بيني وبينك مابينَ البينِ بَينٌ
شيءٌ من اللاشيء ..
كـ قـافٍ بعد الشين ،
وماقبلها عينٌ....
_موافقة بس اريدك تكون كد كلامك مدة ونفترق
_لهدرجة ماعندج ثقة بية
_لو ماعندي ثقة بيك مكان لهسة احجي وياك
_لعد ليش هالكلام هيج اني ناقص غيرة واجبرج علية معقولة هاي فكرتج عني
_لا خالد والله مو هيج
قاطعني _كافي جمانة لتبررين كلشي مبين
المهم هسة فاتحي اهلج بالموضوع علمود ادز امي واختي عليكم
مع السلامةسده مني بدون حتى ميسمع جوابي
لمت نفسي ليش لساني فالت واضوجه بكلامي هاي فوك مدا يساعدني على حساب روحهثاني يوم
كعدت من نومي المغرب ونزلت جوة
حضرت قهوة ورتبتها
ورا شوية كعدت ماما من النوم_والله جتي بوقتها تعدل رأسي
كعدت يمي وتشرب قهوتها
ورا شوية خلت الفنجان وهي اباوع علي_شبيج جمانة اكو شي
باوعتله بأرتباك واني خايفة شلون ابدي بالموضوع _يي اكو
_شكو
نزلت رأسي واني احرك اصابعي واتجنب اخلي عيني بعينها_اكو شخص تقدملي
_صدك
رفعت رأسي _يي ماما تقدملي ويريد يجيب اهله
لمعت عيونها بفرح _هلا بيهم اذا خوش ولد ليش لا زين ماما انتي تعرفي
_يي اعرفه ساعدني مرة بشغلة واستمرت معرفتنا
سكتت شوية بعدها حجت بأرتباك وخوف من ردة فعلي _زين ماما هو يدري بالصار وياج
_يي ماما يعرف حجيتله
ضحكت _ الله يوفقكم يارب مبين يحبج وشاريج
ابتسمتله واني اكول بقلبي يي ماما صح كلامج بس منكدر نكمل
دغتني من كتفي بمزاح _جمون انتي تحبي ولج
لمعت عيوني واني اباوعلها وصارحتها بصدق مشاعري _يي ماما احبه
حضنتني _فدوة لبنيتي الي كبرت وكامت تحب وحتزوج
اتصلت بعدها بخالد واني اتفق ويا انو يجيب امه وأخته حتى نتفق
....
خالد
بعد ماتغديت ويا اهلي
كنا كاعدين بالصالة وبحضني ليان كاعدة ترطن فوك رأسي صارلهة ساعة
نزلتها من حضني علمود تروح تلعب ويا اختهاتحمحت وبعدها بديت احجي _اني قررت اخطب
ضحكت امي _صدك خلودي اخيرا حتفرح امك
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا