-ان تخسر شخصاً بسبب الموت اقل إيلاماً من خسارته لإنعدام الثقة
الموت يقضي على المستقبل فقط ، لكن الخيانة تقتل الماضي أيضا.
....
_كلامج صح رحمة تعرفين يعني شنو يعني احد يريد يموتني
_اسمعني خالد هدأ نفسك
_شهدأ مدا اكدر استوعب شلون يوصل سم لأكلي مدا اكدر
_خالد روح للكافيه الي نلتقي بي وهسة اني جايتك انتظرني ولتسوي اي شي او تكول لأي احد
_ماشي
كمت من الفراش وشفت ريما هم كاعدة
_شهالازعاج هذا من الصبح شيريد هذا
_عرف بسالفة السم وكلش متعصب ومنهار
رفعت رأسها من المخدة _تشاقين لج بس لا عرف انتي مسوية هيج
_لا لا معرف هسة اني رايحتله وراها اروح لبيتنا
دخلت الحمام غسلت وجهي وطلعت بدلت ملابسي
_يلا عمري اني رايحة
رفعت ايدها من الفراش _مع السلامة جوج
ورجعت تغطت
توجهت للكافيه شفت كاعد وجهه احمر ومبين كلش متعصب
_صباح الخير
_صباح النور
_احجيلي شصار بالضبط
_رحت للمستشفى الصبح علمود اسوي تحليل اعرف شنو سبب الي صار البارحة كنت متوقع مثل ماكتلج تسمم غذائي وانصدمت من كالولي لا هذا سم
_ومنين ممكن يجي السم الك
_اخذت وياية الاكل مثل ماكلتي وعرفت السم كان موجود بالعشة
فتحت عيوني واني امثل الصدمة_معقولة
_يي مثل ما انتي توقعتي بالضبط
_اني البارحة لما رجعت للبيت وفكرت بالموضوع شفت كلامي ممعقول انو مستحيل يوصل سم للاكل يعني الصراحة حسيت تسرعت بتفكيري وهسة انت تجي تصدمني انو تفكيري صح
فرك وجهه بأيده _ماعرف رحمة ماعرف حتى تفكير مدا اكدر افكر مدا استوعب الي صار
باوعت علي بتركيز _خالد خل نحجي بصراحة
استغرب من نبرتي_شنو
بنبرة متسائلة_انت عندك اعداء
جاوبني بسرعة _لا ماعندي
_لتجاوبني بسرعة فكر شوية مشاكل بالشغل مشاكل بحياتك احتمال حتى شي انت ممتوقعه
هز رأسه بالنفي_لا ماكو اصلا اني مو من نوع احب مشاكل وعداوة ويا احد
باوعتله بحيرة_ماعرف خالد دا احاول افكر بكل الاحتمالات بس انت تكول انو هي غلط بعد مادري شنو الي صار
سكت ومجاوبني
_بهاي الحالة يبقى عدنا احتمال واحد
_شنو هو
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
