يحيى. والقران اني انضلمت هوواي بحياتي اول شي امي وابوي تطلكو وانة بعمر زغير كلش وجنت اشوف زوج امي وامي يهتمون برهف وبقية خواتي اكثر مني كمت اكرهن وبس اتعارك وياهن واضربهن واهينهن وصرت استقوي عليهن وتركت دراستي بصف السادس ابتدائي وكمت اشتغل بس جانت مو كافية حتة اخطب الي احبها ورحت اتحجج بشي حتة اضرب اختي رهف وشفت عدها كلادة جديدة كمت كسرتها تكسير وحبستها بالحمام يومين كاملات واخذت الكلادة وبعتها وجابت تقريبا مليون ونص لان جنت اكرها واكرة كل خواتي ورحت حتة اخطب اختج شهد الي حبيتها بس جدج وابوج مارضو لان زغيرة اولا وثانيا انة شغلي مو قوي جنت فقير وجانت عندي هواي سوالف مكسرة ف همة ماوافقو واختج خابرت علية ونهت علاقتنة مااعرف شنو السبب انة انقهرت كلش وثاني يوم كلت لامي خطبتلي بت صديقتها وتمت الخطوبة بس اني مامهتم بيها ابد ومنعت امي وخواتي من الجية الكم وبعد ماسمعت خبر وفاة شهد انة مليت من حياتي كلها شردت من البيت ورحت لبغداد بدون جنسية وانسجنت خمس سنين ومن طلعت سويت جنسية جديدة بغير اسم وبديت حياتي من جديد رجعت للدراسة واشتريت بيت وكمت اشتغل وهسة انة حياتي مستقرة بس والله من حبيتج انة ماعندي اي غاية وياج جنت رايدج بالحلال وبعد انتي هسة عرفتي بحياتي اريد اجي اخطبج
نونة بس تبجي. يحيى انة مااعرف شحجي راح اسد الخط اشوف رهوفة شصار
...............
حسين. رهف حياتي احجي شكو ليش تبجين
رهف تبجي وكامت شبكتني وتبجي وانة مصدوم اول مرة بحياتها تسويها
حسين. رهوفة كلبي احجيلي شبيج ليش بجيتي
رهف وخرت عن حسين. انة اسفة
وعافتني وراحت
................
صعدت لغرفة نونة اريد اعرفها هية تدري بالموضوع وهل هذا الحجي صح لو غلط دخلا لغرفتها لكيتها تبجي رحت الها
رهف. انتي جنتي تعرفين انو يحيى هوة عمر اخوي
نونة. لا والله ماجنت اعرفة هسة اتصلت بي وحجالي كلشي رهف ليش اي شخص احبة يطلع حبي مو الية انة ادري هسة بس يجي يخطبني اهلي راح يرفضون
رهف. اوووف لج بعد كل هاي السنين رجع انتي شنو مشاعرج اتجاهة
نونة. اني احبة واموت علية حتى بدون مااشوفة والله بس اهلي من يعرفون انو هوة عمر ماادري شراح تكون ردة فعلهم
رهف. نونة اعذريني بس انة اختنكت وراح اطلع للحديقة شوية ولاتفكرين وتعبين نفسج
نونة. ماشي حبي روحي
ونزلت للحديقة واجت ميار كعدت يمي تلعب بالالعاب هية وعسل ورسل واندك الباب كمت افتح الباب وطلع الشخص الي عمري وحياتي ماتوقعتة يجي
عمر.رهوف انة عمر اخوج
رهف ودموعي بعيني وبصياح. عممممممر
