حبك حياة

١٦

الروايةقيد الكتابة و كل يوم جزئين فشيلوا الصبر 

ـــــــــــ

نرمين:طيب و امو و اختو وين مـن الكلام ده

يوسف:اــمو كانت شايفه معامله راجله بس م قدرت تتكلم لانو الضى كان داخل ف حاله نفسيه بتخليهو يرفض أي تعليق منـ ـأي زول و سحر كانت صغيره و طبعا خايفه تقول شي!..

نرمين:طيب يعني كيف قتل ابوهو و امو و اختو ي يوسف؟!..

يوسف:العافيه درجات خليني احكي ليكي براحه ..

نرمين:اها

يوسف:ف يوم مقتل ابوهو هو فعلا كان بايت ـمع اـصحابو المسبقا شافو كيف العلاقه بينو و بين ابوهو متوتره ..

  اصحابو ديل م كانو متلمين لمه ونسه لا كان ف سكر و شراب و ألخ ..

نرمين:و كيف عرفتو!

يوسف:لانو انا متأكد من خلال كلام كل واحد فيهم انهم م كانو واعين و عشان م يظهرو الموضوع للشرطه قالو انو متأكدين انو كان معاهم بس فارس طلع لمن اتأكد انهم م كانو واعيين و فصلو خلاص ..

نرمين:طيب ليه م يكون هو زاتو م واعى 

يوسف:ده احتمال بس ضعيف ، لو كاـن م واعى كان قدر يسيب حاجه وراهو بس هو م ساب !..

نرمين:اها

يوسف:فارس طلع و مشا البيت عادي و دخل من الباب و طبعا الوقت داك و حسب تشخيص الدكتور الشاف جثه الضى انو ح يكون مات بين الساعه 12 و وحده بليل .. و اكيد ناس البيت كلهم نايمين

نرمين:طيب اكيد الضى و ساميه نايمين سوا كيف قتل ابو و امو م صحت!

يوسف:الضى م كان بنوم مع مرتو ف نفس الأوضه من م ولدم فراس أتوفى!..

نرمين:...

يوسف:فارس دخل الغرفه عادي و للأسف الحلقه الناقصه هنا ..

نرمين:كيف يعني

يوسف:انا المتأكد منو هو انو دخل غرفه ابوهو و انو قتلو بس كيف و حصل ايه دي م عارفه¡..

نرمين:طيب و امو و اختو ..

يوسف:يوم أتوفو قال انو كان ف مدنى و فعلا هو كان هناك و نفس يوم الوفاة هو كان رجع بس مشا ع الشركه طوالى و الكاميرات بتثبت انو كان هناك ف حدود الساعه 9 لمن 10 ونص .. بس غلط هو رجع البيت اول و بعدين مشا الشركه

نرمين:و انت عرفتا كييف؟!..

يـوسف:اليوم داك تحديدا هو قال انو طول الطريق م نزل من السياره لمن وصل الشركه بس كذاب لانو الساعه 8 تحديدا جات مطره و الشوارع كلها كانت عباره عن طين و مويه و هو تحديدا جزمتو لمن وصل الشركه كانت وسخه و الطين كان ظاهر انو طين جديد و الراجل البنظف أثبت الحاجه دي ف كلامو!..