نرمين:انتى عارفه كل قصه ف الدنيا عندها جانب مظلم بس الحب مفروض يفوز !.. زي م عمر بحبك و اتمسك بيكي بعد ده كلو اكيد انا ح اتمسك بفارس .❤
شهد:..(عاينت لي اول م سمعت اسم عمر ..)
نرمين:امكن لو كلنا أتمسكنا بناسنا وقت يحتاجو لينا م كانت الدنيا بقت كده !...
امكن كلنا لو كان عرفنا نختار صح م كان خسرنا ف يوم نفسنا !..
م ضروري ف الحب بس لا كل العلاقات محتاجه مننا تضحيه عشان نستمر مع الطرف التاني و انا ممكن اضحى بنفسي بس م بخلى فارس ف نص الطريق !...(و مسكتا تلفوني عايزه اضرب لفارس لقيتو ضرب لى ..)
فارس:نرمين
نرمين:(طبعا هو م بقول اسمي كده ساي الا يكون ف حاجه ..)مالك .. انت كويس!
فارس:لا محتاج اشوفك عشان ابقا كويس
نرمين:طيب انت وين انا بجي عندك
فارس:ف شارع النيل
نرمين:تمام شويه و بصلك ..(و قفلتا الخط .. عاينتا لشهد لقيته بتعاين لي ..)ح امشي و اجي و اخلى عمر يجى يشوفك ، عشان انتى كمان لمن تشوفى البتحبى خاطرك ح يطيب شوويه ..❤(و طلعتا بنفس ملابسي مشيت شارع النيل لقيتو قاعد ف نفس المكان البنقعد فيهو دايما و بعاين ف النييل ..)
نرمين:(قعدتا قصادو ..)مالك
فارس:نهرب؟!..
نرمين:ي فارس انت شايف الموضوع ده هظار!
فارس:لا
نرمين:طيب ايه
فارس:نبعد من الناس ي نرمين ..
نرمين:يعني ح نسكن ف غابه؟!..أي حته نمشيها فيها ناس ي فارس .. بعدين ماف زول بقدر يكتفى بزول واحد و يسيب الناس!..
فارس:بس انتى ناسي و انا مكتفي بيكي❤
نرمين:طيب وريني مالك؟!..
فارس:(حكه لي عن قصه عائشه ..)
نرمين:طيب هيا امكن بتكذب
فارس:و امكن لا !..
نرمين:طيب عشان كده كان مفروض تقعد و تتفاهم معاها
فارس:لو طلع الكلام ده بجد بقتلا ي نرمين بقتلا
نرمين:(طبعا قال الجمله دي بطريقه جاده شدييد و انا هنا خفته و بقيت بعاين ليهو بأستغراب ..)تقتل اختك!..معقول الدم البينكم يهون عليك!
فارس:اي
نرمين:...
فارس:بقتل اي زول بحاول ياخذ مني حاجه حقتي و الشركه دي و القروش دي كلها انا تعبته فيها .. و تاني حاجه بقتل اي زول بيحاول ياخذك انتي مني لانك برضو حقتي و حتي لو انتى ذات نفسك قررتى تبعدي انا ح اقتلك
نرمين:(طبعا انا من الخوف حسيت قلبي ح يقيف ، اول مره يتكلم معاي بالطريقه دي ..)فارس م تكون كده💔الله يخليك م تكون كده
فارس:نرمين انا بدافع عن ممتلكاتى بس
نرمين:انا انسانه م املاك ي فارس ..
فارس:لا أملاك و املاكي انا تحديدا ي استاذه😡
نرمين:(قمتا من مكاني و كنت ماشه لقيتو جا مسكني من يدي قوي لمن حسيت يدي ح تتكسر ..)ي فارس يدي 💔
فارس:ليه بتعملى كده؟!..هما قالو ليك تعملى كده صح!
نرمين:هما منو ي فارس😢
فارس:ابوكي و يوسف!و الدكتور داك صح و الله م أخليهم كلهم
نرمين:ماف زول قال لي اعملى حاجه بس انت فعلا م طبيعي😢لو عايزنا نكمل امشي و اتعالج طيب ي فارس😢
فارس:(اول م قلتا كده فارس وشو بقا لونو احمر و عروق جبهتو ظهرت و بقا بعرق بصوره خياليه و مسكني أقوى من اول ..)انتى قايلاني مجنون صح😡😡زيهم ..
نرمين:فارس(و بقيت بصرخ و ببكي لانو يدي حرفيا شكلها أتكسرت ..)
فارس:انا بحححبك و انتى بتعملى كده فينى😡(ف نص الجوطه دي جا شاب كده مسكو و قال ليهو فكها انتا مجنون .. فارس طوالى مسكو عشان يدقو الا جو رجال كتار أتلمو و الشارع كلو بقا يعاين لينا انا طوالى مشيت من غير زول يحس و كنت ببكي بطريقه خياليه💔كنت عارفه انو فارس ده ممكن يتحول ف لحظه و يبقا زي الوحش بس م عارفه انو ح يتحول علي انا تحديدا !..)
