Unicode👬
ထူးအောင်လေးကညဘက်ရောက်လေလေအဖျားတွေပိုပိုတက်လာ
လေသည် ။ ဒီကောင်လေးကိုပြုစုရသည်မှာလည်းအလွန်ခက်ခဲလှ
၏ ။ ရင်ခွင်ပိုက်ကလေးအရွယ်လည်းမဟုတ်တော့ခက်လှ၏ ။
ငိုလည်းငိုနေ၏ ။ ကောင်လေးကအရမ်းလည်းအီနေ၏ ။"ထူးအောင် ကိုယ်တွေလက်တွေကိုက်ခဲနေတာလား"
"အစ်ကိုကျွန်တော့်ကိုမထားခဲ့ပါဗျာ ၊ အစ်ကို့အနားမှာနေခွင့်ပြုပါ"
စကားသံလေးသဲ့သဲ့ကြားလို့ ကောင်လေးအနားသို့ကပ်ကာနားထောင်မိလိုက်သည် ။ ကောင်လေးပါးစပ်ကတဖွဖွပြောနေတာက
သူ့ကိုမထားခဲ့ဖို့တဲ့လား ။ သူဒီကောင်လေးကိုဘယ်လိုလုပ်ရမည်
နည်း ။ တစ်ညလုံးရေစိုအဝတ်ကလေးကိုနဖူးပေါ်တင်ထားပေးလိုက် ၊ အဖျားတိုင်းလိုက် ၊ နွေးနွေးထွေးထွေးဖြစ်အောင်စောင်ကိုသေချာခြုံထားပေးလိုက်နဲ့အလုပ်ရှုပ်နေ၏ ။"ထူးအောင် ဆေးသောက်ဖို့အတွက်အစာစားရမယ်လေ ၊ ထဦး"
ညသန်းခေါင်သောက်ရသည့်ဆေးပါနေသည့်အခါ ထူးအောင်ကိုနှိုးရ
ပြန်သည် ။ ကောင်လေးကနေမကောင်းတော့အရမ်းကိုအီလွန်းသည် ။ ကောင်လေးထိုင်နိုင်အောင်ဆွဲထူပေးပြီးဆန်ပြုတ်ပူပူလေး
တစ်ခွက်ယူလာပေးသည် ။"ကျွန်တော်မစားချင်ဘူး"
"အစာမရှိဘဲနဲ့သောက်လို့မရဘူးလို့ဆရာဝန်ပြောလိုက်တယ်လေ ၊ နည်းနည်းလေးတော့စားလိုက်ပါကွာ"
"ကျွန်တော်အန်လိမ့်မယ်"
"မင်းကိုယ့်အနားမှာနေချင်တယ်မလား ၊ အဲ့တာဆိုနေမြန်မြန်ကောင်းအောင်အစာစားပြီးဆေးသောက်ရမယ်"
သူဒီလိုပြောလိုက်သည့်အခါ ကောင်လေးကပါးစပ်ကလေးဟလာ
သည် ။ ဒါမျိုးကျတော့ချက်ချင်းကိုလက်ခံတယ် ။ ပန်းကန်တစ်ဝက်လောက်ကုန်အောင်သောက်ပြီးတော့ကောင်လေးခေါင်းခါလာ၏ ။"အင်းပါ ဒါဆိုဆေးသောက်ရအောင်"
ဆေးတွေလက်ထဲထည့်ပေးလိုက်ပြီးရေတစ်ခွက်လှမ်းပေးလိုက်သည်။
ကောင်လေးကဆေးသောက်ပြီးမျက်နှာလေးရှုံ့မဲ့လာ၏ ။
YOU ARE READING
သူနဲ့ကျွန်တော်(Season - 2)
RomanceUnicode + Zawgyi ဒါလေးကတော့သူနဲ့ကျွန်တော်ဒုတိယတွဲလေးပါ ထူးအောင်နဲ့စည်သူရဲ့အကြောင်းလေးပေါ့ ဖတ်ကြည့်ရင်သေချာပေါက်ပျော်စေရပါမယ် ဒါေလးကေတာ့သူနဲ႕ကြၽန္ေတာ္ဒုတိယတြဲေလးပါ ထူးေအာင္နဲ႕စည္သူရဲ႕အေၾကာင္းေလးေပါ့ ဖတ္ၾကည့္ရင္ေသခ်ာေပါက္ေပ်ာ္...