بعد وفاة حسام بسنتين
انة صار عندي طفلين حسن ويزن احلى توم بالدنيا يشبهون حسام بالضبط وميار دخلت روضة وحسن ويزن عمرهم سنة و٩ اشهر وانة اضم دمعتي عنهم وميار تعرف بان ابوها مات بس كتلها ماتحجي لاخوانها وهية سمعت كلامي وماكالت الهم وخالتي صار سنتين بالخارج حتى ماشافت حسن ويزن هية وحسين لان بيوم الراحت بالاربعين لحسام ومن رجعت انعمت عيونها من كد البجي وراحت لسوريا وهسة هية وحسين عايشين هناك ومرت حسين راحت لاهلها طول هاي سنتين وانة بين فترة وفترة اروح لبيتي واذكر ايامي الحلوة وياة واضل ابجي لحد مااتعب وارجع
وانة هسة عايشة بيت اهلي ولا اطب ولا اطلع ملتهية وي جهالي ولامناسبات ولا اعراس ولا اسواق بس اروح كل شهر استلم راتب مال شهداء وارجع وحتى جهالي اذا رادو يشترون ملابس او احتياجاتهم اكول لامي او وحدة من خواتي لان انة حياتي صارت ضلمة بغياب حسام والضحكة راحت اندفت وياة وجهالي انة مامنعتهم عن بيت جدهم كل اسبوع يروحون يوم يباتون بي هناك وانة اروح ابات ببيتي ويجون ثاني يوم مرات اشوف ميار تكعد وحدها وضايجة واي واحد يحاجيها هية تزعل وتصيح علية اكعد يمها واحاجيها وافهم انو هية مشتاقة لابوها
ونونة البيت وحشة عليها حتى تركت الدراسة نفسيتها كلش تعبت ومثل المصدومة لاتسولف ولاتضحك مثل قبل حياتها القديمة دفنتها صار سنتين وهية مالها خلك اي شي الي يحاجيها ترد بكلمة وحدة لو ماترد هاي نونة الجانت الي يحاجيها ترد بالف كلمة لحد مايمل من حجيها هسة صوتها كوة ينسمع من ناحية اخوها وسندها حسام ومن ناحية امها الي نعمت وماتشوف طريقها ومن ناحية حسين الي راح وي امها باختصار حياتها تدمرت
وملاك تركت الدراسة لان جانت تروح وي نونة هسة مالها خلك لاي شي بالدنيا واحلام نفس الحالة
اجيت لغرفة ابوي. بابا اريد اروح لبيت وبلعت ريكي حسام الله يرحمة
الاب. بوية انة ماريدج تروحين للبيت مااكدر اشوفج بهاي الحاله
رهف بجت واخذت ايدة اريد ابوسها وهوة وخرها. بوية فدوة ابوس ايدك خليني اروح فدوة
الاب حزن لوضع بنتة. اوف رهف يلة روحي بدلي
رهف راحت ركض ولبست عبايتها ع السريع ووصت امها ع اطفالها وطلعت هية وابوها ورة نص ساعه وصلو للبيت فتحتة بالمفتاح ودخلت وبدت
دموعها تنزل
وكفت بالحديقة تذكرت كل لحضة عاشتها وي حسام بهذا المكان تذكرت لمن هية تزعل هوة يراضيها ولمن تبجي هوة يمسح دموعها دخلت للصالة
وكلشي مر بالي مثل الشريط تذكرت كلشي وكعدت بالكاع ابجي واصيح لحد مادك تلفوني جاوبت وانة ابجي
نونة. الو رهف شخبارج
رهف. الو نونة انة مو زينة
نونة وهية تبجي. انتي بيتج
