كعدت من وقت علمود ابدي اجهز نفسيالبارحة بالليل ماخليت ماسك محطيته على وجهي بحيث الصبح اباوع بالمراية احس وجهي يلمع
دخلت للحمام عبيت البانيو مي وخليت الصابون الفوار بي ودخلت
غمضت عيني وميلت راسي ليورة
سرحت بالظلام والفراغ
يذكرني بشي قريب علية بروحي
هي فارغة مثل هالظلام متعرف تحس غير بالكره والحقد والحزنورا مدة طلعت من الحمام وبدلت
بديت احط مكياجوكفت كدام المراية آخذ نظرة اخيرة على شكلي
كنت لابسة السترة الي جابها مهنداخذت جنطتي ونزلت جوة
شفت ماما وبابا جاهزين_هاي شطالعة أميرتي
_مو احلى منك باباتي طالع عريس اليوم ناقصك بس عروسة
_والي بصفه شنو ممالية عينج
جاوبها بابا_مالية عيني وروحي وقلبي
خابرت نور علمود اشوف وين وصلوا لان اتفقنا نطلع سوة كالت مبقى شي ونوصل
دكولنة هورن وطلعنةكانوا جايين كلهم نور وزوجها ومهند وزينة
صعدنا بسيارتنا وهم بسيارتهم
وصلنا للقاعة
اول مشافني مهند _هاي شطالعة طبعا اللبس فد محليج
باوعتله بغرور _قصدك اني محلية اللبس
_ما علينا المهم طالعة حلوة
دخلنا كانت القاعة بيها هواية ناس
بقينا نسلم على الي نعرفهموراها رحنا كعدنا بطاولتنا وماما راحت وية خالتي تستقبل الناس
_اكلج هاي ليش ماكو حلوات بالعرس
_ وانت جاي للعرس لو جاي تدور حلوات
_لا طبعا جاي ادور حلوات
ورا شوية سدوا الاضوية
ودخلوا الكيك
وكاموا العرسان كصوا الكيكرحت للحمام علمود اعدل مكياجي واغسل
ورا مطلعت
_آنسة جمانة ممكن دقيقة
التفت كان نفسه صديق محمد
_نعم
_ممكن احجي وياج
_لا مو ممكن
_بس دقيقة ما اخذ من وقتج
تنهدت _اتفضل
_ممكن اعرف ليش رفضتيني من دون حتى متقابليني
يعني معطيتيني اي فرصة_أتصور عذراء كالتلك اني مرافضتك لشخصك
اني رافضة انو اتزوج هالفترة
اتمنى تتفهم موقفي
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا