رجعت بعدها للبيت
شفت ماما كاعدة
_وين جنتي طالعة_وين طالعة ماما غير وية ريما
_وشعدكم هيج من الصبح
بنتي لتخوفيني عليج_لتخافين ماما ماكو شي
_زين دوامج شلون
ليش مدا تداومين يعني بنتي العالم تتمنى الشغل وانتي عايفته_لا والله ماما اصلا كلش عاجبني ابدي اشتغل ححاول هالايام ابدي اروح
_اذا معاجبج الشغل الحكومي
ابوج يفتحلج صيدلية وتكعدين بيها واذا تردين خلي وياج ريما
وانتي خلصتي من السنة التدرج من ابوج اتفق وية صديقه تكضيها ببغداد مترحين محافظات يعني تدربتي شوية_لا ماما بعد وكت اشتغل بالمستشفى اول شئ بعدين وادرب زين بعدين اذا فكرت عود افتح
_ماشي حبيبتي يلة روحي بدلي وتعاي
رحت بدلت ونزلت يم ماما
_شحسوين غدة عاجبني اساعدج اليوم
_انتي شعاجبج تأكلين
_شنو رأيج نسوي دولمة
_ماشي نسوي بس تطول فكومي اكليلج لكمة
اكلت شوية جبن وبدينا نحضر اني وماما
خلينها على النار
_ماما حروح اسبح واجيمن نزلت شفت بابا جاي من الدوام
بدينا ناكل
_اليوم الدولمة طعمها غير احس اكو ناس ايدهم ضايفتلها طعم طيب_هاي مثل كل مرة بابا بس اشارك بأكلة راسا تعرف
_ها محمد شقصدك اني اكلي مطيب
ضحك بابا وكاللها
_انتي وين اكو مثل طبخج اثنين ماستطعم الاكل اذا مو من ايدجبعد ماكملنا اكل صعدت فوك نمت شوية
كعدت على صوت التلفون
_ها ريوم_شنو جوج نايمة
_شصار وياج اليوم مخابرتيني
_هسة خل اكوم اصحصح واحجيلج
_لا كومي بدلي خل نطلع ضايجة ومنها هم تحجيلي الي صار بالتفصيل
_ وين تردين نروح
_عاجبني نروح لمول......
سديت التلفون وياها
بدلت ونزلت جوا جانوا اهلي نايمينبعد ماوصلت ودخلت للمول جان ازدحام كلش
اتصلت بريما وعرفت وين كعدت ورحت للمكان_ها بشريني صار
حجيتلها كلشي بالتفصيل
_جوج دربالج على نفسج لتخوفيني عليج
_والله ماكو شي لتخافين بعدين اني مااخذ خطوة الة انتي تعرفيها
اليوم ماما رزلتني على مدا اباشر بالشغل
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا