بعد مرور ٤سنوات
رهف. خلال هاي الاربع سنوات صارت هواي شغلات اول شغلة واهم شغلة حسين تزوج بت صديقة عمتة صابرين مو حلوة وبس تعارك وي خالتي والبنات ويومية طلعة حتى لو وحدها تطلع اهم شي تطلع والبنات ميتات من عدها بس تعارك وياهن وتذب حجي وهنة مايقصرن وياها بالحجي ولحد الان ماصاير عدهم طفل صار سنتين متزوجين ويومية مشكلة بالبيت بسببها وحسين محتار وياها ساعة يوكف وياها وساعة يوكف وي اهلة وانة مااروح الهم هواي بسببها دوم تكتل ميار ع اسباب تافهة انة اخذ بتي واطلع من البيت مرات يجي مهند وياخذها انة مااروح الهم وحسين دائما اتحاشاة بالمكان الي بي هوة انة اطلع ومن يروح حسام للدوام انة اروح لبيت اهلي حتة مايجيني
وشفق تخرجت وتوضفت معلمة وتزوجت حبيبها بس بطلاع الروح عمامها وافقو
وملاك ع حطيتها ماتغيرت بعدها خبلة وبعدها بالكلية ماقابلة تطلع من عدها تكول حلوة كل مرحلة تبقى بيها سنتين
واحلام مثل ماهية ودخلت كلية هية واختي زمن نفس الكلية
ونونة بعدها خبلة وصار سنتين تاركة تاخذ ريست من الدراسة
ومهند ووفاء صار عدهم ولد يجنن عمرة ثلاث سنوات ويلعبون هوة وميار دوم يجي يلعب وياها ببيتي لو انة اوديها بيد مهند ويرجعها الي باليل
والام والجد والبيبية والابو والعمة وابوي وامي ع حطيتهم متفاهمين وينصحون بينة واي مشكلة همة يحلونها النة
وانة وحسام عايشين احلى عيشة مرتاحين ومارجعت درست لان بتي ماخذة كل وقتي كلش وكيحة ودللوها كلشي تريدة يجيها وشالعة كلبي بدلالها وانة حامل بشهر الرابع بتوم ولد وراح اسميهم يزن وحسن
كاعدة احط مكياج واجة حسام وشايل ميار توهم اجو من بيت اهلة اني مارحت مالي خلك وعندي شغل بالبيت اجت تركض وشبكتني
ميار. ماما اريد الوح لمدينة العاب
رهف. ميورة منو كالج هذا الحجي
ميار. بابا يدول
رهف كرصتها من خدودها. فديتج وفديت البابا يلة عمي نروح بس مو هسة باليل
ميار كمزت. هيييييي ثكرا ماما وطلعت تلعب
حسام منتجي ع الباب. رهوفة احبج وكل يوم حبي الج يكبر اكثر من كبل
رهف ضحكت بخجل. هههه اني هم اموت عليك حبيبي
وكمت جهزت نفسي للطلعة ولبست فستان طويل بس بي فتحة لحد الركبة ولبست جواها بنطرون وحطيت مكياج خفيف ولبست توربان وميار لبستها بنطرون قصير كابوي شورت وبدي دلع وسويلتها تسريحة وعفت الباقي مفتوح وحذاء وجنطة نفس اللون والموديل وطلعت تجنن وحسام لبس بنطرون كابوي وقميص وسترة وسوة شعرة سبايكي وطلع يخبل وطلعنة رحنة للمطعم نتعشى وبعدين رحنة للمدينة ورجعنة الساعة وحدة بليل لحد ما سدوها لان ميار ماتشبع من الالعاب
