و نزلتا ليكم الروايهه💃+كل يوم بارتين+اتفاعلو عشان م اكسل ي جماعه ...
ــــــــــــــــــــــــــــ
الكاتبه:نرمين طه
نرمين:انا م عارفه حاجه ياخ😡و قلتا ليك م عندي دخل بكل الأنتا بتقول فيهو ده
عمار:عايني ي نرمين انتي م عندك دخل بس حبيبك عندو دخل
نرمين:اولا هو م حبيبي .. تانيا يعني كلامك ده دليل ع انك واحد متخلف لانو ماف زول بقتل امو و اختو طيب!..😊
عمار:و الله انا قابلني كتير رجال بقتلو نسوانم و اهلم ، و بعدين فارس ده مريض نفسي و عايز ليهو علاج
نرمين:(قامت من الكرسي و هيا منفعله شديد ..)م أنتا البتحدد لو هو مريض نفسي و لا لا تمام!.. و ي ريت تاني م تضرب لي و م تحاول تدخلني ف شغلك ده
عمار:(أبتسم ليها ..)كويس انك عارفه انك بتتكلمي مع اكبر جنائي للجرايم ف السودان ..
نرمين:و ي ريت انتا م تنسى أنك بتتكلم مع بت مديرك ف الشغل😊😊
عمار:(سكت ..)
نرمين عاينت ليهو و أخذت شنطتا و طلعت و هيا بجد م قادره تفهم حاجه و كل م تفكر بشي تتذكر انو عندها حاجه أهم مفروض تفكر فيها ..
و بين كل الجوطه دي مسكت تلفونا و ضربت لفاارس ..
فارس:قلبي اليمين💕
نرمين:فارس سيب رومنستك دي و ركز معاي .. انا عايزه اقابلك ..
فارس:طيب مستنيك ف مكتبي اصلا لسه م طلعتا
نرمين:تمام مسافه السكه(و قفلت تلفونها و ركبت اول مواصلات لقتا ..)
نرمين بتقرى طب اسنان ف جامعه الخرطوم باقى ليها سنتين و تتخرج ..
ابوها راجل عندو مكانتو ف المجتمع و زي م عرفنا فوق شغلو عندو علاقه كبيره بمجال الجرائم و الشرطه و الأفلام الهنديه دي ..
امها أتوفت قبل 7 سنين و طبعا نرمين وقتها عاشت صدمه كبيره و لقدام ح نعرف الحصل بس اهم نقطه انو فراس كان السبب الرئيسي الخلاها تطلع من الصدمه دي و من وقتها بقو اصحاب و بطريقه ابسط كانو بحبو بعض شديد❤
بس من غير يغيرو علاقتم لانو شايفين انو علاقه الحب بتخرب أي حاجه بين الأصحاب ..
مع مرور الوقت و تحديدا قبل سنه و نص فراس حصلت معاهو حاجه خلت حياتو تتقلب فوق تحت و ده برضو ح نشوفو قدام ..
نرجع لقصتنا ..
نرمين وصلت الشركه و طبعا كلهم هناك بعرفوها لانها بتجي كتير ..
سلمت عليهم و بعدين دخلت لفارس كان كالعاده واقف جمبه الشباك و ماسك سجارتو .💛
كان طويل و اسمر و ملامح وشو كلها قويه و حتي جسمو شويه ضخم ..
وقفت جمبو و هيا قصيره طبعا و لونها مايل ع السمار بس م شديد .. عيونها واسعه و جادعه الطرحه و شعرها منكش من الهوا ..
فارس:(عاين ليها بطرف عينو ..)مالك مبهدله كده!..
نرمين:فارس انا تعبتا ع فكره ..
فارس:(قاطعا)انتي شايفه شعرك ده عامل كيف؟!..
نرمين:ياخ مالو عامل كيف😡
فارس:(خته السجاره و رفع يدو و بده يرتب ليها ف شعرها .❤)عامله زي الشافعه الشارده من امها عشان م تسرحا😂😂
نرمين:(سكتت مسافه ..)متين ح تبقا جادي و لمن اجيك و انا معصبه تبطل الهبل ده!..
فارس:لانك اولا دايما بتجيني معصبه و انا اقتنعتا انو مستحيل ف يوم تجيني و انتي رايقه .. و تانيا انا بحب شكلك و انتى زهجانه❤(و كالعاده عرف يمتص غضبا كلو ف ثواني ..)
نرمين:(أبتسمت ليهو ..)بس لو عمار يشوفك و أنتا رايق كده ح يعرف أنو كل البفكر فيهو ده وهم
فارس:(ملامح وشو أتغيرت ..)أتكلم معاك تاني؟!..
نرمين:ايوه
فارس:حصل ايه؟!..
نرمين:قال انو م عندو دليل ضدك بس هو واثق انو ..(و سكته ..)
فارس:قولى عادي اصلا م بقت فارقه معاي
نرمين:قال انو لمن سأل أصحابك منك قالو ليهو انو من وفاة ابوك قبل 3 سنين و انتا بتتعامل مع امك و اختك بطريقه م كويسه و أنو رفضتا تتعالج عنده دكتور نفسي و كلام كتير م عندو علاقه بموت امك و اختك اساسا ..
فارس:هو شكلو بقا م عارف يجيب المجرم و بختها فيني!..دي حاجه م مقبوله و انا م قادر امسك اعصابي اكتر
نرمين:انت عارف انو الحقيقه ح تتكشف ف النهايه عشان كده خليك هادى و هو اصلا م ح يلقا ضدك حاجه ..
فارس:(قعد ف الكرسي ..)متين ح ينتهي الكابووس ده
نرمين:م تخاف كلو ح يتسهل❤
