لبست بدلة احمر ناري كلش وسوينة مولد ودك وركص واني كلش فرحانة
وحسام
جايب فرقة ودك وركص واخوانة كلهم وياة واصدقائة واقاربة طبعا بس الشباب والبنات ع الفرقة يركصن بس بالصالة وكلها تركص
تسريع الاحداث
خلصت الحفلة ونامو يستعدون لباجر
رهف كعدت الصبح خابرني حسام وكعدنة نسولف شوية واجت بت عمي واخذت التلفون ونزلتني كوة وياها غسلت وبدلت
وطلعنة اغنية لابسة اسود يالعروسة وكمت اركص وي البنات صارت الساعة ١٢ تغدينة وسبحت واجت عمت حسام وياها الغراض مال مكياج وتسريحة والبدلة وكعدت تجهزني صارت ب ٣ خلصت ونزلت وبدت الهلاهل والركص ودخلت وياهن
وحسام
كعدت الصبح ع صوت الديجي اتصلت ع رهف وكعدنة نسولف شوية وسمعت صوت بنية تحجي وي رهف وبعدين رهف كالت. هههههه حبيبي راح اسدة يصيحوني باي وسدتة وانة نزلت غسلت وتريكت ودخلت للصالة كلها متجمعة وتركص ودخلت وياهم منا لحد الغدة تغديت وطلعت لان الناس بدت تجي صارت ب ٣ رحت سبحت ولبست القاط ونزلت يم الزلم
وبعدين صبو العشة ع مود نروح نجيب العروس ورحنة لبيت حبيبتي زوجتي والاغاني وانة كلساع اطلع من الجامة والركص لعبت لعب وصلنة للبيت وكعدنة بالديوانية وكمت اروح يم العروس ودخلت وبدت الهلاهل والكولات والركص والدك كعدت يم رهف وبستها بكصتها وكومتنة امي نركص وركصنة وانة فرحان وبستها ع خدودها وهية مستحية والبنات ميتات ضحك علينة وكعدنة شوية وكمت اسولف وياها وكمنة حتى نروح لبيتنة وانة كاض ايدها واسولف وياها اريد اشيل الخجل شوية عنها ونزلنة نصور ورة تقريبا ساعة او اقل طلعنة وانطاها مهند فلوس وطلعنة صعدنة بالسيارة وحسين الي يسوق وامي بالصدر وطول الوقت ركص وكلساع انزل من السيارة اركص لحد ما وصلنة للبيت ذبحو طلي ع رجلها ودخلت وبقيت واكف بالديوانية اسولف وي ابوها ويوصيني عليها
رهف
كعدت ع الكرسي واقارب العروس كاعدين يتعشون خلصو اكل واجة حسام كعد يمي والبنات يركصن وكال. اليوم شيخلصج مني انة نزلت راسي مستحية كال فديت كلبج حبيبتي وكمنة نركص انة وياة صارت الساعة تسعة ونص كالو يلة خل نروح للفندق واكثر الناس راحو لبيوتهم وركبنة السيارة ورحنة للفندق صعدنة سوة وبعدين طلع عني وكعدت ورة شوية اجة وقفل الباب وكعد يمي وكمنة نسولف واندك الباب جابو العشة وكعدنة نتعشى
ثاني يوم كعدت الصبح لكيت حسام يباوعلي كال صباح العسل ياعسل كتلة صباح الورد حبيبي وكام يباوعلي بنضرات كلها حب وعشق وطبع بوسة ع شفتي خفيفة ووخرت عنة كمت سبحت وهوة يضحك عليه
وتريكنة وبدلت لبست بدي ابيض مشجر ونتورة بصلي كلوش جوة الركبة ولبست تروبان وحطيت مكك اب عروس ورحنة لبيت اهل حسام ع مود الصباحية مالتي
واول مادخلنة بدت الهلاهل والركص وكعدت يم حسام ونسولف وياهم وبعدين اجو زلم وطلع حسام الهم وانة بقيت يم النسوان كومتني عمتة ولبست بدلة مال صباحية عروس جبيرة كلش
واجن هواي نسوان ما اعرفهن اقارب عيال خالتي وسلمن علية وكعدو يسولفون ومنا للغدة انة كاعدة ع الكرسي وكلساع يجون نسوان واسلم عليهن وصعدت بدلت من ملابس نونة لان ملابسي ببيتي لبست فستان طويل والردانات كلها كيبور ولونها وردي
واجة حسام وكعدنة تغدينة
والعصر رحت لبيتي انة وحسام اجهز ملابسي لان راح نروح لاربيل ع اساس نروح لايران بس جوازي ماطلع وراح نروح لاربيل يومين ونرجع ودخلت للبيت سبحت وبدلت لبست شورت كابوي وبدي عادي بس الضهر كلة طالع
وكعدت اجهز بجنطتي وجنطة حسام وحسام جاي يسبح خلصت الجنط رحت للمطبخ طلعت تفاحة وكعدت بالحديقة اكل واجة حسام كال رهوفة حبي شنو نطلب عشة كتلة براحتك حبي وكعدنة تسولف
ثاني يوم كعدت الصبح سويت ريوك وتريكنة وسبحت ولبست بنطرون كابوي وبدي قصير احمر وفوكاة جاكيت اسود وحذاء رياضي اسود وجنطة كابوي وتوربان احمر
وطلعنة بسيارة حسام وبالطريق مطلعين اغنية نضر عيني نور الزين واسراء الاصيل ونغني وياهم ومنا لمن صارت ب التسعة يلة وصلنة اخذنة فندق وحطينة اغراضنة وارتاحينة من الطريق وطلعنة ومرت هاي اليومين بسرعة وطبعا ايام ما انساها طول حياتي ورجعنة للناصرية رحنة لبيتنة ارتاحينة وسبحنة ورحنة لبيت اهل حسام لان اهلي هناك ولبست نتورة بينصل وبدي عريض وردانة كيبور
