حبك حياة

٤

نرمين:الغريب شنو ف الموضوع؟!..
يوسف:و لا حاجه .. (جاتو مكالمه ..)شويه و بجي
(و طلع بره ..)

  كنتا متضايقه شديد و حاسه انو يوسف ده مستفز و غياظ و بجد بطني طمت بقيت قاعده و مستنيه حضرتو لمن يجي ..
  بعد 10 دقايق كده هو جه و ماسك سجاره ف يدو ..

يوسف:بتضايقي من السجاير؟!..
نرمين:لا عادي متعوده
يوسف:فارس بسجر؟!..
نرمين:ايوه
يوسف:المهم اها تمى ..

  *باك فلاش :

بعد أمتحنتا كنتا طبيعي بطلع معاهو و لو م طلعنا كنا بنتكلم بالتلفون ..
  بقا جزء من يومي او بطريقه تانيه يومي كلو ..
  م كان عندي صحبات كتير عشان اقابلم بس هو كان كل صحباتي.💕
  يوم النتائج كان هو اكتر واحد متوتر معاي و لمن عرفت نتيجتي ضربتا ليهو و زغرد لي عدييل😂😂
  طبعا انا مته ضحك و من وقتها اي حاجز كان بينا و لو بسيط اتكسر .❤

يوسف:(قاطع نرمين)طيب ف يوم حسيتي انك بتتعاملى مع شخصين؟!..
نرمين:(سكتت مسافه ..)ايوا
يوسف:متين و وين و حصل شنو بالظبط ف اليوم ده!..
نرمين:اول يوم لي ف الجامعه كان هو جا هناك ..

*باك فلاش:

نرمين:انا محاضرتي انتهت وين انتا؟!..
فارس:واقف بره
نرمين:(طلعت ليهو و قبل توصلو كان ف ولد بشاغل فيها..)
_احي لو كل الجامعه زيك كده💕(و كان بقول ف كلام كتير .. )
نرمين:ارح
فارس:(كان بعاين للولد ..)
نرمين:فارس يلا
فارس:(مشا ع الولد و من غير أي كلام بقا بضرب فيهو ..)

يوسف:اها و بعدين
نرمين:اول مره كان اشوفو بالشكل ده .. عروق يدو ظهرت و لون عيونو أتغير .. الناس بعد تعب قدرت تفرق بينهم ..
يوسف:اها
نرمين:بعدين ركبنا العربيه و كان عادي و بقا بضحك اول م وصلنا المطعم قعدنا نتونس عادي بس فجأه ف مشكله حصلت جنبنا و هنا فارس بكل برود قال لي هما م بعرفو يحلو مشاكلم براحه ..
و قال لي مهما كان سبب المشكله الزول م مفروض يمده يدو و انو هو بحب الحاجات تتحل بنقاش..
  كنتا بعاين ليهو بأستغراب بس اول شي ختيتو ف بالي انو عايز يغيظني او يصلح الموقف الحصل في الجامعه !..
يوسف:(اخذ نفس عميق و طلع ليهو ورقه و قلم و بقا بكتب ف كلام ..)
نرمين:انتو ليه شاكين فيهو؟!..
يوسف:..(م رده عليها)
نرمين:كمان بسفهني😒
يوسف:ينفع نكمل بكره؟!..
نرمين:بس تاني مافي حاجه اصلا اقولا
يوسف:لا ف حاجات كتيره تاني😊
نرمين:طيب
يوسف:عن أذنك(و طلع ..)
نرمين:غياظ ياخ ..(طلعتا من هناك لقيت ابوي و يوسف واقفين اول م وصلتهم سكتو ..)ابوي انا ح امشي
محمد:ماشه وين
نرمين:م عارفه بس اظن ح ارجع البيت
محمد:تمام لمن تصلي اضربي لي
نرمين:طيب(و طلعتا ..)
 
لمن نزلتا الشارع كنتا بجد مضايقه و من غير احس ضربتا لفاارس ..

فارس:قلبي الشمال❤
نرمين:وين انت ي عيون قلبك❤
فارس:ف الشغل كالعاده
نرمين:طيب مشغول
فارس:نرمين انا بفضا ليكي ف كل وقت لانو كل الاوقات حقتك❤
نرمين:طيب جايه عليك😂(و فصلتا منو و بعد نص ساعه كنتا ف مكتبو لقيتو ماسك سجارتو و بعاين ف ورق ..)