أنت لن تفهَم أبدا مآذا يعني أن يثِّق بك شخص خآئِف دائما من الخُذلآن
....
وصلت للكافيه
ومترددة ادخل عبالك اول مرة رح اشوفه
يمكن لان هذا اول لقاء النا بعد الي عرفه عندي والي سويته بي
اخذت نفس طويل ودخلت
اول ماشافني ابتسملي ابتسامة خفيفة
_مساء الخير
_مساء النور عليج
كنت مترددة حتى انو اخلي عيني بعينه
_شلونج بالأيام الفاتت
_عايشة مثل مكنت قبل ومثل مارح ابقى طول عمري مجرد عايشة
تنهد _لما رحتي بهذاك اليوم كعدت افكر بالي صار قبل واعطيتج كل الحق بالي سويتي الي صار وياج شي كلش صعب وانتي لان قوية كدرتي تكملين وتوكفين من جديد
_لا اني غلطت لما مستفسرت عنك زين كانت نار الانتقام عاميتني اريد اخلص بأسرع وقت وانفذ انتقامي اني اذيتك خالد هذا شي ماكدر انكره كل مااتذكر الي سويته وياك اكره نفسي
_هذا شي راح وانتهى علينا باليوم ماريدج تحسين بأي ذنب تجاهي
سكتت
_ليش مبلغتي عن الصار لو اهلج مقبلوا
_لا بلغنا بس مكان اكو اي دليل مجرد اعرف اشكالهم حتى البيت مكنت اعرفه لان كانوا سادين عيني وانسدت القضية
_لعد شلون لكيتيهم مرة ثانية
_صدفة بمرة من المرات شفت أحمد بأحد المولات وراقبته ومن عنده كدرت اوصللكم
_احمد هو الي كايل لبشير عليج
باوعتله بأستغراب _شلون عرفني احمد وهو بالسجن
_حسب الي عرفته انو شغلات مختفية من شقة احمد بعد مادخل السجن اجوي أهله ياخذوها ملكوا اي شي فهو متخبل واخوانه هاجمين على حارس العمارة طالبين تسجيلات منو فات للشقة بغياب احمد وشايفين خطيبته وانتي ومن شوفوا التسجيل عرفج وواحد من إخوانه بعده يشتغل عدنا شافج من جيتي آخر مرة للشركة وكايل لبشير
_يي صح بوقتها اني رحت ويا خطيبته لشقته اخذت كل العقود الي عنده وفلوسه تبرعت بيهم ومن خلال الاوراق عرفتكم لما شفت لاغين صفقة ويا احمد
ضحك_احمد اني ماعرفه هم تعرفوا علي قبل فترة مما اسافر بس من رجعت عرفت طاردي من الشركة لان يختلس أموال وبعدها اشتغل بشركة ابو خطيبته الي هي شركة منافسة النا
باوعت بضوجة _انت شلون عرفت انو هو عرفني من أحمد بعدك ويا لبشير الكلب
احتدت نظراته تجاهي وبين الغضب على ملامحه _انتي شايفتني هيج شخص بلا شرف واقبل ابقى بصداقة ويا شخص شفته يريد يغتصب حبيبتي بغض النظر عن الصار هذيج المرة حتى لو بشير ممسوي هيج اني كان لغيت صداقتي بي بعد الي عرفته عن الي سواه بيج بالماضي ولو اخوية عايش كان تبريت منه
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
