يظنونها قوية لڪن لو أن احداً إحتضنها
لبڪت بشهقة أوقفت أنفاس العالم .....
كعدت الصبح من النوم
دخلت الحمام سبحت وطلعت
وبديت ابدل
وراها حطيت مكياج ولبست عدساتي
دخلت السجينة بجنطتي وطلعت من البيتتوجهت للمكان الي متفقين نلتقي بي كلي تعاي لهناك نلتقي وراها نروح سوة
وصلت للمكان شفت واكف وساند نفسه على السيارة ولابس نظارة شمسية
تقرب ووكف يم سيارتي واني نزلت منها
نزع نظارته وابتسملي _صباح الورد
ابتسمتلة _صباح النور
_يلا جاهزة نروح
_يي جاهزة
_يلا لعد امشي وراية بسيارتج
توجه لسيارته وركب واني هم رجعت ركبت ومشيت وراه
بعد مامشينا بربع ساعة تقريبا عرفت وين رح نروح
وصلنا للمكان الي كان الشركة مالتهم
نزل من سيارته واجى يمي
_ ها عرفتي وين جينا
_يي اتصور هاي شركتكم
_صح يلا تعاي ندخل
مشى ودخل واني وراه كانت ضخمة
اول مدخل كل الموظفين سلموا علي
توجهنا للمصعد وصعدنا الطابق الي بي مكتبهوصلنا يم مكتبه كان اكو غرفة صغيرة للسكرتيرة
سلمت عليه
فتحلي الباب ودخلت
كان المكتب أنيق طابعه رجولي وبي إطلالة كاملة على الشارع_ها عجبج المكتب
_كلش حلو عجبني
راح كعد على قنفة بالمكتب _ها هم بعدج مقابلة بالشغل
ضحكت _يي بعدني
ضحك وراح للفون الي على الميز اتصل بالسكرتيرة
شوية ودخل ولد شايل صينية كاملة ريوك خلاها على طاولة كدام القنفة وطلعضحكت_هاي شنو
_ريوك لعد شنو تردين تجين اول مرة ومااضيفج
يلا تعاي كعديكعدت كدامه وبدينا نأكل
_ماعندك شغل اليوم
_لا عندي بس داخل المكان يعني ماطلع
كملنا اكل
_تجين اعرفج على شريكي وصديقي
ارتبكت وحسيت بخوف يجتاح قلبي ياترى اني مستعدة لهاي المواجهة لو لا
حاولت اخفي ارتباكي صنعت ابتسامة _لا خليها غير مرة_لا ليش غير مرة هسة لازم اروحله دنتناقش بشي وانتي تدخلين وياية اعرفج علي
_لا رح تحجون بأمور الشغل ماريد اقاطعكم
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا