الرواية قيد الكتابة... عشان كدة شيلوا الصبر فالباقي كل يوم حلقتين
ــــــــــــــــــــــــ
بعد ربع ساعه كده عمر جا كان شاب كده ظاهر عليهو نهاية ال كم و عشرين و شكلو محترم شديييد ..
عمر:انا بجد اسف لاني جيتك بالطريقه دي بس انا فعلا لازم اتكلم معاك
نرمين:م مشكله .. قول ف ايه
عمر:ح اطول عليكي شويه بس حاسس انو لازم احكي ليكي و متأكد انك ح تساعديني ..
نرمين:ان شااء لله لو بقدر ح اساعدك!..
عمر:شهد دي كانت حبيبتي ، او بطريقه تانيه هيا كل حاجه ف حياتي❤
نرمين:..
عمر:قصتنا كانت حلوه كنا مرتبطين لينا 6 سنين و سبنا بعض قبل كم شهر !..
م بنكر انى بتاع بنات و غياظ و مفترى و كل الصفات الكعبه فيني بس كمان م ح انكر اني بعد شفتها اتغيرتا 180 درجه ..
فجأه نفسي أتسدت من كل البنات و أتفتحت ناحيته هيا بس ..
فجأه بقيت بشوفا أحلى وحده رغم انو جماله عادي !..
بس كل محب بيرى بعين قلبو و انا بشوفه من قلبي بس ..
كنت بفرح لفرحه و بزعل اكتر منها لزعله !..
انا الكنت بقول عمري م ح ألتزم و اعرس لقيت نفسي بجهز ف بيتنا ..
شفتا فيها الأم و الحبيبه و رفيقه الدرب الطويل ..
شفتا فيها ملامح سمر بتي و فارس ولدي ..
شفتا فيها حياتي الجايه و نسيت تفاصيل كل حياتي الفاتت !..
بس عارفه المشكله كانت وين؟!..
انها كانت بتشوف فيني بس حياتي القديمه !..
دايما بنتشاكل بسبب علاقاتي القديمه و بسبب حاجات هيا بتسمعه عني ..
م ح اقول هيا غلط بس احنا و الله كشباب بنتغير و و الله لمن نحب بنحب بجد ..
بس .. هيا م فهمت ..
جات فتره و مشاكلنا كترت شدييد و قررنا نسيب بعض بس يشهد الله م ضقته بعدها راحه و لا الدنيا بقت لى دنيا من مشت!..
م عايز اطول عليكي بس انا عرفتا بالحصل معاها و عرفتا انو العمل كده خطيبها !..
و لأنك واقفه معاها و بتساعديها عايزك تخليني أشوفه!..
هيا عملت كده و مشت خطبتو عشان تغيظني .. بس هيا لسه بتحبني و انا متأكد انو بعد تشوفني ح تبقا كويسه ..❤
نرمين:(بقيت بعاين ليهو بأستغراب و عيوني دمعت ..)و ليه ح تعمل كده؟!..
عمر:عشان لسه بحبها
نرمين:يعني ..
عمر:اي ح اخذا و اقلعا من اهلها قلع و أعرسه !..
نرمين:بجد؟!..يعني .. ح تعرسه بعد الحصل؟!..
عمر:هيا م كان عندها ذنب بالحصل !...و بعدين انا م بسيب البت البحبها و هيا محتاجه لي .. ح اقيف معاها و ح ارجعا شهد النكديه البتنق اليوم كلو ..❤❤
نرمين:(بقيت بضحك و دموعي نزلت من غير احس ..)م كنت متوقعه لسه ف حب كده💔ياخ بجد انت عسل❤ح اساعدك طبعا و بجد م عارفه اقول ليك شنو!..كبرتا ف نظري شدييد
عمر:تسلمي بجد❤و بجد ربنا يجبر بخاطرك و يساعدك زي م وقفتي جمبه شهد❤
نرمين:شهد زي اختي و ح افضل جمبها لمن تبقا كويسه!..
عمر:خلاص شوفي متين ممكن اشوفها و اضربي لي ف الرقم الضربتا ليكي بيهو
نرمين:تمام❤❤
عمر:يلا سلام
نرمين:الله معاك ..(بقيت بعاين ليهو و هو ماشي و بتذكر كيف كان بتكلم عنها ؛ ي حظها بيهو ..❤)
ف نص سرحتي تلفوني ضرب لقيتو فارس ..
فارس:م عايز أعذار مستنيكي ف الشركه سريع سريع (و قفل الخط ..)
نرمين:ي ربي من المجنون ده كمان😂(طلعتا و نسيت زاتو الراجل الكان مفروض يجي اول م وصلتا الشركه البواب أداني ورقه قال لي افتحيها و أقرى المكتوب فيها بعدين أدخلى !...)
شلتها بأستغراب و كان مكتووب :
"أُحبك وكأنك إِطْمِئْنان هذهِ الأرض."❤
عاينتا ليهو بأستغراب و هو م كان بعاين لي اصلا دخلتا جوه كان ف وحده ف الريسبشن ادتني ورقه برضو و كانت بتضحك فتحتا لقيت مكتوب :
" أنتِ جميلة جداً، تُزهرين كل مكان تمرّين به" 💜
بقيت بضحك و مشيت مسافه تاني ف واحد جا ادني ورقه ..
" في حين أن هذا العالم كان ينهار من حولي
كُنت اقتبِس من وجهك طمأنينتي "💙
تاني مشيت و بقيت م عارفه اعمل ايه من الفرحه😂❤
جات بت تاني ادتني ورقه ..
"بتكيف بيك ياا كيف دنياي يا فرح الروح يا حقي برااي "💛
بقيت كل م امشي كل م يجي واحد من الموظفين يديني ورقه😂و اخر وحده كانت :
" كُل الطُرق تؤدي إليك ، أنــــت روما الخاصة بي "💜
لمن م وصلتو ف المكتب كان واقف قصاد الباب و بغني لمصطفانا و بقول :
فارس: تمشي وين الخطوة عنِّك ما الزمن بالحب بلاكِ و ابتلاني "♥️.
وفي الزعـل قال : " اصلو غير عينيك وحاتك ، ما في للأفراح معاني "♥️.
نرمين:و الله انت مجنون و و الله انا بحبك ي مجنون انتا😂❤❤
فارس:ياخ انا زاتي م عارف نفسي مالى لكن بحب اعمل ليك كل الحاجات المميزه الفي الدنيا❤❤
نرمين:انت اكتر حاجه مميزه ف حياتي و الله❤❤
فارس:م تخجليني😂😂ادخلى جبتا ليك حاجه بتحبيها
نرمين:(دخلتا لقيت بيتزا و بيبسي طوالى قعدتا و بقيت باكل و هو قعد ياكل معاي و يضحك😂بقيت بحكي ليهو قصه شهد و حكيت ليهو عن عمر و هو بس بسمعني❤من الحاجات العمري م ح اقدر اسيبه هيا اني احكي ليهو تغاصيل يومي ، لازم يكون ف كل حاجه لانو كل حاجه .❤)
قعدتا معاهو و الوقت جرى من غير احس بعدها طلعنا عشان يوصلني البيت و ف الطريق تلفوني ضرب كان الرقم الضرب لي اول مره خفتا ارده و أتلبشتا و صمتا التلفون طوالى ..
فارس:ده منو؟!..
نرمين:و لا زول
فارس:كيف يعني و لا زول؟!..
نرمين:وحده من صحباتي و انت عارفني م بحب اتكلم معاهم
فارس:اها .. المهم ح نقيف هنا شويه عشان عايز اجيب حاجه من واحد و بجي م بتأخر عليكي
نرمين:تمام ..(اول م نزل رجعتا للرقم ..)الوو
_ايوا ي بتي كيفك
نرمين:الحمد لله ..
_انا بجد آسف لأني م جيت بس حصلت معاي ظروف و م قدرتا اجى
نرمين:انت اصلا منو؟!..
_لو م عندك حاجه ممكن اشوفك المساء؟!..
نرمين:(سكته ..)
_م تخافي و الله الكلام لمصلحتك و طبعا يحبذ لو م قلتى لفارس بالبحصل ده
نرمين:انت ليه م بتقول كلامك بالتلفون؟!..
_لانو الكلام العايز اقولو م بتقال بالتلفون!
نرمين:طيب بس دي اخر مره .. ح نتقابل وين؟!..
_نفس المكان الليله الساعه 8 !
نرمين:تمام (و قفلتا الخط و مع قفلتي للخط فارس فتح الباب و انا اتخلعتا ..)خلعتني ياخخ💔
فارس:و تتخلعي لي؟!..
نرمين:م عارفه يعني اتخلعتا بس
فارس:اممم(ركب و كان ساكت و سايق ..)بعدين نطلع؟!..
نرمين:نطلع وين!..م بقدر
فارس:ليه؟!..
نرمين:ابوي ح يضايق لو شفنا بعض كتير عشان كده
فارس:يعني قاعده ف البيت الليله؟!..
نرمين:يب
فارس:تمام😊
" كنت انت جميع أشيائي الجميله بعيدا عن فوضى الحياه ، كنت انت من يجعلني سعيده رغم جميع الأشياء السوداويه كنت انت النور .."💛
