وتكابلنة انة وخواتة ونبجي وحدة تزيد ع الثانية لحد ماتعبن ونامن الساعة ثلاثه الفجر نونة بحضن مريم ومريم كاعدة وحاطة راسها ع الحايط ونايمة وكلهن نامن بقينة انة وزهراء اثنينة صافنات ع الفراغ ونفكر اجتني زهراء
زهراء. رهف هاج هاي فواكة لازم تاكلين ع مود الي بطنج
رهف ودموعي ع خدي. زهراء مااكدر والله مااشتهي
زهراء. هاج بس هاي اكليها ع مود اطفالج يعني (وبجت) حسام راح وانتي لازم تبقين تهتمين بجهالج وتديرين بالج عليهم خطية
رهف وزادت بالبجي وكوة اكلتها وزهراء كعدت يمي وساكتين بس وجوهنة تسولف الحزن البكلبنة ودموعنة ع خدنة لحد ماطلع الصبح والبنات كعدن وبدن ينضفن البيت واحنة كعدنة بالاستقبال ونبجي ونصيح وبدت اقاربنة والجيران ومعارفنة يجون وانة ادك ع روحي وابجي وهنة يسكتن بية صارت ب ثمانية
واجت خالتي وبيبيتي وانكلب البيت صياح وانة كمت ادك ع روحي وابجي واصيح واملش بشعري وادك ع وجهي لحد ماطحت عليهم
وماحسيت بروحي غير بالمستشفى وامي وابوي وملاك يمي
رهف. بوية شصار
ابوي. تخربطتي وطحتي عليهم وانة جنت برة وركضت بيج للمستشفى وكالت الدكتورة فقر دم حاد وحالة نفسية
امي. محمد حاجي بتك صار يومين بدون اكل ولاشرب انة مليت من الحجي وياها
رهف بجت. يمة شلون ترديني اكل واشرب وحسام جوة الكاع يمة اندفن جوة الكاع شلون
امي دمعت عيونها وشبكتني وكعدت تسكت بية وانة رجعت نمت
كعدت ماادري بيش الساعه بس الدنيا ليل وجسمي متكسر شفت امي نايمة ع الكرسي كمت للحمام سبحت ورجعت كعدت ابجي بصوت ناصي واتذكر ايامي وياة جانت احلى ايام عمري وهسة انتهت بلحضات كعدت امي وخابرت ابوي واجة جايب اكل وياة ويقنعون بية اكل بس انة مااكدر اكل نفسي انسدت ع كلشي بالدنيا
رهف ودموعي بخدي. بوية ميار وين
ابوي. رهوفة بنيتي بتج بالبيت يم خواتج هنة مهتمات بيها وكلساع تسال عنج يلة اكلي حتة تكومين تديرين بالج ع بتج
رهف. بابا مشتهية عصير ليمون
ابوي. اي صار هسة ثواني ويكون عندج
رهف. يمة اريد اروح لبيت خالتي فدوة
امي. اي يمة بس يجي ابوج ونروح بس يمة ع كيفج لاتسوين بروحج هيج حسي ترة اكو روحين ببطنج
رهف سكتت واجة ابوي وشربت العصير وكمت لبست بوشايتي وعبايتي وطلعنة انة وامي وابوي ودموعي ع خدي ماوكفت ابد وصلنة للبيت واسمع صوت البنات كالبات البيت كلاب ع حسام
وانة كلبي تكطع وتكابلة انة وخالتي نبجي وبيبيتي تنعى واحنة ندك ونلطم ومريم خطية مكطعة روحها بالبجي لان صارلها ست اشهر ماشايفة اخوها ومن اجت رادت تشوفة جابو الها ملفلف بالعلم هية تجي بس بالعطلة
لحد ماطلع الصبح احنة نبجي اليوم الثاني للفاتحة نفس الشي واجت ملاية وبدت تنعي واحنة نبجي ونصيح وانة صار يومين بدون اكل وعايشة جسم بدون روح روحي راحت اندفنت وي حبيبي وعمري حسام وكمت كعدت بغرفة البنات وتوضيت وكعدت اقرة قران ودموعي بخدي مانشفن ابد
واجت ميار تركض لحظني صار ٣ ايام ما شفتها وسديت القران وشبكتني وانة بجيت سمعتني ووخرت عني
ميار. ماماتي انتي ليش تبجين بابا مااطاج ربع
رهف بجت. لا يروح ماما بس تعبانة جنت بالمستشفى بزوني ابرة
ميار. ليش هاي خدودج حمر
اجت مريم واخذتها مني بلهفة وشبكتها وتبوس بيها. انتي من ريحة الغالي والله نسخة منة
ميار. شنو انة مافهمت
اجت فاطمة اخت حسام. تعالي حبيبتي نروح نشتري موطة وحلويات
ميار فرحت. اي اي اريد جبس وموطة وعصير وككو وكلشي بالمحل
فاطمة اخت حسام. يمة منج يالطماعة يلة تعالي اشتريلج المحل كلة
وطلعن وانة طلعت ردت انزل جوة وحسيت بايد سحبتني وشهكت ودخلني للغرفة وفقل الباب
باوعتلة طلع حسين
حسين. رهف البقيه بحياتج
رهف. وحياتك الباقية
حسين. حتى انة فقدت اخوي الغالي لاتسوين بنفسج هيج ع مود اطفالج
رهف. وخر عني انتة مايصير تشوفني وانة هسة حادة
ووخرت عنة واحس عيونة علية وطلعت نزلت للنسوان وساكتة بس دموعي تنزل واجتني ميار بيدها حلويات وكعدت بحظني وكامت تسولف عن البنات
ميار. ماما وين بابا هوة كال اجيبلج دراجة وينها الدراجة
ونزلت دموعي اكثر وخالتي كامت تصيح انة اخذت ميار وطلعت حتى ماتتاثر
ميار.ماما شبيها بيبي ليش تصيح
ودخلت لغرفة خالتي وفقلتها. ميورة حبيبتي بيبي مريضة اكلت هواي حلويات وضلت بطنها توجعها انتي هسة لا تاكلين هواي حلويات حتى ماتصيرين مثل بيبي
ميار. يااا خطية بيبي مريضة انة احبها بعد مااكل هواي حلويات
رهف. عفية بنوتي الحلوة
وكعدت تلعب يمي وانة اباوعلها وافكر بمستقبلي ومستقبلها شلون راح تعيش بدون ابوها وهية متعلقة بي كلش شلون راح اكلها ابوها خلص راح عنها مااعرف شلون من يجون حسن ويزن للدنيا ويسالوني عن ابوهم شكلهم ليش حسام عفتني ورحت لهاي الدنيا لوبيدي هسة اجي يمك بس وميار منو الها تبقى يتيمة الام والاب اف حسام شسويت بيه من رحت
بيوم الثالث يوم الختمة لعبنة لعب نبجي ونصيح ونلطم لحد ما خالتي طاحت علينة وركض بيها حسين وزهراء للمستشفى والبنات زادن بالبجي خوف ع امهن و على فراكهن لاخوهن حسام
بارت قصير لعيون احلى متابعين بالدنيا
(ملاحضة)
هاي القصة حقيقية ممزوجة بالخيال وصاحبة القصة موجودة وتابع تعليقاتكم علقو بلي تحبون والاسماء كلهم مو حقيقية بس صاحبة القصة جاي تشوف التعليقات
