---(Wanjanim's POV)---
මා හැකි ඉක්මනින් හියොන්-ගුන් මාලිගයට අසු මෙහෙයවූයේ ටේහ්යුන්ග්නා පැවසූ දේ සිතෙහි රැව් පිලි රැව් දෙද්දීයි. ටේහියා සිහිසුන්ව සිටි නිසාම මාගේ සිතෙහි බිය තව තවත් වර්ධනය වීම පමණයි සිදු වූයේ. මා ඇයවත් රැගෙන මාලිගයට ගමන් කරනා අතරේදී මෑණියන් ද එලිමහනෙහි සිටියේ එහි සිටි කුඩා සා පැටවුන්ට ආහාර ලබා දෙමිනුයි. මා එහි පැමිණෙනවා දුටු නිසාමදෝ මෑණියන් නැඟිට මා අසලට ආවේ සිනහ මුසු මුහුණින්මයි.
“ඔබ පැමිණියාද..? මා බලා සිටියේ ඔබ... කුමක් ද ඇයට සිදුවූයේ වූයේ..?”
සිනහ මුසු මුහුණින් පැමිණි මෑණියන්ගේ මුහුණද කලබලයෙන් පිරී ගියේ නිමේෂයකිනුයි. ටේහියාව ප්රවේශමෙන් කුටියට ගෙන යාමට උපකාර කරමින් මෑණියන් මා දෙස බැලුවේ, මේ සිදුව ඇති දේවල් පැහැදිලි කර දෙන ලෙස පවසන්නට මෙනුයි.
“විෂ ශරීර ගත වෙලා... ඇයට ඉක්මන්...”
“ඔරාබොනි..., ඔබ ප්රමාදයි... ටේහියා දැන් මද වේලාවකට පෙරයි පිටව... ටේහියා.., ඇයි ඔරාබොනි මේ..? අඩ හෝරාවකට පෙරත් ඇය හොඳින් සිටියානේ... ඇයිද මේ...?”
නැඟණිය පිටත සිට එසේ පවසමින්ම පැමිණියත්., ඇයද පුදුමයටත් කලබලය ටත් පත්වූ බවකුයි මා හට දැනුනේ.
“මින්ජියා.., විහාරස්ථානයේ සිටින ජූජකතුමන් කැඳවා ගෙන පැමිණෙන්න හැකි ඉක්මනින්...”
මා එසේ පවසද්දීම නැඟණිය පිටව ගියා. මද වේලාවකින් ඇය ජූජකතුමන්ව රැගෙන පැමිණි විගසම මා පසෙකට වූයේ ජූජකතුමන්ට ටේහියාව පරීක්ෂා කිරීමට පහසු වන ලෙසයි.
“කුමක් ද ඇයට සිදුවූයේ..?”
“විෂ ශරීර ගත වෙලා... මාගේ මිතුරා පැවසුවේ එලෙසයි...”
මා එසේ පවසද්දී ජූජකතුමන් ටේහියාගේ නාඩි පිරික්සා බැලුවා නැවතත්.
“ඔබතුමන්ගේ මිතුරා පැවසුවේ ලෙසම ඇයගේ ශරීරයේ ඉක්මනින් විෂ පැතිරී යන ආකාරයකුයි මදින් මද දුර්වල වන නාඩි වලින් වැටහෙන්නේ... මා විෂ පැතිරීම අවම කිරීමට චිකිත්සාවක් සිදු කරන්නම්... එහෙත් හැකි ඉක්මනින් වෙදදුරුවරයෙකු කැදවාගෙන පැමිණෙන්න...”
YOU ARE READING
❤NEVER ENDING LOVE❤ [Completed] [Rewriting]
Historical Fiction[EP 31 - 50 under editing] [EP 1 - 30 edited] (2023. 09. 28) "මා මතු කලක දී ඔබව අනිවාර්යයෙන් ම නැවත සොයා ගන්නම්... මා ඔබව දුටු සැනින් හඳුන ගන්නම්... නැහැ..! මා ඔබව දැකීමටත් පෙරාතුව හඳුනා ගන්නම්... ඔබට ආලය කරන්නම්... සමා...