ومرت الايام وانة باليوم اتصل ع حسام سبع مرات اكثر وكل مكالمة ساعات بيوم انة كاعدة اخابر حسام واجت ميار تبجي وعفت الخط مفتوح
رهف. شبيج ماماتي حبيبتي شتريدين
ميار. اريد مثل دراجة علوش
رهف. روحي العبي وياة ومن يجي بابا يجيبلج وحدة
ميار. ماااا مااااا اريد هسة اريد وحدة اتسابق وياة
رهف. سمعت بتك مدري ابنك شتريد
حسام.ههههههه انطينياها احجي وياها
رهف انطيتة لميار وراحت نامت ع جربايتي وتغطت بالبطانية عبالك تحجي وي حبيبها وخايفة احد يشوفها
ميار. شلونك بابا حبيبي
حسام. هلا والله حياتي انة زين وانتي شلونج ليش تبجين
ميار. انة زينة بس اريد دراجة مثل علوش
حسام. اي بابا صار من اجي اجيبلج وحدة جبيرة يالون تردينها
ميار. اااا احمر
وانة عفتهم يسولفون ونزلت عنهم رحت اساعد امي ورة ساعة اجت ميار وانطتني تلفوني وحجيت وياة شوية وسديتة ورحت للمطبخ خواتي جاي يسون غدة وانة وكفت اغسل ماعين الي طبخو بيهن وكلبي يدك بقوة ورجلية كوة واكفة عليهن
ايات. رهف شبيج جسمج يرعش
رهف. اكلجن انة ماادري شبية خايفة ع حسام وماادري ماادري وكعدت بالكاع
واجن خواتي يهدن بية وكمت اكمل غسل ماعين وزادت دكات كلبي واحس جسمي مثل المشلول وطاح من عندي الصحن وصيحت وخواتي ركضن الية واجت امي ركض الية وانة كمت ابجي
رهف. زمن انطيني تلفوني
زمن. اي بس شتسوين بي
رهف. اتصل ع حسام كلبي مامرتاح خايفة
واتصلت ماكو الجهاز مغلق وانة زاد الخوف بكلبي وامي وخواتي يهدن بية وميار واكفة بالباب تباوعلنة وانة اتصل وافتر
واسمع صوت التلفزيون ابوي مطلع اخبار ورحت ركض للصالة واسمع الاخبار انفجار بالرمادي بحديثة بنفس مكان حسام وانة طحت بالكاع من الخوف وركضو الي اهلي والي اسمعة امي تصيح وخواتي يحاولن يكعدني وميار تبجي
ماحسيت بنفسي غير انة نايمة بغرفتي كمزت ونزلت ركض لاهلي نسيت كلشي نسيت انو انة حامل نسيت بتي ميار نسيت الدنيا كلها الشي الي اعرفة هوة حسام وبس نزلت ركض لكيت امي وابوي وخواتي كاعدين يسولفون ومن اجيت سكتو
رهف. يمة وين حسام انة جنت احلم موو وين حسام
كلهم ساكتين
رهف بخبال وصياح بهستريا. بوية جاوبني فدوة حسام وين كومي زمن جيبي تلفوني خل اتصل علية انتم ماتجاوبوني انة احجي وياة
