Unicode👬
ဟိုနေ့ကကျွန်တော်ပြောခဲ့တာကိုမေ့လိုက်ကြတော့ ။ ကျွန်တော်crushကိုဆက်မခွက်တော့ဘူးလို့ပြောခဲ့တာကိုမပြောခဲ့ဘူးလို့ပဲထားလိုက်တော့ ။ ဘာလို့လဲဆိုတော့ အဲ့နေ့ပြီးတော့နောက်တစ်နေ့ကိုကိုကကျွန်တော့်ဆီကိုရောက်လာတယ် ဟိ ။
"ဟေ့ ဟိုပေါက်စလေး လာဦး"
အဆောင်ရှေ့ကိုရောက်ခါနီးမှcrushရဲ့အသံကိုကြားလိုက်ရတယ် ။ ကျွန်တော့်ကိုခေါ်မှန်းတော့မသိပေမဲ့ အသံကြားတော့လှည့်ကြည့်မိတယ် ။ သူကကျွန်တော့်ကိုလက်ယက်ပြီးခေါ်နေတယ် ။ ကျွန်တော့်ကိုခေါ်နေတာလား ဘေးနားကလူတွေထဲကတစ်ယောက်ယောက်ကိုခေါ်နေတာလားဆိုတာတော့မကျိန်းသေဘူး ။ ကျွန်တော်လည်းအရှက်ကွဲမှာစိုးလို့အဲ့အတိုင်းပဲရပ်နေလိုက်တယ် ။ သူကျွန်တော့်ဆီကိုလျှောက်လာတယ် ။ သူနီးလာတာနဲ့အမျှကျွန်တော့်နှလုံးခုန်နှုန်းတွေမြင့်တက်လာတယ် ။ သူကျွန်တော့်အရှေ့မှာရပ်လိုက်တယ် ။ တကယ်ကိုအရှည်ကြီးဗျာ အရပ် အရပ် ။ မှောင်နေကြတာဆိုတော့သေချာပြောပြတာ ။ ကျွန်တော်သူ့ကိုမော့ကြည့်ရတယ် ။ သူ့လွယ်အိတ်ထဲကနေတစ်ခုခုကိုထုတ်နေတယ် ။ ကျွန်တော်လည်းသေချာလိုက်ကြည့်နေမိတယ် ။ ဆေးဘူးသေးသေးလေးတစ်ဘူးထွက်လာတယ် ။
"ရော့ နေ့တိုင်းလိမ်းပေးရင်အမာရွတ်မကျန်ဘူးတဲ့ ၊ သေချာလိမ်း"
Oh my god အခုကျွန်တော့်ကိုဂရုစိုက်ပေးနေတာလား ။ ကျွန်တော့်အတွက်ဆေးဝယ်လာပေးတယ်ပေါ့ ။ အခုလိုကျတော့လည်းလူသားဆန်သားပဲ ။
"ဟုတ် ကျေးဇူးပါအစ်ကို ၊ သေချာလိမ်းလိုက်ပါ့မယ် ၊ အစ်ကို့ကိုအရမ်းသဘောကျတယ် ၊ ကျွန်တော်အတန်းရှိလို့သွားတော့မယ်နော်"
သူ့လက်ထဲကဆေးဘူးလေးကိုမြန်မြန်ယူလိုက်ပြီးအဆောင်ထဲကိုပြေးဝင်လိုက်တယ် ။ သူ့အကြည့်တွေကိုမခံနိုင်တော့ဘူး ။ ရင်ခုန်သံတွေကအရမ်းမြန်နေလို့သူကြားမှာတောင်စိုးရိမ်ရတယ် ။ အတန်းတက်နေလည်းအတွေးထဲမှာမနက်ကအကြောင်းကိုပဲပြန်တွေးနေမိတယ် ။ အရမ်းကိုပျော်ရတယ် ။ တွေးလေတွေးလေပိုကြည်နူးစရာကောင်းလေပဲ ။ တခြားလူအမြင်မှာတော့ကျွန်တော်ကအရမ်းကိုပိုလွန်းနေတယ် ယွလွန်းနေတယ်လို့ထင်ကြမြင်ကြမှာပဲ ။ ဒါပေမဲ့အစ်ကို့လိုလူမျိုးကိုရဖို့ကကျွန်တော့်အတွက်အရမ်းခက်ခဲတယ် ။ အစ်ကိုကအေးတိအေးစက်လူမျိုး ။ ကောင်မလေးတွေဝိုင်းဝိုင်းလည်နေတာ ။ ဒီလိုမျိုးတစ်ခါတစ်လေဂရုစိုက်ပေးတဲ့အခါကျွန်တော်အရမ်းပျော်တယ် ။ အခုအစ်ကိုပေးသွားတဲ့ဆေးဘူးလေးကို မားတို့ကိုသွားကြွားရမယ် ။
YOU ARE READING
သူနဲ့ကျွန်တော်(Season - 2)
RomanceUnicode + Zawgyi ဒါလေးကတော့သူနဲ့ကျွန်တော်ဒုတိယတွဲလေးပါ ထူးအောင်နဲ့စည်သူရဲ့အကြောင်းလေးပေါ့ ဖတ်ကြည့်ရင်သေချာပေါက်ပျော်စေရပါမယ် ဒါေလးကေတာ့သူနဲ႕ကြၽန္ေတာ္ဒုတိယတြဲေလးပါ ထူးေအာင္နဲ႕စည္သူရဲ႕အေၾကာင္းေလးေပါ့ ဖတ္ၾကည့္ရင္ေသခ်ာေပါက္ေပ်ာ္...