هلاو نكمل البارت لعيون احلى متابعين بالدنيا
رهف صعدت لغرفتها ونامت ع الجرباية وكعدت تفكر
رهف. حسام خطبني بس حسام مايحبني احنة مجرد اخوان وبس يعني معقولة جان يحبني لو هاي امة خطبتله بس انة مامفكرة بالزواج
بس ليش مامفكرة بالزواج يعني انة بعدني احب حسين لو نسيتة اوف لهية اذكر كلامك وما انساة خليني اكسر عينة واوافق ع حسام بس انة وحسام علاقتنة اخوية اتوقع حياتي تصير حلوة لو هم مشاكل ومقالب مثل هسة بس رغم كل المشاكل والحجي الي بيناتنة بس هوة الي يفهمني حتة بدون ما احجي حيرتني حسام وكعدت افكر بحياتي وي حسام وحتى عشة ماتعشيت كاعدة بغرفتي خابرت ع صديقتي الغالية تبارك صديقة طفولتي ونصحتني كالت وافقي علية وكسري عين حسين هوة يكلج ماتكملين حياتج بدوني وافقي احسن وهوة اني شايفتة حسام والله متوالمين وكعدنة نتشاقة
نزلت لامي كعدت يمها بس هية زعلانة شبكتها
رهف.مامي والله اسفة صيحت عليج بس انة والله مامفكرة بالزواج هسة اريد اكمل دراسة
امي.يروحي انتي انة كلت لخالتج كالت تكمل دراسة وبيت وحدج وكلشي تطلبينة حسام مستعد يسوية الرجال مشتريج وانتي تعرفين اهلة وهوة هم تعرفينة وانة ضربتج ع مود تعرفين مصلحتج والله العظيم انة اشوف راحتج وياة
رهف.يوم يعني انتي موافقة على حسام
امي.اي موافقة وحتى ابوج موافق كلشي واكف عليج هسة
رهف.يوم خليني افكر فد يومين وارد خبر لان انة ابد مامفكرة بالزواج وهسة اجة حسام فجاه وكلكم موافقين
امي.عادي فكري زين بس مو تتاخرين لان حسام مستعجل
رهف استحت وكمت عن امي رحت لغرفتي لكيت مكالمة من حسين راسلتة ع الفايبر
حبيبة ابوها.خير حسين شتريد
حسين.رهف لا توافقين ع حسام انة احبج
حبيبة ابوها.لا والله بعديش تحبني بعد كلشي سويتة وياي انة اكرهك ماحبك
حسين.رهف افهميني انة احبج
حبيبة ابوها.حسين انة نسيتك وماريدك اكرهك خليتني احبك وتجي بلحضة خيانة تعوفني بس انتة غلطان انة اعوف ما انعاف بس الحمد لله عرفت حقيقتك قبل لا نغلط بشي بس تعرف ندمانة ع شي واحد الي هوة حبي الك وثقتي الزايدة بيك ياخاين
حسين.رهف لا توافقين
حبيبة ابوها.وانتة منو وتمنعني بكيفي انة حرة اختار الي اريدة محد يتحكم بية يلة باي واتمنى تمسح رقمي وبعد لا تتصل او تراسل
وانطتة حضر وكعدت تفكر ونامت كعدت ثاني يوم الجمعة نزلت تريكت جانت امي طالعة لواجب هية وعمتي وسبحت وبدلت وكعدت يم خواتي نسولف واجت امي وسوت غدة وتغدينة وغسلت الماعين وكعدت يم ابوي وحطيت راسي ع متنة
رهف. بابا انتة موافق ع حسام
بابا.بصراحة اي موافق لان والله اذا رفضتية معناها ضيعتي الرجال والله حسام خوش رجال بس الاقرار الج لان انتي الي راح تتزوجينة مو احنة
رهف.بابا انة محتارة ودراستي
بابا.تكول امج لا تكملين دراسة خالتج كالت الها
رهف.بابا انة بعدني مامفكرة بحسام
وكمنة نسولف عن الدراسة وراح ينام الضهر انة بقيت بالصالة وحدي افكر
نروح لحسام الي كاعد ع نار كلساع يسال امة.يمة بشري ماخابرت خالتي
الام.اف منك حسام ترة هذا زواج مو كل دقيقة تسال خلي البنية تفكر
حسام شبك امة.يمة خاف ترفض
الام.لا يمة لا تخاف وين تلكة احسن منك ادري بيك تحبها
وحسين كاعد يسمع حجيهم والنار تحركة
والبنات فرحانات لان رهف راح تتزوج حسام ههههه بعدها مامقررة وهنة فرحانات وكاعدات يتخيلن
ثاني يوم السبت
كعدت رهف وقررت انو.............
رهف شنو قرارها تجاة الخطوبة؟
وحسين ليش ضايج هوة الي عاف رهف ليش يكلها لاتوافقين هل يريد يتزوجها او ينتقم مرة ثانية؟
