حبك حياة

٢

نرمين:ممكن افهم معنى رسالتك؟!..
عمار:نتقابل بكره ف نفس المطعم و ف نفس الوقت و وقتها ح افهمك ..(و قفل الخط طوالي ..)

  نرمين راسا جاط زياده و ع قدر م هيا واثقه انو فارس م عندو دخل بالقتل ع قدر م هيا خايفه و سبب خوفا هيا زاتها م عارفاهو !..
 
  فضلت صاحيه الليل كلو من غير يجيها نوم نهائ و الساعه 4 كده تلفونا ضرب و من الخلعه قربت تموت ..

نرمين:فارس😳انت كويس؟!..
فارس:ايوه بس حسيت بيكي انتي ال م كويسه عشان كده ضربتا
نرمين:(سكتت ..)
فارس:حبيبي وريني مالك؟!..
نرمين:خايفه
فارس:من شنو!
نرمين:م عارفه😭😭
فارس:نرمين خلاص م تبكي كدي استهدي ..
نرمين:انا بجد مضايقه ي فارس و م عارفه اعمل شنو😭
فارس:انا مش قلتا ليك كل م تضايقي قومي و صلي ليك ركعتين؟!..
نرمين:ايوه
فارس:حسي سيبي الخط مفتوح و قومي صلي ليك ركعتين و أقرى سوره الحجرات و تعالى❤
نرمين:طيب😢(مشت صلت و قرت قرآن و رجعت ليهو هيا مرتاحه شويه ..)اها
فارس:حسي وريني سبب ضيقك شنو
نرمين:(فكرت شويه و قالت احسن م يعرف برساله عمار عشان م يعمل مشاكل ..)من غير سبب
فارس:يعني عمار م عندو دخل!..
نرمين:لالا نهائ
فارس:ع فكره انا بعرفك لمن تكذبي😊
نرمين:فارس ممكن تقفل الموضوع
فارس:انا مستعد اقتل أي زول ممكن يكون سبب ف زعلك ي نرمين!
نرمين:فارس قلتا ليك عمار م عندو دخل بس انا حاسه بضيق و منفسنه سااي
فارس:طيب خلاص ، بكره باخذك و اغير ليك نفسياتك❤
نرمين:طيب❤
فارس:بحبك ي قلبي اليمين❤
نرمين:(ضحكت ليهو ..)و انا كمان بحبك❤( قفلت التلفون و هيا متأكده انو مستحيل مستحيل فارس يكون بالسوء الهما بقولوهو ده .. و مهما كان الدليل هيا م ح تتسرع و ح تحاول تفكر براحه امكن يكون مظلوم ..)

  نامت و صحت الساعه 12 ظهر ..
نزلت تحت لقت ابوها مافي .. أستغربت شديد لانو يوم الجمعه ابوها م بطلع نهائ ..
  مسكت تلفونا و ضربت ليهو م رده!..

نرمين:ي ربي ف شنو!..(عاينت للساعه و بعدها مشت لبست ليها بنطلون اسود مع قميص كاروهات طويل لونو احمر بألاسود و أسبورت اسود و جدعت الطرحه كالعاده و طلعت طوالي مشت المطعم المفروض تقابل فيهو عمار بس انتظرت كتير و هو م جا و دي كان اول مره عمار يتأخر عليها ..
  ضربت ليهو ف تلفونو كان مقفوول ..)

  بعد مسافه ابوها ضرب ليها و كان جمبو جوطه شديده ..

نرمين:ايوه ي ابوي وين انتا!..
محمد:عمار ي نرمين!
نرمين:(بخلعه ..)مالو؟!..
محمد:قتلو
نرمين:(من الخلعه التلفون وقع منها و قلبها بقا بضرب سريع و اتذكرت جمله فارس امبارح :
  " انا مستعد اقتل أي زول ممكن يكون سبب ف زعلك ي نرمين")
 
  نرمين طلعت من المطعم سريع و هيا م عارفه نفسها ماشه وين بس كانت خايفه شديد و المره دي كانت عارفه سبب خوفا ..
  كانت خايفه من فارس تحديدا ..

نرمين:مستحيل تكون صدفه .. بس فارس💔لا م بعملا ..(قعدت ف مصطبه ف الشارع و راسها كان جايط شديد ..
  م عارفه تصدق قلبها و لا عقلها و احنا كبشر دايما بنمشي وره قلبنا و ده امكن غلط نرمين ..)