عمر:اكتشفتا انو قصصك البايخه البتحكيها لى كانت عشان تخليني اضحك و النفسنه تفك ..
و اكتشتفتا اني كنت غبي لاني م قدرتا افهمك ..
و اكتشفتا اني بحبك و م قادر اعيش من غيرك ..
شهد:(بقت تبكي بصوت عالي و خاته يدها ف وشها ..)
عمر:(زحا ليها يدها من وشها ..💔)و الله لو بقيتي شنو و شنو انا عايزك و م بسيبك نهائ ..
شهد:ي عمر😭😭😭😭😭شفتا حصل فيني شنو بعدك😭😭😭😭
طبعا انا كنت واقفه و دي كانت اول مره اسمع فيها صوت شهد💔
عمر:م تبكي انا حسي هنا و كل شي ح يرجع طبيعي ..
شهد:ي عمر م تسيبني تاني انا خايفه و الله😭😭
عمر:و الله م ح أسيبك ..
" شفتو زي قصه شهد دي كده !..
لو كلنا فكرنا بمنطق انو هيا المظلومه و هيا المحتاجه مساعده و هيا اللازم نقيف جمبها م كان حسي طلعت أحصائيت المنتحرين اغلبيته مغتصبات ..
لو كلنا شفنا القصه من منظور مختلف تاني م كان مجتمعنا واقف حسي وره !..
شهد كانت محتاجه اهلها جمبها و م لقتم عشان كده م قالت شي!..
بس حسي شافت اهلها ف عمر و بس لمن قال ليها 'م ح أسيبك ' هيا نطقت و قالت م تسيبني ..
كانت محتاجه زول تقول ليهو كده و هيا مقتنعه انو م ح يسيبا بجد..
كده يادوب شهد ح تتعالج ، و كده يادوب ح تبقا عافيه .❤"
رجعتا غرفتي و بقيت ببكي .. ببكي لاني عايزه فارس و ببكي لاني عارفه انو نهايتي معاهو م ح تكون حلوه !..
ببكي لانو الانسان الوحيد الحبيتو م ح يكون لي و انا مقتنعه بكده و بعد ده كلو م قادره اسيبو و م قادره أوقف و م قادره اعمل شي غير أرضى بأنى أمشي ف المجهول ده عشانو !..
نمتا و صحيت صلاه الفجر صليت و قريت قرآن و رجعتا نمته تاني ..
صحيت الصباح مصدعه شدييد و بطني طامه شدييد ..
قمتا شفتا شهد لقيتا صاحيه .. جبتا كبايتين شاى و جيت قعدتا معاها ..
نرمين:اها الليله م احسن!
شهد:...
نرمين:يعني بس عمر اليتكلمو معاهو و لا شنو😂
شهد:انتى ليه بتعملى معاي كده؟!..
نرمين:امممم ، أتخيلي كل بت ساعدت بت محتاجه بالطريقه دي كان حسي ف زول ح يكون نايم زعلان؟!..
شهد:...
نرمين:اعتبريني أختك❤
شهد:..(أبتسمت لي ، و شربت الشاي معاي و بجد فرحتا لاني شفتها احسن بكتير من اول ايامات❤)
ف مكان تاني عنده يوسف :
كان ف السوبر ماركت و بشترى حاجات و فجأه سمع الصوت المستحيل يغلط فيهو ..
ريان:ايوا تمام .. خلاص بجى عليكم بعد شويه حسي انا بس بشترى ف كم حاجه .. تمام .. يلا معسلامه ..(و قفلت الخط و كانت بتعاين ف التلفون و هو قدامها ..)
يوسف:(أتلفت عاين ليها و هو م مصدق انو بعد سنتين شافا ، ف نفس البلد بس م حصل الصدفه لمتم سوا ..)ريان❤
ريان:(عاينت ليهو بخلعه ..)يوسف!
يوسف:(بقا ساكت و هيا ساكته و أسوء احساس لمن تكون مع انسان كان ف بينكم كلام كتير ف يوم و فجأه ف يوم تاني نفس الكلام ده في بس م عايز يطلع زي أول ..)
ريان:كيف صحتك😊
يوسف:تمام انتى كيف
ريان:الحمد لله😊(و مشت قدامو دفعت القروش و طلعت و هو بس بعاين ليها و بعد مسافه خته الحاجات و طلع عشان يلحقا ..)
يوسف:ي ريان
ريان:(وقفت و عاينت ليهو بكل برود ..)نعم!
يوسف:معقول بس كده؟!..كيف تمام و خلاص!
ريان:معلش بس تاني اقول شنو طيب؟!..
يوسف:..
ريان:عن اذنك!
يوسف:ريان ..
ريان:نعم
يوسف:كيف كده!..يعني اتجاوزتيني بجد!
ريان:زي م انا هنتا عليك زمان !..و لا نسيت😊
يوسف:كنت غبي
ريان:الفات مات و ربنا يوفقك و تلقا بت الناس التسعدك😊
يوسف:م ح أسعد مع غيرك انا ..
ريان:(أبتسمت ليهو و مشت و كأنوو يوسف ده م كان يوم جزو منها .. بس مرات لمن زول بنحبو يكسر بخاطرنا شديييد مشاعرنا بتموت و لمن تموت تاني م ح ترجع نهائ ..)
عنده نرمين :
كانت قاعده ف الغرفه و راقده و بتفكر ف فارس ..
تاني ح ترجع معاهو عادي!..معقول يعتذر و تنسى الحصل كده !..
و هيا بتفكر كده فارس ضرب ليها م ردت طوالى رسل رساله ..
فارس:
" المره دي الحاجه الأنا عملتا أمكن اكبر من انو احلها بأعتذار بس ممكن تديني فرصه عشان نتفاهم ؟!.."
رديت ليهو :
" هو كل مره ح تعمل و تقول نفس الكلام و الموضوع ح يتحل كده مثلا؟!.."
رسل لي :
" البحبو بعض بتجاوزو اي شي !.."
قبل م ارده على رسالتو سمعتا صوتو ..
فارس:انا تعبتا من الحاجات البعملا كل يوم دي عشان ارضيكي😂
نرمين:(عاينتا ليهو بخلعه لقيتو واقف جمبه باب الغرفه ..)بسم الله .. انت دخلتا كيف؟!.. بعدين كيف اصلا تدخل بالطريقه دي؟!..
فارس:حقك علي❤ألبسي ليكي عبايه و ح أستناكي تحت ف الصاله بس تتأخرى ح ارجع تاني😂(و طلع ..)
نرمين:ده شنو ده!..(لبستا عبايه سريع و طلعتا عاينتا ف الارض لقيت ف شكلاتات كتيره❤)و الله م ممكن مع الولد ده يعني هو م بصدق انا ازعل عشان يعمل حاجه خطيره كده !..(نزلتا تحت لقيت صندوق كبير بتاع هدايا ف الكنبه مشيت ع البوكس و فتحتو و اول م شفتا الحاجه الجوه قلبي قرب يقيف ..)
فارس:حلم حياتي اشوفك لابسه الفستان ده❤
نرمين:(أتلفتا عليهو ..)فارس!
فارس:قلتا ليكي المره دي الموضوع م ح أحلو بأعتذار
نرمين:و انت شايف انو كده أتحلى؟!..
فارس:بالفستان الأبيض .. أيوه❤
نرمين:...
ف مكان تاني :
_ألو .. ايوه تمام .. طيب انا شويه كده و بطلع ..(و قفلت الخط ..)
نوران:يعني خلاص قررتي ح تمشي الخرطوم؟!..
_تحديدا قررتا أمشي و أتكلم مع نرمين .. ي نوران انا شفتا كل الحصل و شفتا بت خالتي بتموت قدامي و خالتي برضو و م قدرتا اصرخ و م قدرتا أعمل شي!..
شفتا فارس بقتلم بعيوني و زي العويره هربتا و جيت هنا .. صح الموضوع صعب علي بس انا ساكته لي سنتين و حاليا لازم اتكلم .. لازم اوريهم الحصل و لازم ابعد نرمين من الوحش ده ..
احساس الذنب م بخليني انوم و كل يوم بقول ليكي انو عايزه ارجع و انتى بتمنعيني بس المره دي انا خلاص قررتا ..
لازم اوريهم كل حاجه و ف حاجات كتيره م بعرفوها لازم هما حسي يعرفوها!..
الحقيقه ال هما شايفنها دي كذبه ف حقيقه تانيه اكبر بكتييير !...
نوران:....
يوسف كان قاعد و جات عليهو عائشه ..
يوسف:ف شنو
عائشه:(حكت ليهو انها أتكلمت مع فارس ..)
يوسف:انتى مجنونه صح ياخ انا مش قلتا ليكي م تتكلمي معاهو😡😡😡
عائشه:انا م فاهمه م اتكلم معاهو ليه طيب؟!..
يوسف:ي الله ياخ .. انتى ختيتي نفسك ف حته ضيقه و م ح تقدري تطلعي منها نهائ ..
عائشه:...
عنده نرمين:
نرمين:فارس انا م بقدر أقبل منك الهديه دي
فارس:بتقدري!
نرمين:فارس
فارس:مش قلنا انا احنا بنحب بعض و دايما ح نكون مع بعض؟!..
نرمين:صح بس ف حاجات كتيره حسي أتغيرت!
فارس:ماف شي أتغير و الله انا كويس ي نرمين و و الله تاني م ح أعمل حاجه غلط .. ح انتبهه لتصرفاتي و ح احافظ عليكي و ..(فجأه بقا برجف ..)بس انا م بقدر أستحمل انك تبعدي عني!..انتى فاهماني صح؟!..
نرمين:...
فارس:نرمين انتي فاهمه
نرمين:ايوا فاهمه(قلتها بخوف ..)
فارس:خلاص ممكن اطلب منك اخر طلب ؟..
نرمين:اها
فارس:بعدين ممكن تمشي معاى مكان؟!..
نرمين:...
" و الخوف من أن يأذينا من خفنا عليه من الأذى .."💕
