أتساءل عما يخبئه الماضي لنا
فرانسواز ساغان
.....
كاعدة وعيوني متوسعة واني اشوف صورة أكثر اثنين اكرهم بحياتي وية أحمد شكد دورت عليهم من لكيت أحمد اليوم واني ادور اي شي ممكن يربطة بيهم بس ملكيت
بدأت دموعي تنزل لا إرادياً ورجعت بذاكرتي لأسوء يوم بحياتي
قبل ست سنوات
القيت نظرة اخيرة على شكلي بالمراية
فستاني بسيط وحلو ومكياج خفيف راهم بعمري
نزلت جوة
_ها ماما منو حيوصلني ترى تأخرت
_ابوج يوصلج لان حيطلع فبطريقة بس الرجعة نشوف لو هو يجيج لو السايق
طلع بابا من الغرفة
_يلا بنتي امشي
طلعنا من البيت ووصلنا لبيت صديقتي كان عيدميلادها اليوم وعزمتنا
فتحتلي الباب
_جوج وآخيرا اجيتي
_كل عام وانتي بخير حياتي
تفضلي واعطيتها هديتها
_حياتي كلفتي نفسج
كانت الأجواء كلش حلوة ولطيفة
تونسنا اكلنا وركصنا وأخذنا صور
دكت علية ماما
_ها جمانة خلصتوا ترى تأخر الوقت هم يلا
_يي ماما خلي بابا يمر علية
_لا ابوج ميكدر رح ادزلج السايق
بقيت كاعدة انتظر لحد مايجي السايق
اتصل علية السايق اتصورت انو هو بالباب
_ها عمو اطلعلك
_والله بنتي مدا اندل البيت بالضبط
بقيت اوصفلة المكان بس ماندلة
_ماشي عمو اني حطلعلك على الشارع
ودعت صديقتي وطلعت اتمشى لرأس الشارع كان الشارع فارغ مابي ناس
أثناء مااتمشى فاتت من يمي سيارة بيها شباب وصوت اغاني ويشمرون كلام
_ياحلوة ممكن
_صعدي نونسج
_يلا لتعبينا
اول ماشفتهم بديت أسرع بمشيتي علمود اوصل للشارع اقلهة اكو ناس ومانداريت ابد عليهم
ماحس الا نزل شخص من السيارة وركض علية شالني وهو يخلي ايده على حلكي علمود ماعيط هنا حسيت قلبي وكف عرفت انو هذا حيخطفني
شمرني ليورة وكعد يصفي كانت السيارة تفوح منها ريحة غريبة
ومشت السيارة سريع
اول ماوخر ايده عيطت بعلو صوتي
ماحسيت الا براشدي قوي على وجهي
_صوتج لج ساقطة
صرخت بعلو صوتي _كلب حقير نزلني عوفوني اريد انزل
كانت اكو تيشرت مشمور بكاعية السيارة اخذه وشكه وعصب بي عيني واني ادفع بي
_حيوان دا اكلك نزلني وين مأخذيني
بقيت اعيط ودموعي تنزل بضعف وخوف
_لك أحمد اطيني المسدس مالتي
محسيت الة بطرف المسدس على راسي
_صوتج اذا سمعته أفرغ هذا براسج صايرتلي شريفة مو وانتي طالعة بالشارع وحدج وبالليل الله يعلم وين جنتي ساقطة
حجيت واني اشهك _والله جنت يم صديقتي وهسة جان السايق
قاطعني _انجبي لج لتحجين شي صوتج ماريد اسمعه
_الله يخليك نزلوني والله ماكول لأي احد عنكم والله بس عوفوني
سمعت صوت جاي من كدام _هاي شبيج ياحلوة ليش هيج مصعبتهة شوية ونرجعج
صرخت_دا اكلكم رجعوني عوفوني كلاب
ضربني الي كاعد يصفي _لج انتي ليش لسانج طويل اكصة الج هسة مو كتلج اذا سمعت صوتج افرغ المسدس برأسج
دموعي تنزل بضعف_فرغه قابلة بس لتأخذوني الله يخليكم
حط المسدس برأسي _هسة مخايفة يعني
_لا اضربني بس عوفوني ابوس ايديك ماكول اي شي وشتردون اعطيكم
_اخ فديت هاي الشفايف الي تحجي نعوفج بس مو هسة خل نتونس وانتي هم تتونسين
صرخت _كلب حقير ماعندك خوات
ضربني راشدي وجر شعري _لج ساقطة لتجيبين سيرة خواتي شعندج طالعة بنص الليل
حسيت السيارة وكفت شوية
وراها تحركت وانركنت
جرني للي كاعد بصفي واني ادفع بي _وخر كلب مانزل
شالني واني اصرخ ودخلني جوة وفتح العصابة من عيني كانوا ثلاثة
_الله يخليكم رجعوني رح انسى كلشي ولا كأنوا عرفتكم وشفتكم والله وحتى اذا تردون فلوس اعطيكم بس عوفوني
تكلم نفسه الي كان كاعد يمي _لج عشيرتج كلها اشتريها انتي تطيني فلوس
كام من مكانه واجى علية وجرني _يلا كومي
صرخت _لا لا عوفني الله يخليكم وخروا
سمعت صوت ضحكهم
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا