وجهزت نفسي والبنات لكيتهن مسويات حلاوة جكليتية وساعدهن بالصب وخلصنة كعدت ع التلفزيون ونسولف واندك الباب اجة بابا اخذ خواتي حتى يروحن لبيت جدي بقيت وحدي اتصلت بية نونة كامرة وكعدنة نسولف نونة باليوم الي ماتجيني تتصل بية كامرة وانة كلش فرحانة ع اهتمامهم بية ورحت للمطبخ حطيت التلفون ع الكاونتر وهية تشوفني وانة اجهز عشة ورة نص ساعة اندك الباب وسديت التلفون ورحت ركض فرحانة كلش مشتاقتلة فتحت الباب وكمزت علية وشبكتة وحسام شمر الجنطة وشبكني
حسام. شلونج حبيبتي مشتاقلج بكد رحمه الله
رهف. الحمد لله وانتة شلونك واني اكثر منك مشتاقتلك
حسام وخر عنها وضل يبوس ويشم بيها. يعني مطولين بالباب خلينة ندخل
رهف. شسوي غير مشتاقتلك
حسام حط ايدة ع بطني. شخبار بنوتتي الحلوة
رهف. هههه زينة شلون عرفت هية بنية
حسام. هيج احساسي يكول احسها بنية تشبه امها حلوة
وكعدو يسولفون وتعشو وفرحانة رهف كلش حسام مهتم بيها اكثر من قبل ومشتاقتلة ومايخلها تجيس العود
طلع حسام من الحمام وينشف بشعرة
رهف اقتربت منة وحطت اديها ع ركبه حسام. حبيبي اني ماراح ادرس هاي السنة
حسام. ليش حبي مو هذا حلمج انو تصيرين مصورة
رهف ودمعت عينها. حياتي اني حامل وماريد شي يشغلني عن طفلي اجلت هاي السنة والسنة الجاية انشاءلله ارجع
حسام. براحتج حبيبتي بس ضجت كلش هذا حلمج وامنيتج تصيرن مصورة وانتي زغيرة
رهف. شسوي حبيبي والله فرحتك تسوة عندي الكون كلة
حسام. فديتج يكلبي
رهف. فداك الكون حياتي
حسام. لا اني ما اكدر ع هذا الكلام شو تعاي وشالني وحطني ع الجرباية و...
ثاني يوم كعدت وكعدت حسام حاسة بوجع ببطني بس خفيف وكام غسل وانة رحت اسوي ريوك
ورة دقايق كملت الريوك وصبيتة باوعت ع الاكل شكلة طيب بس لعبت نفسي ورحت ركض للحمام اتقيئ (اكرمكم الله) وركض وراي حسام
حسام بخوف. شبيج حياتي اوديج للمستشفى
رهف غسلت وجهي وكلت بتعب وانتجي ع الحايط. لا حبيبي بس بطني ومعدتي توجعني هسة اصير زينة
حسام. لا مايصير هيج امشي للمستشفى
ورحت بدون ما اسمع ردها وجبت صاية ولبستها وحطيت شال شلون ماجان وهية تكول لا مايحتاج وانة اسمعها وسكتت لان اعرفها عنودية وماتروح الة هيج واخذت السيارة وطرت للمستشفى
وهناك لكيت حسين وجاب سدية وانة شلتها حطيتها ع السدية وحطوها بغرفة خاصة الها واجت الدكتورة كامت تسالها وهية كوة تجاوب وانة اجاوب عنها
الدكتورة. انتة زوجها
حسام بخوف. اي انة زوجها شكو شصاير بيها شي
بارت قصير لعيون متابعيني بس كلش مشغولة هاي الايام
