إحداهن تقول: "عندما كنت حزينة.. أخبرتهُ بأنني لا أرغب برؤيته، فأطفأ الضوء وبقي بجانبي."
....
خالد
طلعت متوجه لبيت اهلي بعد مااتصل بية والدي البارحة وهو متعصب من موضوع إلغاء الشراكة
استقبلتني امي وهي تحضني
_وينك حبيبي ليش هيج كاطع بينا
_شسوي امي ملتهي بالشغل وانتي تدرين كل مااجي لازم انغث
_اتحمل حبيبي هذا هم ابوك ترى
تنهدت _متحمل امي متحمل
مسحت على زندي _حاول لتجادله بالكلام ترى صار يومين كلش متعصب من عرف بالموضوع
_ماشي
دخلت للصالة شفته كاعد على القنفة والعصبية مبينة بوجهه
اول مشافني
_بعد وقت صار يومين اخابرك حتى تجي
_اعذرني يابة كان عندي شغل
_اكدر اعرف ليش تريد تفض الشراكة ويا صديقك
_هالشي حيريحني أكثر بالشغل
_هذا الكلام ميمشي وياية اعطيني سبب مقنع يخليك تفض شراكة سنين شراكة سويناها حتى قبل ما انت تنولد
تنهدت_ماكدر اشتغل بعد ويا هذا كل الي اكدر اكوله
صرخ _وليش مأخذت رأيي قبل ماتخطي هيج خطوة
_لان اعرف انت حترفض لهذا مكتلك
_يعني انت ناوية تعاندني وتتحداني اذكر زين هاي الشركة بأسمي اني واني الي احدد شنو يصير بيها وشنو ميصير
_ماشي مادام شركتك اني عايفها الك وراجع اكمل بشغلي برا وانت شسوي الي يعجبك بشركتك
امي_ابني اهدأ ابوك ميقصد
_لا لا عوفي لهذا العاق خل يكمل اني اعرف بنفسي انكسرت بيوم الي مات سندي اعرف بهذا مرح يجي يوم ويسندني طول عمره شالع قلبي
ضحك بأستهزاء _يي صح سندك الي كان يجي بالليل يطوطح ميكدر يسند روحه
عاط _لك حقير شلون تحجي على اخوك المتوفي هيج
_شحجيت كذبت يعني محجيت غير الحقيقة
_امشي اطلع برا ماريد اشوف خلقتك
_تدري اني مالومه هو لا الومك الك محد وصله لهاي الحالة غيرك انت محد خلق منه هيج انسان غير دلالك الزايد
_دا اكلك اطلع برا
كمت من مكاني ووكفت كدامه _قبل كان عبالي مأذي بس نفسه بس طلع لا مأذي هواية ناس والسبب الرئيسي هو انت
أنت تقرأ
انتقام
Mistério / Suspenseاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا