عشق وحقد

بارت

دخلت للبيت سلمت عليهم كلهم وكعدنة اني وحسام سوة وكعدنة نسولف عن اربيل وبعدين البنات صبن عشة وكعدنة نتعشى وسوالف وضحك منا لمن صارت ب التسعة رحنة لبيتنة لان تعبانين

ومرت الايام حلوة بسرعة وباجر راح حسام يلتحق وانة راح ابقى بالبيت وزمن ونونة يجن عندي يباتن وجاي اجهز جنطتة مال دوام

واجة شبكني من ورة وهمس باذني راح اشتاقلج حبي كتلة واني هم راح اشتاقلك وباسني وكعدنة نسولف كمت سويت عشة وتعشينة وغسلت الماعين

رهف. حبي خلينة نروح لبيت اهلك حتى تشوفهم قبل لاتروح

حسام. فديتج يروحي والله كبرتي بعيني يلة عادي خلينة نروح

وكمت بدلت ولبست تنورة لحد الركبة وقميص وجاكيت وتوربان

ورحنة لبيت اهلة طول الطريق اغاني وكلام حب وصلنة دخلنة للبيت لكينة خالتي ورسل والجد كاعدين بالصالة والبنات بالغرفة ووفاء جاي تغسل ماعين ومهند وحسين بالحديقة

طبعا راح تسالون عن ابو حسام لان من بداية الرواية ليهسة ماجبت طارية لان هوة عازل ببيت يم اهلة ومايوصل الهم ابد مرات يجي خمس دقايق بالباب يشوف امة وابوة بس عود بالسنة حسنة يلة   يجيهم

دخلت سلمنة وكعدت يم حسام

رهف. خالتي وين البنات

الام. بغرفهن شالعات كلبي لاهنة بشغلة مكضياتها بس ع التلفونات والطلعات

هسة بس كليلهن خل نطلع يركضن ركض متاكدة بس يتزوجن ثاني يوم يرجعوهن النة

رهف. هههه عن اذنكم رايحة اشوفهن وصعدت

الام تحاجي حسام. يمة حسام شلونها رهف وياك

حسام. يمة لاتساليني عليها هاي تربيتج ومامقصرة بشي وياي وحتى تعرفين هية الكالت خلينة نجي لهناة حتى اشوفكم قبل لا اروح يمة احبها والله

الام. الحمد لله اي انة اعرفها بنيتي والله احمد ربي واشكرة الف مرة ع جنايني كلهن زينات بس بعد حسين مامعروفة قصتة

حسام. يمة لاتديرين بالج هوة راح يجيج ويكلج خطبيلي

رهف صعدت لغرفة حسام لان صارت غرفة نونة وملاك والغرفة القديمة صارت لشفق واحلام دخلت لكت نونة جاي تخابر يحيى

صدك نسيت اكلكم عن نونة تحب صديق حسام وبيوم الحنة مالتي اجة هوة واختة واختة حاجت نونة وانطتها رقمة وكامو يتواصلون وعن قريب راح يتقدملها وملاك كاعدة ترتب مكياجها واحلام وشفق بغرفتهن كعدت يمهن وكمنة نسولف

نونة. اكلج انة باجر اجي العصر لان الصبح راح تجي صديقتي لام هاي الجلبة الكبالي تسوي شعرها

ملاك. جلب ماغيرج وطكتها بالمخدة وكامن يتعاركن

رهف. كافي كافي نونة يلة براحتج ياحماتي ههههه والله استحي من اكلج حماتي ههههه