كعدت من النوم
كانت الساعة تقريبا ب ٦ وشويةبدلت ونزلت جوة
شفت ماما هسة راجعة للبيت
_ها جوجو رايحة لريما
_يي والله ماما اريد اشوفها كلش قلقة عليها
صديقاتج شلونهم_الحمدلله كلهم يسلمون عليج
صعدت بالسيارة وتوجهت لبيت ريما
فتحتلي امها الباب
دخلت للصالة وكعدت_هلو جمانة شلونج حبيبتي
_الحمدلله
انتي شلونج خالة_والله تعرفين حالي شلون من ورا صديقتج
_شلونها يعني هاي من البارحة لليوم وهي حابسة نفسها بالغرفة متقبل تنزل حتى اكل ممأكلة من البارحة
_هاي من كل عقلها هسة خل اصعد اسحلها وانزلها
_صعدي بلكي الله يهديها
صعدت فوك لغرفة ريما
فتحت الباب كانت الغرفة ظلمة_شهالاجواء الكئيبة هاي شدتحسين هيج مسوية
مجاوبتني كانت بالفراش ومغطية وجهها
رحت للفراش وخرتهة من وجهها
رجعت رجعتة_كومي لج شهالسوالف مال مزعطة هاي
_ماريد اكوم ليش اكوم
_ها يعني احنا منستاهل تكومين علمودنا اني وامج واهلج منستاهل هيج تقهرينا عليج
لو تشوفين امج خطية شكد ضايجة عليج ليش هيج تسوين بيهاكامت تبجي _واني ليش هيج يصير بية
_ليش شصار بيج يعني هاي كلنا حواليج ومسانديج وحتى اياد مستعد يتحدى امه علمودج
ريما كافي ماحب اشوفج بهالضعف هذا ابد
انتي شايفة الي صار بيج كارثة ترى هذا ابسط شي ممكن تتعرضلة البنيةسكتت مجاوبتني
_يلا كومي نأكل
_ماريد
_ ومنو كلج الج اني اريد جوعانة ممتغدية لو هيج انتو تعاملون ضيوفكم حتى اكل متوكلوهم
كامت من فراشها
راحت غسلت واجتينزلنا جوة سوة
_ها حبيباتي نزلتوا
_ يي خالة حميلنا الغداء ترى اثنينا جوعانين
كعدنا بس اني وياها بالصالة
رفعت رجلها للقنفة وشبكتها بايديها وصفنت
_الصفنة مو الج حياتي لذولاك الجماعة
ضحكت
_يعني بربج الولد محارب أهله وعشيرته علمود وحدة ضعيفة مثلج
ريما باعيني لازم تسندني ترى هو هسة ماعنده احد غيرج
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا