يوم العملية
حسين
دخلوها صار ساعة وانة وخالتي وامي وعمر وابو رهف كلنة منتضرين شوكت تطلع وخايفين وندعي
امي وخالتي يقرن قران وخالتي تبجي وتقرة والبنات كل دقيقة متصلات علينة يطمنن وابو رهف كاعد ع كرسي ويدعي وعمر واكف وياي ونفتر عليهم يا رايحين يا جايين وندعي بداخلنة وخايفين كلش لان الدكتور كال عمليتها خطرة
ومر الوقت طويل كلش وطلع الدكتور وكلنة كمزنة من اماكنة ورحنة الة ركض
الدكتور. الحمد لله العملية كانت ناجحة بس مانعرف الاعراض الجانبية لحد ماتكعد
حسين بفرح. اشكرك يادكتور اشكرك
وطلعوها ودوها لغرفتها ومنعونة من شوفتها لحد ماتكعد
وورة تقريبا اربع ساعات كعدت رهف ودخل الدكتور عليها والحمد لله ماكو اي اعراض وتكدر تحرك جسمها وفرحنة كلنة فرح مو طبيعي ونحمد الله ونشكرة
ورة يومين طلعناها من المستشفى ودخلنة للبيت وامي والبنات وخالتي يهلهن وفرحانات وسوينة عزيمة بمناسبة رجوعها سالمة النة وعزمنة كل الناس واقاربنة وكل معارفنة وجانت هية شوية تعبانة بس ماخلنها تجيس العود والجهال بقو بعيدين عنها جانت لابسة فستان طويل مخصر من فوك وكلوش من جوة لونة ازرك والجوة اسود وطالعة تجنن
ومر ع عمليتها شهرين وصارت زينة تكدر تتحرك بس انة مااتقربتلها ابد
بيوم رجعت من الكهوى بليل لكيت رهف لابسة فستان بس كلة كيبور وعطرها تارس الغرفة ترس وطالعة تجنن واكفة تعدل بالكنتور
حسين. حبي شطالعة اليوم تخبلين
رهف ضحكت بخجل. انتة الاحلى كلبي
حسين. شنو وين الجهال شو ماكو
رهف. حسن ويزن بغرفة خالتي وميار اصرت الة تنام بغرفة عسولة ورسولة
حسين. اهاا يعني اليوم وحدنة
رهف ضحكت بخجل. هههههه اي حبي
تقربت الها وبستها بكل مكان وهية مستسلمة الي وانة كلش فرحت معناها بدت تتقبلني وتحبني
بعد مرور 3سنوات
رهف وحسين صار عدهم بنية وولد مو توم والبنية وسموها شهد والولد حسام وجانو فرحانين بيهم وعايشين حياتهم بكل حب وتفاهم
نونة وعمر تزوجو وصار عدهم بنية وولد ههههه حملنة سوة والبنية سموها جنات والولد محمد وعايشين احلة عيشة ومتفقين وكملو دراستهم سوة وتخرجو وتوضفو
زمن ومصطفى تزوجو وصار عدهم ولد توم سموهم مجتبى ومرتضى بس يخبلون وهسة حامل ببنية وراح تسميها رهف ع اسمي وعايشين بهدوء وتفاهم
أنت تقرأ
عشق وحقد
Storie d'amoreالقصة عن رهف تحب ابن خالتها وهوة يحبها بْس تٌحٍۆلُ آلُحٍبْ ﮯ گرةّ ۆحٍقدِ
