الرواية قيد الكتابة فشيلوا الصبر في الباقي
ــــــــــــــــــــــــ
فارس:(فتح باب العربيه و ركبني و شكلو متغير شدييد)انتى جيتي هنا لشنو ي نرمين😡(كان بصرخ بصوت عالي)
نرمين:فارس روق انا قلتا ليك ..
فارس:لا قلتى لي لا زفت😡(و بقا سايق سريع و انا قربتا ابكي من الخوف ..)
نرمين:فارس حسي حصل شنو عشان تزهج كده فهمني بس💔
فارس:حصل اني م بحب الكذب ي استاذه😡
نرمين:انا م كذبتا .. طيب شوف ..(و بقيت بعاين ليهو و ملاحظه انو بقا يعرق بصوره خياليه و يدو كان بترجف و عروق جبهتو ظاهره ..)فارس الله يرضا عليك وقف حسي ح نعمل حادث و نروح فيها الأتنين ..
فارس:انتى قايله اني ح اخليكي؟!..نموت سوا لكن م بخليكي!
نرمين:ي فارس قول بسم الله ماف زول ح يخلى زول بس انت روق شويه
فارس:كنتى عايزه تشوفي الدكتور صح!عشان تخليني؟..
نرمين:دكتور منو
فارس:هو اصلا كذاب و انا كويس
نرمين:..
فارس:انا م عملتا حاجه ي نرمين و انا بحبك😢
نرمين:طيب انا كمان بحبك بس انت وقف و خلينا نتفاهم شويه!..
فارس:(وقف العربيه و كان برجف بطريقه خياليه انا طوالى مشيت عليهو و فتحتا الباب و بقيت بمسح ف عرقو بمنديل و طلعتا مويه شربتو ..)انا م عايزك تمشي انتى فاهمه؟!..
نرمين:انا م ح امشي ي فارس
فارس:فراس م بحبك بس انا بحبك
نرمين:فراس منو؟!..
فارس:انا م عارف هو ليه م بحبك .. بس انا م بسمع كلامو هو دايما اصلا بعمل عكس الكلام الأنا بقولو بس ح يحبك لمن يتعرف عليكي اكتر و يقعد معاكي اكتر !..هو بس م بقعد معاكي م عارف ليه!..
نرمين:(بقيت بعاين ليهو و م فاهمه حاجه ..)طيب ح يحبني بس انت روق شويه!..
فارس:انا قلتا ليهو انو ف حياتك و حياتي غير نرمين م ح يكون في هو عشان كده كان زعلان ..
نرمين:...
فارس:ح اعرفك عليهو ، انا متأكد انكم ح تتفاهمو .❤
نرمين:طيب قوم و اقعد هناك عشان اسوق انا
فارس:(نزل و قعد ف الكرسي التاني و كان بعاين لي زي الشافع ، و انا ركبتا و قلبي ف يدي و بقيت بسوق و م عارفه ح اعمل شنو و لو كان المفروض احكي ليوسف و لا لا !..
بس الدكتور هو واحد من المفاتيح الضروري نصل ليها ..)
وصلتو بيتو و نزلنا و طلبتا ترحال و بقينا واقفين قصاد البيت ..
فارس:نرمين
نرمين:ايوا
فارس:(نبره صوتو اتغيرت و بقا جادي ..)انا كنت زهجان و تعبان عشان كده اتكلمتا معاكي قبيل بالصوره ديك
نرمين:م مشكله
فارس:ضغط الشغل و انتى و قصص التحقيق خلتني م اعرف أتصرف ، و الدكتور الشفناهو هناك ذكرني بأهلى عشان كده كنت ببكي و متوتر ف العربيه ..
نرمين:(كنت بعاين ليهو و مركزه فيهو شدييد و هو بتكلم ..)فراس ده منو طيب؟!..
فارس:فراس!..و منو جاب سيره فراس ده؟!..شكلك من الخوف بديتي تخرفي بس
نرمين:أخرف!..
فارس:اى
نرمين:امكن😊
وقفتا معاهو لمن بتاع ترحال ده جا و ركبتا مشيت و الطريق كلو بفكر لمن حسيت انو راسي ح ينفجر ..
فجأه تلفونى جات فيهو رساله من رقم غريب فتحتها لقيت دى نور صحبت سحر مرسله لى ف الوااتس ..
طوالى ضربتا ليها ..
