وبيوم من الايام
اكتشفت انو هوة يحب بت خالتي اسيل واسمها شهد عمرها ١٥
وهمة ع علاقة وماخابرات وطلعات ومن راح يخطبها اهلها رفضو لان شغلة ضعيف وعمر ضاج من هاي الوضعية وكال لامي تخطبلة وحدة من معارفها وراحت امي خطبتلة وشهد من سمعت بهذا الخبر انو عافها كامت سممت نفسها وتلاحكوها ونقذوها وصار زينة بس كامت تمشي بطرق مو زينة تصادق ولد وتحجي وياهم وصور ويفتحون وكامرة وتشرد من المدرسة وتاخذ حبوب كبسلة وتمشي وي بنات مو زينات لحد ما اكتشفها حسام وكتلها هية تخبلت بالزايد ومرت الايام لحد ما كعدو الصبح لكوها ماموجودة بالبيت وضلو يدورون عنها يومين وهية مفقودة وكلهم متحلفين بيها لا ليلهم ليل ولا نهارهم نهار وبعد يومين لكاها حسين بالمستشفى صاير وياها حادث سيارة وميتة ومن ذاك اليوم لحد هسة محد يذكرها بالبيت واخوي عمر من سمع هيج صار وياها طلع من البيت ولحد هسة مانعرف شي عنة مانعرف هوة ميت عدل واحنة هم محد يذكرة بالبيت لان جان اناني ويحب مصلحتة وبس
كمت بدلت لحسن ويزن لبستهم ملابس عسكرية وميار هم وطلعو يجننون وانة لبست كيلوت عريض وبدي وسترة وشال اسود لحد الان اني لابسة اسود ع حسام وصعدت بسيارة ابوي وودانة لبيت خالتي واخذ امي وبيبيتي ام امي للمطار
دخلت لكيت مريم وجهالها وزهراء وجهالها وشفق وجهالها دخلت وسلمت وراحو جهالي يلعبون وي الجهال
واجت فاطمة من بيت اهلها ورادت تصعد لغرفتها
مريم. ترة السلام لله ولو احنة مامحتاجين سلامج بس شدعوة عليج
فاطمة بدون نفس. السلام عليكم يلة ارتاحيتي ست مريم ترة مالي خلكج هاي يمج وفاء ورهف وتعاركي وياهن يلة جاوو
وصعدت
زهراء. اموت واعرف امي وين لكت هاي الخلقة ع شنو شايفة نفسها لا خلقة ولا اخلاق لا والمشكلة تقارن نفسها بوفاء ورهف
ملاك. والمشكلة مو هنا المشكلة بحسين الي لحد هسة صابر عليها زهراء انتي ماتجين هواي هنا شتكولين علينة مكابلينها اربع وعشرين ساعه وبس تتعارك
نونة. بنات سدن الموضوع والله مالي خلك
والبنات سكتن
حسين. من بعد وفاة حسام بيوم الاربعين رحنة كلنة للنجف والبنات وامي لعبن لعب بالبجي والدك واللطم ومن رجعنة ثاني يوم الصبح امي انعمت كامت ماتشوف اي شي ركضت بيها للدكتور وضليت اعالج بيها بالاسبوعين لحد ما الدكاترة ملت من عندي اخذتها لسوريا وبقيت سنتين هناك ولامرة رجعت بس جانت امنيتي ارجع مشتاق لاهلي وخواتي وبالاخص رهف سنتين ماشفتها وحتى مااعرف اخبارها بس الي اعرفة انو جابت ولد وسمتهم حسن ويزن واتمنى اشوفها كلش مشتاقلها وهسة اني راح اشوفها اتمنى تغيرت مو مثل قبل جانت دوم تصدني وماتحاجيني ابد
