عائشه:م بهمني زول و لا تفكير زول .. انا كنتا ساكته عشان امي و انت عارف بس حسي م عندي سبب اسكت عشانو و زي م هو حسي مبسوط بقروش ابوهو انا لى الحق انبسط كمان😡
منذر:(سكت و بقا يعاين ليها ..)
......
كنتا قاعده مع فارس و بنتونس و مبسووطه شدييد❤القعده معاهو بترجع لى الروح ي جمااعه❤❤.
قعدنا و بعدها قال ح يرجعنى البيت .. ف الطريق لاحظتا تصرفاتو اتغيرت و بقا سااكت فجأه ..
نرمين:فارس!
فارس:..
نرمين:ي فارس!انت كوويس
فارس:..
نرمين:(بديت أخاف و مشينا بشارع فااضي كده ..)ي فارس ياخخ
فارس:(وقف السياره و نزل فجأه و انا نزلتا وراهو و قلبي ح يقيف ..)
نرمين:ي فارس ف شنو بسم الله؟!..
فارس:انا تعبته ي نرمين😡تعبته منك و من شكاويك و تعبته من كل شي😡😡😡
نرمين:فارس انت ليه بتقول كده!😢
فارس:لاني م بحبك!
نرمين:ي فارس انت شكلك تعبان شويه!
فارس:شويه؟!..انا تعبان شديد .. تعبان من انك بتشكي فيني و مشيتي و دخلتي ف قصه التحقيق .. ده يعني شنو؟!..
نرمين:تحقيق!
فارس:معقوله م بتثقي فيني!
نرمين:م كده بس انا حبيت أثبت انهم غلط
فارس:(قرب مني ..)طيب و لو طلعتى انتى الغلط؟!..
نرمين:انا واثقه انك م عملتا كده
فارس:هو لو انا م واثق انتى ح تثقي كيف!
نرمين:فارس م تخوفني
فارس:كنت قايل انى لمن اخترتك اخترتا صح بس طلعتا غلطان
نرمين:ي فارس😭😭انا و الله م كان قصدي اشك فيك
فارس:نرمين اطلعي من حياتي بس ..(و قبل أتكلم لقيتو مشا ركب و اتحرك ..)
بقيت ببكي و م عارفه كييف فارس ممكن يعمل فيني كده!..
فارس البخاف ع زعلى من اقل شي يمشي و يسيبني ف حته زي دي؟!..
حرفيا ده اخر شي ممكن هو يعملو💔
بقيت ببكي و ماشه ف الشارع و الحمد لله جات وحده سايقه عربيته و طلعت بت ناس و وقفت لي ..
_ي أخت اركبي
نرمين:..(ركبته و انا لسه ببكي بصوره هستيريه ..)
_(كانت ساكته و بتعاين لي .. بعد ربع ساعه كده وقفت جمبه سوبر ماركت و نزلت جابت لي مويه و جاات ..)اشربي دي عشان ترووقى شوويه
فعلا شربتها و حبه حبه بديت اهده ..
ريان:انا اسمي ريان!..لو عايزه ممكن تحكي لي مالك
نرمين:انا م عارفه😭كل الموضوع انو انا حاسه نفسي ضايعه .. م عارفه اسمع كلام منو و أثق بمنو بس انا بحبو😭😭
ريان:تسمعي كلام منو دي حاجه بيحددا عقلك و المنطق المفروض تمشي بيهو ، كلنا بتمر علينا لحظات بنضيع فيها بس لازم نرجع و نعرف الطريق الصح و ح نعرفو لمن نحدد و نصدق الحاجات الأحنا خايفين نصدقه ..
الحب مرات بخلينا م نشوف حاجات لازم نشوفه ..
لمن يكونو الناس كلهم متفقين ع حاجه و انتى م مقتنعه بيها بس لأنك بتحبيهو ده اكبر دليل أنو انتى ماشه بمنطق قلبك و القلب م دايما صح ..
ف الغالبيه العظمي القلب بختار الحاجه البتريحنا و لمن نسمع كلامو يبقا ح نمشي ف وهم و لمن نصحه من الوهم ده ح نكون عشنا و علقنا كل أمالنا ف الوهم ده و ده اكبر غلط ممكن الأنسان يرتكبو ف حق نفسو ..
لمن نصدق الحاجه الصح ح نعيش صح و نختار صح بس لمن نصدق الغلط و نقتنع انو صح يبقا عمرنا م ح نتقدم خطوه!...
نرمين:(عاينته ليها و فضلتا ساكته لانو كلامها كان منطقي شدييد .. م رديت عليها بس وصفتا ليها بيتنا و قبل أنزل شكرتها كتير و دخلتا لقيت ابوي قاعد جووه و خاتى يدو ف راسو زي الانسان المهموم كده ..)ابووي
محمد:تعالى ي نرمين
نرمين:(مشيت قعدته جمبوو ..)مالك .. انت كويس؟!..
محمد:أمك قبل تموت كانت دايما بتقول لي نفسي اشوف نرمين و هيا كبيره .. نفسي اشوف نرمين و هيا بالأبيض .. نفسي أحضر عرسه و افرح بيها❤
نرمين:...
محمد:خساره امك م حضرتك و انتى بتوافقي ع اولاد الناس و م بتقولى لي ..😊
نرمين:م فهمتا ..
محمد:فارس طلب يدك و لبسك خاتم و انا اخر زول يعرف!..
نرمين:ي ابوي ..
محمد:انتى كبيره و واعيه و م ح أمنعك من زول لأنك عارفه مصلحتك بس ي ريت م تنسى اني تعبته عشان اوصلك هنا و م هاين علي يجي واحد يدمر تعبي ده كلو!..(و قام دخل غرفتو ..)
انا طلعتا غرفتي مصدعه شديييد ..
ليه الحب كده؟!..
ليه ع قدر م بفرحنا ع قدر م بزعلنا!...
طيب ليه انا تحديدا اعيش قصه صعبه كده!..
كان نفسي احبو و يحبني و يطلب يدي للزواج و نعيش حياه سعيييده زي باقي القصص العاديه!..
بس ربنا كتب انو حياتي تتعلق بزول كل الدنيا واقفه ضدو ..
نمتا و صحيت ع صووت تلفوني بضرب ..
عاينتا للشاشه لقيت مكتوب "حياتي" ..
صمتا التلفون و حاولتا انوم بس م قدرتا فتحتو تاني لقيت كميه من الرسايل دخلتا لقيتو كاتب ..
"و الله م قاصد ازعلك و م عارف عملتا كده ليه عليك الله ردى انا آسف .."
"انتى عارفه اني بحبك و م بقدر م احبك اصلا .."
"انا لو عشته 100 مره تاني ح احبك ف ال100 مره دي .."
"م بحبك تنومي زعلانه و لا بهون علي زعلك ، قومى شاكليني عشان نرجع تاني عادي .."
"انا زعلان لزعلك اكتر منك !..."
"بحححبك و حبك ده بعذبني و الله .."
طبعا اخر رساله استفزتني شدييد طوالى رديت عليهو ..
_"انا عملتا ايه عشان حبي يعذبك؟!.."
رده لى:
"انتى كل م تزعلى و كل م تعملى حاجه غلط و كل م تبعدي انا بموت ي نرمييين!..."
رديت ليهو:
"انا واقفه ضد الناس كلهم عشانك ي فارس!..انا التعبته و الله"
استنيتو يرد ع رسالتي بس م رده .. فضلتا ماسكه تلفوني ساعه و دموعي عشره عشره بس م رده برضو !...
بعد مسافه رسل لي ..
مسكته التلفون سريع لقيتو كاتب:
" تنزلى لي تحت و لا اطلع ليك؟!..."
لبستا لى توب و طلعتا ليهو لقيتو واقف قصاد الباب ..
نرمين:نعم!..
فارس:ارح نهرب
نرمين:ي فارس انا م فاضيه للعب حقك ده
فارس:انا جادى
نرمين:ي فارس انت متذكر قبييل عملتا ايه؟!..
فارس:ايوا و انا بجد آسف .. ي نرمين انا مضغوط و كنت متوقع انك ح تقيفي معاي بس ..
نرمين:بس شنو؟!..انا وقفتا معاك اكتر من كده اعمل ايه؟!..
فارس:ي نرمين ..😢
نرمين:عايز حل صح؟!..
فارس:اها
نرمين:ح نفضل نفتش عن القتل اهلك و م دام انت واثق بنفسك يبقا مفروض م يكون عندك مشكله اني امشي و اقول ليهم العايزين يعرفو؟!..
فارس: ...
نرمين:عشان القصه دي تنتهي لازم نركز بس ف الحصل مع اهلك ..
فارس:ده البريحك؟!..
نرمين:ايووه
فارس:طيب انا موافق ...
نرمين:تمام(و طوالى دخلتا جوه و انا و لأول مره أكون واثقه من قرار أنا أخذتو ..)
" ف ذات ليله و أثناء لقاء تناسى قلبي أنك قلبي و أتخذ الحب مهربا و لو بعد حييين .."♥♥
