أستغربته شديد و من فضولي كنتا ح ادخل هناك بس الشغاله جات جاريه و بقت تصرخ لي ..
_لالا أوعك اوعك تدخلى
نرمين:ليه؟!..
_المدام بتقول الغرفه دي ممنوع زول يدخله(و قفلت الباب بالمفتاح و مشت ..)
استغربتا شديد بس م فكرتا ف الموضوع كتير و رجعتا كانو عادين و بتونسو بطريقه عاديه ..
لمن م هو طلع من البيت ، حسيت انو ف توتر حصل و اختو بقت تحاول تفتح مواضيع بس امو سكتت نهائ ..
ساميه:عايني ي بتي انا م ح اغشك لانو انتي بت ع نياتك و لازم تكوني ف الصوره
سحر:امي ..
ساميه:ي سحر ختي نفسك محلها ، ال م برضاهو ليك م ح ارضاهو لبنات الناس💔
نرمين:ف شنو ي خالتي
فارس:اي ف شنو ي امي😊
نرمين:..(عاينتا ليهو لقيتو يادوب داخل و هما اول م شافوهو وشهم اتقلب ..)
ساميه:..
فارس:مالك سكتي قولى عادي
سحر:امي كانت عايزه تقول ليك بس انو فارس كان مخطوب زمان لوحده و بحبها شدييد
نرمين:وين المشكله طيب؟!..
سحر:هيا للأسف خانتو و من بعدها م اتعرف ع بنات و هيا كانت عايزه تنبهك للحته دي و أنو اكيد فارس بعزك شدييد و بده يتغير عشانك
نرمين:(عاينتا لخالتو ساميه بس هيا كانت ساكته و حسيته عايزه تبكي ..)م تخافي ي خالتي كلنا بنمر بتجارب زي دي و اكيد ف النهايه ح ننسى❤
ساميه:فعلا💔
يوسف قاطعني ..
يوسف:و انتى صدقتي الدراما دي؟!..
نرمين:ياتو دراما بالظبط
يوسف:ظاهر انو هيا كانت عايزه تقول شي و غيرت رأيها بعد شافت ولده دخل !..
نرمين:...
يوسف:ي بت الناس
نرمين:اسمي نرمين😊
يوسف:(عاين لي مسافه و بعدها وقف ع حيلو و بقا حايم ف المكتب ..)انتى عارفه انو ف حاجه غلط و م عايزه تقتنعي عشان بتحبيهو!.
نرمين:..
يوسف:(عاين لي مسافه بعدين قال ..)خلاص ح أسألك سؤال
نرمين:اها
يوسف:الحب ده شنو؟!..
نرمين:ده سؤالك؟!..
يوسف:لا بجد اشرحيهو لي
نرمين:الحب هو .. يعني هو حب❤
يوسف:(بقا بضحك و تقريبا ديك اول مره يضحك❤)الحب هو أنك تحسي جزو منك ف زول تاني ، تحسي أنو كل تفاصيلو بتهمك .. أنو هو مسؤليه لازم تحافظي عليها ..
ح تحسي بزعل لو زولك زعل ، و ح تفرحي لفرحو ، ح تكوني انتى الحبيبه بس هو زي ولدك .❤
و الأم لمن تشوف ولده بغلط م بتسكت بالعكس بتضربو و بتصرخ عشان يتصلح و عشان هو حاجه حقته و لازم يكون الحق ف الصح .❤
انقذيهو قبل يغرق ي نرمين ، هو لسه ف بر الأمان حاولى امسكي يدو و خبيهو ف حته أمنه ..
و م ح تقدري تعملى كده إلا تقتنعي انو هو فيهو حاجه غلط عشان كده فكري كويس قبل م الوقت يتأخر و هو يغرق بجد ..
يوسف طلع و انا الكلام نهائ أبا يطلع من راسي ..
انا كنتا عارفه انو ف شي غلط بس خايفه ..
خايفه اظلمو و خايفه ف نفس الوقت اخسرو ..
خايفه أنو كل شكوكي دي تطلع وهم و ف نفس الوقت خايفاها تطلع حقيقه ..
لو زي م ناس ابوي بقولو انو هو مريض نفسي معناتا هو فعلا قتل اهلو ..
و لو لا معناتا عمرو م ح يسامحني اني جيت هنا و شكيت فيهو زيهم كلهم ..
انا بحبو بس انا خايفه ..
و كل حاجه بدت تخوفني و تقتلني من جوه .💔
" انا قويه بيهو و هو نقطه ضعفي " ..
