نرمين:بجد نفسي أساعده بس م قادره
روحيه:انك قعدتيها بعيد من اهلها دي اكبر خدمه ممكن تعمليها ليها .. و م تخافي هيا محتاجه فتره و بعدها يادوب تحاول تطلع من ال هيا فيهو
نرمين:ان شااء لله❤
روحيه:يلا انا ح امر ع ابوك اقول ليهو حاجه و ماشه
نرمين:تمام❤(و دخلتا الغرفه رقدتا و بقيت بفكر لو اكلم يوسف عن الراجل الضرب لي بس تاني قلتا احسن اشوفو اول عايز ايه ..
مسكتا تلفوني رسلتا لي نور صحبه سحر ربنا يرحمها و نمتا طوالى ..)
تانى يوم صحيت من 7 ع صوت ابوي بقول لي قومي ..
قمتا مخلووعه و مشيت معاهو بره ..
نرمين:ف شنو ي ابوي
محمد:يوسف قاعد تحت و اهل البت تحت و الدنيا قايمه و قاعده
نرمين:ليه ف شنو م فاهمه
محمد:امشي غسلي وشك و تعالى
نرمين:تمام(دخلتا الحمام غسلتا وشي و لبستا لي توب و نزلتا تحت طوالى لقيت البيت مليان و حرم بتبكي ..)
حرم:انت ي اسماعيل كيف يعني ساكت كده و مصدق الكلام ده😭😭م حصل و الله هو كذاب!
يوسف:ي جماعه دي المكالمه و اظن كلكم سمعتوها!..
اسماعيل:م قادر استوعب ..(و مشا عليها مسكا من شعرها قوي و هيا بقت بتصرخ ..)
حرم:اسماعيل و الله ديل كذابين😭😭😭
اسماعيل:تعملى كده ف اختي؟!..و لشنو يعني؟!..😡😡عملت ليك شنو هيا😡م حرام عليكي ياخخ💔
يوسف:مشاكلكم العائليه دي حلوها ف البيت انا حسي عايز اعرف احمد ود عمك ده وين؟!..احسن شي هو ممكن يعملو انو يجي يسلم نفسو براهو ..
حرم:😭😭م عارفه
اسماعيل:..(عايز يدقها جا يوسف مسكو و اخوانو بقو هايجين و بصرخو كلهم ..)
مصطفى:اصلا كل الحصل ده حصل لأنك دخلتا وحده زي دي بيناتنا!..لو كان سمعتا وصيه ابوي و م اخذتا الحيوانه دي م كان وصلنا هنا😡
اسماعيل:(سكت)
مصطفى:مش قالو ليك هيا م نافعه و قالو ليك ح تعمل ليك مشاكل؟!.. شفتها عملت شنو؟!..جابت ود عمها حبيبها بيناتنا ع اساس بحب اختك و عايز يعرسه!..جابتو عشان تاخذ راحته معاهو ي راجل انتا😡
اسماعيل:...
يوسف:م اظن دي غلطتو هو .. هو بس كان بحبها(و عاين لي ..)
نرمين:..
حرم:(قعدت ف الارض و مسكت رجلو)انا م كنت قايلاهو ح يعمل كده ف شهد😭😭لمن عرفتا خفتا عشان كده م وريتك😭😭عليك الله ي اسماعيل افهمني
نرمين:كأنك فالح تصرخ ف اختك بس!..و عايز تقتلا و هيا م عندها ذنب!..حسي مرتك قدامك وين انفعالك؟!..
مصطفى:شيل مرتك و امشو اتفاهمو ف البيت كفايه فضايح
اسماعيل:مرتي م عندها دخله البيت و ورقته بتصله محل م ماشه
حرم:لا ي اسماعيل اسمعنى😭الله يرضا عليك بس افهمك حاجه ..(قبل تتم كلامها ضربه كف .. طبعا كلنا بقينا نعاين مخلووعين لانو الكف كان قوي شديييد ..)
اسماعيل:ربنا يجازيك ع العملتي فيني ده !.. ربنا م يسامحك ي حرم !..(و طلع ..)
"كنت بعاين لأسماعيل و هو طالع و حسيت كأنو الراجل ده فجأه كبر 100 سنه .. معقول كسرة الخاطر بتغير شكلنا بالطريقه دي؟!...
م عارفه قصتو مع حرم ايه بس كنت متأكده انو كان بحبها شدييد و متأكده انو هو حاليا اكتر انسان بكرهة نفسو لأنو مشى وره قلبو !.."
