❤NEVER ENDING LOVE❤ [Completed] [Rewriting]

Chapter 48 (Part 01)

(Jimin's pov)❤

“Aniya Jimina...”
එකපාරම මාව ගැස්සිලා ගියේ Tae බයෙන් වගේ ඇහැරිලා බදා ගත්ත නිසා.
“ඇයි Taehyung-ah... මොකද මේ..?”
“Jimina...”
Tae පොඩි ලමයෙක් වගේ ඇස් දෙකේ කඳුළු පුරවන් එහෙම කියද්දී මං එයාගේ උරහිසට අත තිබ්බේ එයාව ටිකක් සන්සුන් කරන්න හිතාගෙන.

“නරක හීනයක් දැක්ක ද Tae..? ඒත් ඔයා හීන වලට බයවෙන ජාතියේ කෙනෙක් නෙමෙයිනේ... ඔන්න මං වගේ නම් බය වුනත් කමක් නෑ...”
මං ටිකක් හිනා වෙලා විහිලුවට වගේ කිව්වේ තාමත් බය වෙලා වගේ හිටපු Tae ව සාමන්‍ය තත්ත්වයට ගේන්නයි.

“Jimina අපි මෙතනින් යමුකෝ... අනේ ඉක්මනට යමු...”
Tae පොඩි ලමයෙක් වගේ මගේ අතින් අදින ගමන් කිව්වා. මටත් මෙතනින් යන්න උවමනාව තිබ්බත් තාම Shenu නිදාගෙන හිටිය නිසා මං Tae කියන්න ගියේ Shenu ඇහැරුනාට පස්සේ යමු කියලා.

“Tae.., අපි තව ටික...”
“Wanjanim...”
මං කියන්න කියන්න ගිය දේ මඟ නතර කලේ එකපාරටම Shenu නින්දෙන් එහෙම කියාගෙන අඬන්න ගත්ත නිසා. මායි Tae යි දෙන්නම Shenu දිහා බැලුවේ මුකුත් හිතා ගන්න බැරිවයි.

“Shenu... Shenu...”
මං හිමින් සීරුවේ Shenu ට කතා කලේ හීනයක් නිසාවත් එයා මෙහෙම අඬනවා දකින්න ඕනි වුනේ නැති නිසා. Shenu හිමින් හිමින් ඇස් ඇරියත් එයාගේ ඇස් වලින් තවමත් කඳුළු ගලාගෙන ගියා. එකපාරටම මාව බදාගත්ත Shenu මාව බදාගෙනම අඬන්න ගත්තේ අවුරුදු ගානක දුක පිට කරන්න තියෙනවා වගේ.

“අනේ මාව දාලා යන්න එපා... මාවත් අරන් යන්න...”
Shenu අඬන ගමන් කිව්වේ ඒ වචන ටික විතරමයි. Tae ත් ඇස් වල කඳුළු පුරවගෙනම Shenu දිහා බලන් ඉන්නේ එයත් මේ හැම දේකටම හේතුව දන්නවා වගේ. දැන් පැය කාලක විතර ඉදන් Shenu තාමත් මාව බදාගෙන අඬනවා. මට මොනවත් හිතා ගන්න බැරිව දෙන්නා දිහාම මාරුවෙන් මාරුවට බැලුවේ මට කාගෙන් හරි උත්තරයක් ලැබෙයි කියලා හිතලා.

Jimina.., අපි Jin hyung ට මෙතනට එන්න කියමු... අපිව එක්කන් යන්න... Shenu හොඳින් නෙමේ වගේ... අ..අපි මෙතනින් ඉක්මනට යන තරමට හොඳයි...”
එකපාරටම Tae කියපු දේට එකඟ වෙනවා හැර මට වෙන කරන්න දෙයක් හිතා ගන්න බැරි වුණ නිසා මං Jin hyung ට call එකක් අරන් අපි ඉන්න තැනට එන්න කිව්වා. Tae කිව්වා වගේම Shenu හිටියේ හොඳින් නෙමේ කියලා මටත් තේරුණා.