انتقام

3

اول ماكعدت من النوم خابرت ريما
_ ها عرفتي الوقت الي يجي يمها

_ يي اليوم عساس حيتغدى يمها فتقريبا ب 12 أو ب 1

_ اتأكدتي انو هي متعرف اي احد من الجيران ماريد أي غلطة

_ متأكدة لتشيلين هم هي كالت انو معدها بيهم أي علاقة ولا تعرف احد

نهيت الاتصال ونزلت جوة جان ماما موجودة
تريكت وياها

صعدت ابدل حطيت مكياج شوية قوي
واكيد لبست عدسات زرك

ركبت السيارة ورحت قريب بالفرع القبلة لبيت البنية الي سابقا رحنالها
ضليت انتظر بزاوية بحيث مو كلش مبينة
اول ماشفت سيارته بينت
انطلقت بسيارتي وصدمته بس صدمة خفيفة

راسا نزل من السيارة يصيح اصور توقعني ولد
اول مشاف اني بنية سكت
واني اول مشفته ماعرف شنو الحسيتة خوف لو شنو بس حسيت نار وصارت بقلبي
نزلت من السيارة
_آسفة كلش اعتذر منك منتبهت دخت شوية وفقدت السيطرة على السيارة

_ لا عادي لتتأسفين مصار أي شي

_ لا شلون سيارتك تأذت

_ لا مبيها أي شي مجرد خدش

أثناء كلامنا كان يتفحصني من فوك ليجوة
نظراتها المقززة خلتني أتمنى اسحلة هسة بنص الشارع

_ اكدر ادفع فلوس اذا تحتاج تصليح أو شي

_ لا مستحيل اخلي بنية وفوكاها هيج جميلة مثلج تدفع فلوس تصليح

_ماشي حكرر اعتذاري
لازم امشي

_ لا وين رايحة
اطيني رقمج اذا سيارتج شفتي بيها أي مشكلة علمود اصلحها

دخلت سيارتي ونهيت الحديث ويا
_ لا شكرا ميحتاج

اخخخ ياربي ساعدني أتحمل اشوف هذا الشكل مرة ثانية من شفت حسيت حتى غثيان صار عندي وفوكاها طريقته بالكلام ويسوي نفسه لطيف
وهو عبارة عن شيطان
اما نظراته الحقيرة فكانت شي ثاني
تمنيت افكس عينه واشفي نار قلبي
بس الشي الزين بالموضوع انو معرفني
ولو هذا الشي الي اني متوقعته انو ميعرفني خصوصا وية العدسات بس هم جان عندي شك بسيط

رجعت للبيت
اول ماوصلت
دك تلفوني
_ بشريني شسويتي ترى ميتة خوف

_ لتخافين كلشي مشى صح

_يعني معرفج اكيد

_لتخافين ولا حتى شك
بس فد يومين لازم نبدي بالخطوة الثانية
ماريد وراها ثاني بالضبط خاف يشك بشي

نهيت الاتصال ودخلت للبيت
طبعا ماما مشافتني من طلعت
_ ماما شنو وين جنتي اشو متأنقة ولابسة عدسات شكو

_ طلعنا اني وريما جانت محتاجة تشتري اشياء
وحبيت اغير شوية

طبعا قبل كنت انسانة تموت من الكذب أكره الإنسان الكذاب احس انو يكدر يسوي كلشي
بس من بديتي انفذ خطتي وإني أحس الكذبات صارت كذبة تتلو الثانية