်တောက်ပလို့နေသည်။ လမင်းကြီးကလည်းမခို့တရို့လေးပြုံးပြနေသလိုပင်ရှိသည်။ တိမ်ယံပြတင်းပေါက်မှတစ်ဆင့် ကောင်းကင်ထက်ကိုငေးကြည့်ပြီးပြုံးလိုက်သည်။
"သက်တန့် ခေါင်မိုးထပ်ကိုသွားရအောင်"
ပြတင်းပေါက်အနားတွင်မတ်တပ်ရပ်ပြီး ကောင်းကင်ကိုမော့ကြည့်နေသည့်သက်တန့်ကိုပွေ့ချီလိုက်သည်။
"ဘာ ... ဘာလုပ်တာလဲ"
"အအပေါ်ထပ်သွားရအောင် ... ရာသီဥတုသာယာတယ်"
"ဟင် ဘာသွားလုပ်မလို့လဲ"
"ငြိမ်ငြိမ်လေးလိုက်လာပါကလေးရဲ့"
တိမ်ယံ၏လည်ပင်းကိုသေချာဖက်ထားလိုက်သည်။ အပေါ်ဆုံးထပ်ကိုရောက်တော့ခေါင်မိုးထပ်ဘက်ကိုထွက်သည့်တံခါးအရှေ့တွင်တိမ်ယံရပ်လိုက်သည်။
"ကလေး အဲ့မိန်းကိုတင်လိုက်"
သက်တန့်လည်းတိမ်ယံပြောသည့်အတိုင်း မိန်းခလုတ်ကိုတင်လိုက်သည်။ အပြင်ဘက်မှာဘာရှိနေလို့လဲဆိုတာကိုတွေးရင်းသက်တန့်စိတ်လှုပ်ရှားနေသည်။ တိမ်ယံကတံခါးကိုမေးငေါ့ပြတော့ သက်တန့်ကလက်တစ်ဖက်နဲ့တံခါးကိုဖွင့်လိုက်သည်။ အပြင်ဘက်မှာမြင်လိုက်ရသည့်အရာတွေကြောင့် သက်တန့်မျက်လုံးပြူးသွားရသည်။
YOU ARE READING
Love Me Like You Do🖤
Romance[Unicode]အားလုံးအကြိုက် Sugar Daddyလိုပုံစံမျိုးဇာတ်လမ်းလေး ...... [Zawgyi]အားလုံးအႀကိဳက္ Sugar Daddyလိုပုံစံမ်ိဳးဇာတ္လမ္းေလး ......
