عشق وحقد

البارت ١٠

هيلاووو شلونكم شخباركم انشالله بخير

ونزلت اني ونونة نتريك كعدنة ع السفرة نتريك ونسولف اجة حسام وكعد كبالي
حسام.صباح الخير بنات

رهف ونونة.صباح النور

وسكتنة حسام.نونة جيبيلي كلاص جاي

نونة كامت بس تدردم.يو يمتة تتزوج وافتك من طلباتك اوف والله البعمرك صارو اجداد وانتة مكابلني

حسام ضحك.هههههه لا راح تخلصين مني واتزوج واخلصج ها شكلتي

نونة فرحت وشبكتة.واو حسوم راح تتزوج والله فرحتلك بس منو هاي الي داعية عليها امها

حسام.ههههه لاتغلطين ع زوجتي احبها وراح تعرفينها عن قريب

ورهف ساكتة وتباوع الهم فرحت لحسام لان حسام مايتعوض

وحسام يباوع لرهف وفرحان لان عن قريب راح تصير زوجتة وحبيبتة

بعدين طلعو يكعدون بالحديقة وسوالف وضحك وشقة وطبعا تتجنب حسين وهوة هم يستغل اي فرصة يهينها لحد العصر وجاي تحضر نفسها ع مود تروح لبيتها ولبست

ونزلت للسيارة لكت حسام منتضرها سلمت ع البنات وصعدت بالسيارة وسالار صعد بالصدر ورهف صعدت ورة وحاطة راسهاع الشباج وساكتة ولانفس وحسام يباوع الها ولكل حركة تسويها لكل نضرة الها يريد يشبع منها لان بعد مايشوفها هية مو دوم تجي لبيتهم وهوة مرات يجي لبيت خالتة وتكون ماموجودة او بالمدرسة او بالدورة يعني مايشوفها

حسام.رهف اليوم ساكتة شبيج

رهف.حسام عوفني بحالي مالي خلك

حسام.لهل درجه الوضع متازم عندج

رهف.اي واكثر ودرت وجهي

ورة نص ساعه وصلو للبيت وكعدت يم امها يسولفن وبعدين صعدت لغرفتها وخابرت حسين كالت هاي اخر مرة اتصل بي

جاوب حسين.خير شتردين متصلة علية

رهف.حسين شبيك وياي فهمني ليش تريد تنهي علاقتنة

حسين بحدة وصياح.كتلج الموضوع انة ماريدج انة اكرهج ماحبج واني احب وحدة وياي بالدوام اني ما اتزوج وحدة جنت احجي وياها

رهف.حسين يعني خلص كلشي انتهى

حسين.اي كلشي انتهى بيناتنة ورجاءا لا تتصلين علية واني راح اشوف حياتي وانتي ههههههه باستهزاء اكيد ماراح تكملين حياتج بدوني ههههه

وسد الخط

ورهف انهرت بالبجي وضليت بالساعات ابجي وكلت بيني وبين نفسي. لا رهف لاتبجين هوة مايحبج انسية وكملي حياتج بدونة يكول ماراح تكملين حياتج بدوني لك والله الة اكسر خشمك هذا العالي وشوف وين راح اوصل بحياتي واقفل كلبي بعد ماحب اي بشر مو قصة بعدني احبة بس الحب دمار وكسر كلوب واني ماحب بعد ابد وماحسيت بنفسي الة وانة نايمة حتى بدون ما اتعشى نمت الساعة ٧المغرب وكعدت الساعة ٤ الصبح بدلت لبست برمودا كصيرة كلش ونزلت غسلت وجهي وفتحت الثلاجة جوعانة اخذت جبن وسويت حليب وكعدت اتريك مدري اتعشة خلصت غسلت ماعيني ورحت ادرس
ومر هذا الاسبوع بسلام لحد ما اجة يوم الخميس اني جنت تعبانة من المدرسة ماحسيت بنفسي نمت كعدت العصر بدلت ملابس المدرسة ونزلت يم امي سمعتها تسولف وي خالتي اجيت حطيت راسي بحضن امي وفتحت شعري طويل وكعدت امي تلعب بشعري وتسولف وبعدين سدتة وامي كالت

امي. والله كبرتي حبيبتي وصرتي عروس

انة كمزت من حضن امي مفجوعة. شنو شكلتي ماريد اتزوج

امي. شبيج يروحي ليش ماتردين تتزوجين ابن خالتج

رهف. يمة ماريد اتزوج يعني غصب عني ماريد وخصيصا ولد اختج

ماحسيت بامي الة طكتني راشدي وتصيح علية. والله تتزوجينة غصب عنج مو بكيفج ليش شبيهم ولد اختي عايزين طول عرض اصلا زلم ونعم الزلم اتمنى ياخذون من بناتي انتي ماتعرفين مصلحتج

رهف تبجي. كتلج ماريد اتزوج

اجة ابوي وركضت شبكتة وابجي. بابا امي تريد تزوجني وانة ماريد اتزوج

ابوي. منو الخطب رهف

امي. حسام ابن اختي اسيل

وانة انصدمت يعني طلع مو حسين وصيحت.ماريد اتزوج اريد اكمل دراسة

ابوي. رهوفة حبيبتي فكري ترة حسام نعرفة رجال وخوش رجال واحنة مربينة فكري حبيبتي ترة هذا زواج مو لعب هذا راح تكضين باقي عمرج كلة وياة فكري حبيبتي

رحت صعدت لغرفتي

ابوي. شفاء ليش تطكين البنية هيج ترة هاي رهف مو علوش لو سالار هاي بتج الجبيرة

امي. حركت كلبي ماريد وماريد بس ماتعرف مصلحتها والله حسام ماينعاب وخوش رجال واتمناة لوحدة من بناتي

شنو تتوقعون راح يصير

رهف راح توافق ع حسام لو لا