الدكتورة. لا الحمد لله ماكو شي بس هاي نساة تصير بكل حمل بس رجاءا لا تتقرب الها لحد مايثبت الطفل لان هية بعدها زغيرة والطفل كوة مثبت ولاتشيل اشياء ثكيلة والافضل ماتشتغل لحد ماتصير بشهر الثالث
حسام. انشاءلله وشوكت تطلع
الدكتورة. من يخلص المغذي تكدر تروح بس مثل ماكتلك لا تتقرب الها
حسام. اي طبعا ما ريد ااذيها
وطلعت وجان حسام وحسين واكفين يسمعون حجي الدكتورة وراح حسام كعد يم رهف
حسام. شلون صرتي حبيبتي
رهف. زينة بس معدتي بعدها تكلب
حسام. حبي اجيبلج شي تاكلينة
رهف. مااكدر اكل اريد بس عصير ريكي نشف
حسام. صار حياتي هسة طيران اروح
رهف ابتسمت. هههه واني استقبلك بالمطار
حسام. ههههه حتى وانتي مريضة يلة سماح هاي المرة انة رايح حسين انتبه لرهف
حسين. اي طبعا لاتخاف اني موجود
وطلع حسام وحسين كعد ع الكرسي القريب من رهف ورهف دارت وجهها للجهة الثانية
حسين. شلون صرتي
رهف لا رد
حسين. اسف ع موقف ذاك اليوم بس مو قصدي شي جنت مشتاقلج كلش
رهف. اسفة انة مااحجي وي الناس الغريبة ماخون زوجي ع مودك
حسين. رهف باوعي بعيوني انة صرت غريب عنج
رهف بتعب. حسين مالي خلك احجي ابوس ايدك ابعد عني ماريد مشاكل
واجة حسام وفتح العلاكة جايب عصاير وكيك وفتح العصير وشربني وانطة لحسين كيكة وعصير وانة اخذت العصير من ايد حسام وشربتة
رهف. حبي انتة ما اكلت شي من الصبح
وواحد يوكل الثاني وحسين عيونة عليهم
حسين. الله يسعدك حسام
حسام. ههههه تتزوج تتدلل
حسين. اي جني راح اتزوج حتى اتدلل مثلك
حسام. ههههههه اي يا اخي تزوج وخلصنة ترة العزوبية مو حلوة وداعتك اسال مجرب
حسين. حسام انة عندي شغل يلة عن اذنكم ماعندج غير العافية رهف
رهف. الله يسلمك خوية
وحسام كعد يسولف عن نصائح الدكتورة
حسام. رهوفة حياتي اني راح اجيب نونة لبيتنة حتى تساعدج الدكتورة منعتج عن الشغل
رهف. حبيبي براحتك شتريد تسوي سوية
حسام. اي هايهية حبي نونة تجي
ورة ساعتين خلص المغذي واجت الدكتورة انطتني مثبتات وطلعنةوطول الطريق ساكتة مالي خلك اتنفس وصلت للبيت نزعت الصاية والشال واتصلت امي وانطيته لحسام يحاجيها وذبيت روحي ع الجرباية نمت
