حبك حياة

٦

نرمين:(وقفتا قصادو .)تتذكر لمن قلتا لي أنو الأموات بموتو جسديا بس بفضلو جمبنا و بفضلو يراقبونا دايما!..
  تتذكر لمن قلتا لي كلنا ح نموت بس ح نفضل عايشين جوه ناس معينين!..
  لمن كنتا ببكي ع امي كنتا بتقول لي انا أمك!..
انا حسي ابوك و اختك و أمك .. أنا هنا عيلتك ي فارس عشاني ابقا عافيه م بقدر اشوفك كده ياخخ😭❤❤❤
فارس:(عاين لي مسافه ..)طيب ممكن م تبكي؟!..
نرمين:طيب ممكن تكون قوي زي اول؟!..
فارس:(قام من مكانو و حضني ..)انا ح اكون قوي بيك بس❤

  
  الأنسان عموما بتمر عليهو لحظات بيكون فيها جسد ف الحياه بس روحو من فرط الحنين أتزعزت ..
  و أسوء انواع الحنين انك تشتاق لميت !..
  امكن لو كان زول عايش بس بعدتو عننا الظروف كان ختينا أمل انو ف يوم ربنا يجمعنا بس حسي ماف أمل فارس يختو !..
  ممكن يتلمو ف الجنه بس كيف ح يجازف باقي حياتو من غير أهلو؟!...

   رجعتا معاهو البيت و انا م عارفه كيف ح اسيبو ف الحاله دي!..
  اصلا بيتهم فاضي فيهو الشغاله بس و عندها عياله بنومو ف الغرفه تحت جمبه المطبخ ..
  دخلتا معاهو و جات الشغاله اول م شافتو بمنظرو ده مشت جابت ليهو مويه و حبوب كده ..
  اول م شفتا الحبوب بقيت بعاين ليها و بحاول افهم دي حبوب ايه بالظبط لانو م كانت بندول و لا حبوب صداع عاديه ..

  فارس شال الحبوب بلع منها اتنين و أداها للشغاله و هيا دخلت جوه طوالى ..

نرمين:حسي اطلع نوم و انا ح امشي البيت طيب
فارس:لا خليكي
نرمين:(قعدتا جمبو ..)فارس انا اتأخرتا و م كلمتا ابوي اني طالعه ..
فارس:ابوكي ابوكي ابوكي😡هو ليه يحكمك بالطريقه دي؟!..نرمين انتى حقتي انا حقتي و بس(و مسكني من يدي قوي ..)انا م ح اخلى زول يبعدك مني😡فقدتا أهلى و م بقدر حسي افقدك فهمتي!
نرمين:(كنتا بعاين ليهو بأستغراب ..)فارس ..
فارس:(عاين لي مسافه بعدين قام وقف ..)انا طالع غرفتي انوم ..(و مشا طوالى ..)

  كنتا مستغربه من تصرفاتو شدييد و بعد وصلتا الباب عشان اطلع اتذكرتا الغرفه الكان شفتها زمان و طوالى رجعتا دخلتا و مشيت عليها ..
  اول م فتحتا الباب لقيت الغرفه عاديه شدييد فيها كنب و تلفزون و نهائ م نفس الغرفه الأنا شفتها قبل كم سنه!..
  بقيت بعاين و مستغربه و قطع سرحتي صوت فارس ..

فارس:بتعملى هنا شنو؟!..
نرمين:(عاينتا ليهو بخلعه ..)فارس .. انا ..و لا حاجه
فارس:انتى شنو؟!..بتفتشي ف حاجه!..
نرمين:(استجمعتا شجاعتي و طوالى قلتا ليهو ..)هنا كان ف سريرين حقون شفع!..وينم؟!..
فارس:سريرين شفع؟!..
نرمين:فارس انا متذكره كويس الشفتو ..
فارس:طيب أهدي!فعلا كان ف سريري انا و اختي لمن كنا صغار و الأوضه دي كانت مخزن و كنا خاتين فيها الحاجات دي هنا .. ليه يعني السؤال ده حسي؟!..
نرمين:و لا حاجه (و طلعتا طوالي ..)

   كنتا متأكده انو بكذب لانو فرق العمر بينو هو و أختو أكتر من 6 سنين و السريرين ديل كانو نفس الشكل و كأنو جايبنها لتوائم مثلا!..
  مستحيل امو تجيب نفس السرير بعد 7 سنين عشان أختو!..