لا أستطيع ان اوضح الأشياء التي اشعر بها تجاهك ولكن أستطيع قول كلمة واحدة وهي انك غيرت عالمي
....
جمانة
فتحت عيوني بصدمة لما وخرت ايده من وراه وشفت الدم ملأها
همست بضعف _خالد
ابتسملي بتعب _دربالج على نفسج
باوعت حوالية وشفت الناس بدت تلتم
صرخت_احد يتصل بالأسعاف بسرعة
شفت بعضهم طلع فونه واتصل
ماكو اخذه اني جسمي كله يرجف مستحيل اكدر اسوق هيج
نزلت نظري عليه والدموع مالية عيني _خالد الله يخليك تحملحسيت عيونه بدت تذبل وبدأ يفقد الوعي من الدم الي فقده
هزيت خفيف وهو بحضني _خالد ابقى وياية جاوبني لتغمضسمعت صوته همهمة حسيت بأرتياح شوية يعني بعده مافقد الوعي
باوعت لظهره وشفت الرصاصة مخترقة كتفه ورصاصة ثانية بخاصرته حطيت ايدي على شفايفي بقهر واني اكتم شهكاتي
رجعت باوعته وهمست_خالد دتسمعني
بس مشفت اي جواب
صرخت _خالد جاوبني الله يخليك
مكان اكو اي جوابباوعت حوالية _وين الاسعاف ليش محد اجى لهسة
احد الواكفين_والله اتصلنا بس ماكو
قررت اجازف واخذه اني _بس شيلوا للسيارة اني رح اخذه
احد من الي واكفين _اني اخذكم بين ماننتظر الاسعاف الرجال يموت وانتي متكدرين تسوقين
تقرب مني الرجال ووياه شخص ثاني وشالوا خالد
_على كيفكم لتلزمون كتفه
حطوه بالمقعد الخلفي لسيارتهم واني وياهم خليت رأسه بحضني
_الله يخليك أسرع
_ماشي ماشي بس اهدأي
مستحيل اكدر اهدأ الدموع موكفت من عيني واني اشوف بس نفس ومدا يجاوبني ولا كلمة بس الي كان مصبرني نبضه موجود
خليت كصتي على كصته _خالد بداعتي جاوبني
حسيت رمش عينه تحرك
وصلنا للمستشفى ونزلوا بسدية وطب للعمليات
المستشفى مكانت نفسها الي اداوم بيهاطلعت فوني واتصلت برقم اخته الي اخذتها منها بالمهر
_هلو جمانة شلونج
_ريام انتي وين
فزت_شكو شبي صوتج
_اتصلي بوالدج خل يجي للمستشفى
_شكو شصاير
_خالد تصوب
عاطت_شنو شوكت هالحجي
_ريام الله يخليج بدون أسئلة
اعطيتها اسم المستشفى وسديته
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا