عشق وحقد

البارت ٩

هلو رجعتلكم بعد غياب يومين جنت مشغولة كلش

واليوم راح انزل بارت وتحية لكل متابعين روايتي

                                                                     اريد تفاعل

طلعت رهف من غرفة حسين تبجي وشافت حسام كبالها شبكتة وتبجي لان جانت محتاجة هيج حضن دافي وبي كل حنان الدنيا وتبجي وحسام تخبل من شافها هيج وتبجي

حسام.حياتي رهوفة ليش تبجين

رهف.ا.... لا...ماعليك اهئ

حسام مسح دمعتها.رهوفة حبيبتي لاتبجين والله دموعج غالية علية احجيلي شبي حسين شسوالج

رهف. اهئ حسين مايريد يطيني الاقراص مال فلم الرعب

حسام ابتسم.يعني هسة هاي المناحة السويتيها كلها ع مود فلم اجيبلج بدال الفلم افلام بس اسكتي ولاتبجين

رهف.لا ماريد

حسام.تعالي خليني ارزلة كدامج

وجر ايد رهف ودخل للغرفة ورهف لابدة ورة حسام

حسام.حسين ليش وي رهف

حسين.وشكالتلك شسويتلها جذابة لا تصدكها

حسام.لا كالتلي كلشي

حسين. حسام اطلع انتة وهاي (وياشر عليها بقرف واستهزاء) الوياك اريد انام

رهف طلعت وراحت للغرفة وحسام يصيح وراها بس هية مامنتبها

حسام. يعني احسن هيج ليش مانتطيها الفلم بصراحة هاي اول مرة اشوفها تبجي

حسين. جذابة دموع التماسيح لا تصدكها تريد تقشمرنة خل تولي

حسام. انتة الحجي ضايع وياك اروح انام احسن

وراح حسام لغرفة البنات لكاهن نايمات بس رهف كاعدة حاطة راسها بين رجليها اجة اقترب الها وكعد يمها

حسام. رهف شبيج انتي اليوم مو طبيعية

رهف. حسام وخر عني مالي خلك احجي وياك

حسام. يعني ما تردين تفضفضين

رهف. لا ماريد احجي وياك نهائيا

حسام. رهف براحتج بس شوكت ما تردين تفضفضين تعالي الية اني موجود واسمعج واحل مشاكلج بس افتحي كلبج الي

رهف باوعتلة وبعدين نزلت راسها وسكتت وحسام ضل كاعد شوية يمها وبعدين راح لغرفتة لان مامعبرتة وساكتة

حسام
انة مامتوقع هذا البجي كلة ع مود فلم لا اكيد صاير شي ولازم اعرفة اليوم مامصدك حبيبتي شبكتني بس المشكلة تبجي اوف اوف يارهف حيرتيني وخبلتيني من يوم الحبيتج صرت مجنون بحبج رهف احبج والله احبج اني راح احاجي امي تخطبها الي هذا الاسبوع لان ما اتحمل احبها والله 

رهف
معقولة حسين جذاب مايحبني يريد يلعب علية بس اني شسويت الة والله حبيتة من كل كلبي ليش خاني ويريد يلعب علية اوف كلة من وراي انة ماجنت احب ليش حبيتة وتعلقت بي كلة صوج كلبي جان مقفول شفتحة لحسين اكرهك اكرهك اكرهك لا رهف انتي ماتكرهينة بس لان هوة سوة هيج وياج كلتي اكرها

كعدت الصبح مالي خلك اي شي وعيوني حمر ومنفوخات لان مانمت عدل بليل وكضيتها بس بجي لكيت البنات كاعدات بس نونة بالغرفة توها كاعدة شافتني واجت

نونة. رهوفة كلبي شبيها عيونج

شبكت نونة وبجيت وسولفت الها كلشي وكامت تبجي

نونة.ياروحي انتي ليش ماكعدتيني بليل  واني اعلمة حسين

رهف.لا نونة كافي اني بعد ماريدة وحتى رقمي راح اغيرة وبعد هذا البيت ما ادخلة ابد الا اذا حسين ماموجود واذا ترديني تعالي لبيتي

نونة.اوف رهوفة حياتي لاتضوجين لج والله دمرتيني

واجت ملاك والبنات

زهراء تصفك.هلة هلة كاعدات هنا يسطرن جذب واحنة كاعدين نكرب

احلام طكت زهراء ع متنها.ولج لا تجذبين لا تصدكونها جنة كاعدين يم جدي وحسين

نونة.انتن شعليجن يعني مايصير واحد يكعد يفصفض عن همومة

ملاك شمرت عليها المخدة.خايبة د روحي  اليسمعج يكول عدها درزن جهال وابوهم ميت ومحتارة شتعشيهم

نونة.والله انتي وشلتج اول هم بحياتي وبعدجن تجي هاي اللزكة

رهف تسوي روحها زعلانة.وانة اكول هاي بت خالتي حبيبتي الي ماتحجي علية وانة هسة كدامج وتحجين علية

نونة.ترة  ماتلوكلج والله

رهف.شمرت عليها المخدة وبدن يتعاركن ويتشاقن