أنا لا أنتقم ، أنا اعيد الشخص غريباً كما كان.
....
طلعت من بيت خالد
راجعة لبيتنا
الوقح يسأل ليش رب العالمين ديعاقب نسى الي سواه بية بس والله الا اطلعه من عينه هو وجماعته القذرين
وصلت للبيت تغديت ويا اهلي
وصعدت نمت شوية وكعدت وراية روحة لحنين اخذها تتعرف على شغلها
بدلت ونزلت جوة متوجهة لشقة حنين
صعدت فوك دكيت الباب
فتحتلي وهي تلبس سترتها
_ها جاهزة
_يي يي خلصت مبقى شي
طلعوا البنات من عرفتهم هم مبدلين
_شحسوين ويا البنات من تروحين للشغل
_يبقون بالبيت مينا مو صغيرة تكدر تكدر تدير بالها على اختها
اندارت على مينا_مو صح
هزت مينا رأسها وهي تأكد كلام امها_يي ماما لتخافين ادير بالي من نفسي ومن جنو
جنى _ماما اني هم أدير بالي من مينا
ضحكنا عليها وطلعنا متوجهين للمحل وصفته الي ريما البارحة
وصلنا للمحل
دخلت ووراية حنين والبنات
_السلام عليكم
_عليكم السلام
كان صاحب المحل مبين من شكله لطيف
_اني جمانة كرايب حسام
هز رأسه_يي عرفتج صديقتج الي حتشتغل وياية مو
_يي حنين
باوع لحنين_أهلا بيج اختي
ابتسمتلة حنين بخفة
_الشغل مرح يتعبج اني حكون موجود اوقات معينة مااتواجد بيها واريدج انتي تكونين موجودة
حنين _ان شاءالله
باوع للبنات وكرص جنى من خدها_حتى هذولة الكتاكيت تكدرين تجيبيهم معندي مانع اذا ماكو مكان تخليهم بي
_لا لا عندي
_ماشي اذا تكدرين من باجر نبدي بالشغل
بدأ يحجي وياها على الراتب والوقت الي تجي بي وفهمها على الشغل شوية والاسعار
طلعنا من المحل
باوعت على حنين _ماشي خل نفتر شوية
_وين
_اريد اشتري ملابس
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا