حسام بعصبية. شوفي رهف انة طالع واذا اجي والكاها كاعدة اروح هسة للدوام
رهف. هههههه لا حبيبي هسة انومها
وطلع وانة نومتها بحظني واغنيلها لحد مانامت كمت حطيتها بغرفتها ورحت بدلت وتعطرت وحطيت مكياج ناعم واجة حسام....
كعدت الصبح الساعة ستة كمت سبحت ع سريع و رحت لحسام اكعدة
رهف. حبيبي اكعد يلة صار الصبح
حسام شبكني وهوة بين نايم وبين كاعد. ماريد اكوم اريد انام تعاي يمي اريد اشبع منج
وعفتة ع راحتة وهوة رجع نام وانة صافنة بوجهة احس انو هاي اخر اشوفة بيها اوف ياربي شنو هذا الاحساس انة احبة واعشقة مااتحمل اعيش لحضة بدونة هوة النفس مالي لا يربي فدوة ابعد هذا الاحساس عني والله مااتحمل والله
صارت ب سبعة كعدتة وكام غسل وبدل وانة رحت اجهز الريوك لكيتة مكعد ميار ويلعب وياها ويسولف
رهف. ليش حبيبي كعدتها هسة تشلع كلبي تضل تفتر وماتخليني اكمل شغل
حسام. ههههه اوف منج رهوفة خليني اشبع من بتي خليها تفتر شعندي غيرها هية حبابة مو ميورة
ميار. اي بابا تدري ماما من تروح انتة ماتخليني اروح لبيت جدو
حسام. لا حبيبتي انتي هسة راح ترحين لبيت جدو محمد وخالة زمن وعلوشي
ميار كامت تكمز. هيييي علوشي حباب يخليني العب وياة مو مثل كيان الحبيث
رهف وحسام ماتو ضحك عليها وكمنة نتريك وواحد يوكل الثاني انة اوكل حسام وميار وحسام يوكل ميار وانة وميار توكلنة اثنينة واحلى لحظات
وكام حسام اخذ جنطتة وانة اخذت ماي حتة اشمرة وراة وكلبي يدك وضايجة كلش خايفة ع حسام ودخلت للغرفة لكيتة يباوع لنفسة بالمراية اجيت شبكتة وابجي
رهف. حياتي لاتروح والله مامرتاحة فدوة لاتعوفنة ابقى يمنة اشتغل بسيارتك ومستعدة ابيع ذهبي وافتح محل اي شي هنا بالناصرية ومستعدة اكل خبز وماي
حسام حط ايدية ع خدودي.رهوفة قلبي هذا شغلي مااكدر اعوفة وانتي تاكلين خبز وماي ميورة وحط ايدة ع بطنها شياكلون شنو مستقبلهم لا حبي وانة ماريد اعيد طفولتي بجهالي كافي الحرمان والضيم الي عشتة بطفولتي ابوي تزوج وانة صرت مسؤل عن اهلي ادرس واشتغل حتة اهتم بامي وخواتي كافي حبي سدي الموضوع
رهف تبجي وشبكتة بكل قوتها تريد تضمة جوة ضلوعها وتحفضة بكلبها محد يلمسة. حسام احبك واضحي بروحي الك حبيبي الغالي راح اشتاقلك
حسام مسح دموعها. رهوفة حبيبتي كافي لاتبجين والله دموعج زرفت كلبي زرف بس شسوي ياروحي وبعدين هاي مو اول مرة انة اروح للدوام لا تخافين هية اسبوعين وارجعلج واشبعي مني
رهف ساكتة
حسام. رهوفة قلبي لاتزعلين يلة اضحكي خليني اشوف الغمازات الي ماخلن عقل براسي اضحكي يكلبي
رهف طكتة ع صدرة وضحكت بخجل. هههه احبك
حسام. اعشقج احبج ادمنتج اعشق كلشي بيج حبيبتي الله لايحرمني منج ياكلبي
رهف. ولامنك يعمري
حسام. يلة حياتي خليني اروح لا اتاخر ع الولد منتضريني
وطلعنة شاف ميار وجلبت بي تريد تروح وياة وكوة دخلتها للغرفة وقفلت الباب وهية تبجي وتصيح وانة كلبي خايف ع حسام كلش وشبكتة
رهف. حبيبي دير بالك على نفسك وانتبه لاكلك زين ونام بالطريق لاتبقى كاعد وانتبة لنفسك حبيبي
حسام. حياتي وانتي ديربالج على نفسج وع ميورة وهسة جهزي ملابسج وروحي لبيت اهلج ماشي حبيبي
رهف. ماشي حبي
وشبكني واجت ميار تركض طلعت من الباب الثاني وشبكتة وباستة وضلت تتنغوص علية وانطانة مصرف وودعنة وطلع وانة احس روحي طلعت وياة كبل كعدت بالكاع رجلية مااحس بيهن كلش خايفة ورحت اجهز ملابسي وملابس ميار حتة اروح لبيت اهلي
